عرض للطباعة
كنت باشترى من اماوزن اجزاء كتيره لجهاز الكمبيوتر و كانت بتوصل عادى لغايه المنزل لكن حاليا تانى مره اشترى من النت و تتحجز فى الجمارك و تتطلب تصريح من الامن و من الاموال العامه و فى الاخر يترفض دخولها !!! هل تم منع الشراء من المواقع الاجنبيه تماما و تغيير القوانين ؟
اقتباس:
المشاركة الأصلية كتبت بواسطة StarCraft
أعتقد المشكلة فقط فى دخول كروت الشاشه والاجهزه التي تحتوي على بلوتوث او وايرليس
انت كنت بتشتري ايه من امازون واترفض ؟
فعلا كرت شاشه بس انا قبل كده اشتريت موبيل و تابلت و وصل !! هي ليه كارت الشاشه ممنوع ؟
المره ديه انا اشتريت من newegg.com و مش راضيين يرجعوا الفلوس ليا !! صرفت 7500 ج
حاجه تقهر
اقتباس:
المشاركة الأصلية كتبت بواسطة StarCraft
موضوع كروت الشاشه دا من زمان وتحديدا من وقت انتشار تعدين البيتكوين فى 2017 وللاسف من يومها لحد دلوقتي وكروت الشاشه ممنوعه تدخل
رغم ان التعدين مبقاش له لازمه ولا مربح بكروت الشاشه وكمان هتحتاج كروت كتيره جدا وبردو مش هيكون مربح
واي كارت شاشه هتطلبه هيتحجز فى الجمارك وهيطلبوا موافقات جهات أمنيه زي الامن العام والاموال العامه والجهات دي مش هتعطيك اى موافقه اصلا
وهتحس وانت بتتعامل معاهم انك عامل حاجه غلط رغم انك شاري كارت شاشه عادي يعني من الاخر بلاش تشتري من برا كروت شاشه
الافضل انك تبتعد تماما عن شراء من برا اي كروت شاشه او كروت وايرليس او اكسسوارات بلوتوث او كاميرات مراقبه اوطيارات درون او ساعات بكاميرات حتي لو لعب أطفال
الموبايلات عادي بتحتاج موافقة الجهاز القومي لتنظيم الاتصالات وبتعدي والتابلت نفس الحكايه واللابتوبات بردو عادي
المفروض طالاما هترجع الشحنه مطرح مجت يرجعلوك الفلوس انا الصراحة متعاملتش مع مواقع غير امازون لانهم محترمين وبيساعدوا
متشكر جدا Black_Spy
انا ماكنتش اعرف المعلومه ديه . من 5 سنين تقريبا اشتريت كارت 1060 من بره ووصل عادي و فاكر الدنيا عادي !! ربنا يستر و الكارت يرجع و مضيعش عليا الفلوس
الشكر لله أخي الكريم
الافضل انك تكلم الموقع اللي انت شاري منه وتبلغهم باللي حصل وانك عاوز ترجع الشحنه وتاخد فلوسك لانها ممنوعه تدخل مصر وان شاء الله يساعدوك
ماهي دي المشكله newegg رافضين يرجعوا الفلوس لغايه لما الشحنه ترجعاقتباس:
المشاركة الأصلية كتبت بواسطة Black_Spy
اقتباس:
المشاركة الأصلية كتبت بواسطة StarCraft
مهو دا الوضع الطبيعي انهم مش هيرجعوا الفلوس ليك الا لما الكارت يوصلهم تاني او بمعني ادق الشحنه كلها توصلهم تاني ويطمنوا ان الحاجه موجوده
بس طبعا شحنها لامريكا تاني هيكون على حسابك للاسف وممكن ياخد شوية وقت اما توصل امريكا
وممكن تطلب منهم انهم يساعدوك بتمن ارجاع الشحنه مره تانيه لامريكا يعني انت هترجع الشحنه ولما الحاجه توصلهم تبعتلهم اثبات بالفلوس بتاعت الشحن ويحطوهالك كريديت على حسابك
انا معرفش موقع newegg.com بيعمل كده ولا لاء بس امازون بيعملوا كده اوقات كتيره لما تكون المشاكل خارجه عن إرادة المشتري
انا اتمنى بس ترجع و متضعيش فى الطريق
الغريب ان كروت AMD اللى ممكن تستخدم فى التعدين متاحه للبيع داخل مصر !!
ايه هو التعدين ده بكروت الشاشه اللي بتتكلموا عنها
اقتباس:
المشاركة الأصلية كتبت بواسطة dr.link
فقط أكتب كلمه التعدين بخانه بحث جوجل
ستجد الإجابه على سؤالك
موفق