شراء كارت شاشة : كالعادة في كل مرة اذهب لإختيار قطعة هاردوير جديدة أذهب لعرب هاردوير

[A7MD10]

سلام عليكم ورحمة الله و بركاته
منذ اكثر من ثمانية أعوام الأن في كل مرة أرغب فيها في شراء جهاز جديد او تحديث القديم او شراء قطعة جديدة في جهازي دائما ما أذهب للخبراء هنا في عرب هارد وير و دائما كنتم لا تبخلون علينا بالنصائح
و هاهي لاحت علي الابواب و ينتظرها الملايين و لا أبالغ إن قلنا ملايين ينتظر علي أحر من الجمر gta v فمع قدوم أبريل المزدحم جدا بمجموعة من أهم سلاسل الالعاب كمورتال كومبات و غيرها ظهرت الحاجة لشراء بطاقة رسومية قوية تتناسب مع قدرات اخر سلاسل اللعبة المنتظرة بشدة علي منصات الحاسبgta v
المطلوب طبعا شراء بطاقة شاشة تتناسب مع امكانيات gta v بحيث لا يزيد سعرها عن 2000 جنيه
الجهاز لدي امكانياته كالاتي
Core i 5 4430 haswell 3ghz 6m cash lga1150
Asrock h87 pro 4
Ram : g.skill ripjaws 4 giga ddr 3 1600 cl9 1.50v
Hd: wd 1 tira black
Psu : thermaltake 450 wat
الميزانية المحددة لا تزيد عن 2000جنيه باي حال من الاحوال لأن هناك أيضا ترقية سأقوم بها للرام ايضا لارفع مجموعها ل 8 جيجا
و اعتقد انها ميزانية كافية جدا لكارت شاشة جيد ل جتا 5 لتلعب بسلاسة ممتازة و ريزليوشن و مؤثرات عالية 1080
الشاشة لدي 23بوصة full hd
ارغب في كارت داعم دعما كاملا لامكانيات dx12 القادم مع ويندوز 10 بالمرة
ارجوا من الخبراء كالعادة في متابعتي و اسداء النصائح و الاختيارات المتعددة كالعادة و تجنب الكروت التي ظهرت بها المشاكل
و يراعي في اختيار الكارت ان الباور سبلاي لدي قدرته 450 وات و هو ثيرمالتك اعتقد انه باور احترافي جيد فيجب ان يتناسب قدرات الكارت مع الباور سبلاي لدي لكي لا يحدث علي ارهاق مادي بشراء باورسبلاي جديد إلا في الضرورة القصوي و اعتقد ان الباورسبلاي لدي بحالة جيدة فقد اشتريته من عام و نصف فقط

و ارجو تقبل المعذرة لاني أكتب من خلال السمارت فون فقد يكون الخط صغيرنوعا ما

منتظر بإذن الله خبراتكم و نصائحكم و ترشيحاتكم من كلا الشركتين العملاقتين
و تجارب الاعضاء التي اقتنت نفس الكروت قبلي ايضا و مدي قوتها و تعملهم معها و المراجعات أيضا

دمتم برعاية الله

[Ahmedyasseramin]

انصحك بشراء DualX R9 285 oc رائعه وعن تجربه وافضل من ال 760 و ال 960 كمان ولو مش مصدق قارن بين الثلاثه كروت علي game debate

[DeMody]

GeForce GTX 960 Zotac AMP سعر البطاقه الأن 2000 جنيه بالظبط

انصحك بشراء DualX R9 285 oc رائعه وعن تجربه وافضل من ال 760 و ال 960 كمان ولو مش مصدق قارن بين الثلاثه كروت علي game debate

و يراعي في اختيار الكارت ان الباور سبلاي لدي قدرته 450 وات و هو ثيرمالتك اعتقد انه باور احترافي جيد فيجب ان يتناسب قدرات الكارت مع الباور سبلاي لدي لكي لا يحدث علي ارهاق مادي بشراء باورسبلاي جديد إلا في الضرورة القصوي و اعتقد ان الباورسبلاي لدي بحالة جيدة فقد اشتريته من عام و نصف فقط

كارت R9 285 يحتاج لبور 500W علي الأقل و صاحب الموضوع زكر عدم قدرته علي تحديث البور الخاص به

و من الأفضل زكر موديل البور بالكامل

[Ahmedyasseramin]

GeForce GTX 960 Gigabyte G1 Gaming 2GB Edition
افضل خيار لك يطتلب فقط 400 وات

[phenomenon]

مبروك اخى مقدما ...
ولكن

و من الأفضل زكر موديل البور بالكامل

+1

[tareg7]

وعليكم السلام اخي
زي ما قالولك الاخوة
اول شي لازم نعرف نوع البور بالزبط عشان ما تقعش في مشاكل لا سمح الله
الشي الثاني لازم ترفع الرام 8 جيجا زي ما انت ناوي .. (خطوة ممتازه) ...
الشي الاخير ف كرت gtx 960 ممتاز جدا وعشان انت تكون مرتاح لفتره طويله خوذ نسخة 4 جيجا مع تبريد احترافي من الشركات المعروفه
مبروك مقدما . و بالتوفيق

[A7MD10]

تمام نؤع الباور سبلاي لدي
psu : thermaltake 450 watt model TT - 450 PL1-NH-1

الباور ده هو اللي كان جاي مع الكيسة الجهاز كله جايبه من سنة و نصف

[Black_Spy]

أعتقد هتحتاج باور اقوى من الحالى معاك

[A7MD10]

شكرا لكل من قام بالرد من الاعضاء الكرام
استاذ بلاك سباي ليه انا محتاج باور اقوي ما اللي عندي باور احترافي من thermaltake و اعتقد انها ماركة محترمة مش تجارية

[A7MD10]

شباب فين التفاعل انا وضعت اسم الباور سبلاي بتاعي

محدش رد ليه علي استفساراتي

ايه افضل ترشيحات ل gta v مع نوعين واحد من انفيديا و الاخر amd

و اذا كنت، بالفعل احتاج اغير الباور ولا لا و ليه ؟؟؟؟ و لو هغيره اجيب ايه

في كارت لقيته من جيجابايت نوعه Gigabyte GeForce GTX 960 2GB GDDR5 WINDFORCE 2X (GV-N960WF2OC-2GD) + The Witcher 3: Wild Hunt

دا ارخص من الجيجابايت
Gigabyte GeForce GTX 960 G1 Gaming 2GB GDDR5 (GV-N960G1 GAMING-2GD)

بحولي من 200 : 300 جنيه

و نازل معاه سيريال لعبةThe Witcher 3: Wild Hunt

حسب كلام البائع ان اللعبة مجانية كاملة علي الكارت نازلة معاه هدية معرفش ازاي

الكلام هنا مغري لكن انا متخوف يكونوا بيحاولوا يغروا الناس لشرا الكارت دا باي حاجة عشان مثلا اكتشفوا فيه عيوب صناعة او مشاكل وسعره كمان رخيص بالقارنة مع الGigabyte GeForce GTX 960 G1 Gaming 2G
اللي عامل حوالي 2100 : 2200 جنيه لكن مع تبريد افضل ب ثلاثة مراوح من الارخص منه اللي جاي بمروحتين بس
او يمكن مثلا في حاجة غلط او لعب في الموضوع و غش من البائع إما انه عارف ان الكارت عنده هو بالذات في مشكلة دون عن غيره لان مش كل المحلات منزلة نفس العرض باقي المحلات بتبيع بنفس السعر تقريبا دون هبات سخية إطلاقا
او ممكن يكون مثلا السيريال ده مجرد لنسخة تجربية من اللعبة او نسخة غير كاملة او تخفيض علي ثمن اللعبة فقط و خد كمل انت الباقي يا زبون مش عارف الصراحة مش فاهم الصراحةhe Witcher 3: Wild Hunt تنزل مجانا ازاي اصلا زي اي لعبة عادية علي كارت الشاشة !!!!!!!


تاني حاجة افضل شركة بتنزل نسخ احترافية ل انفيديا هي evga فين كروتها يا جماعة في السوق المصري من الشريحة gtx960 مش لاقيها كله جيجابايت و اسوس و msi و zotac مع احترامي لهم جميعا الا انهم لا يضاهوا مع evga لدرجة اني بفكر انزل لشريحة الgtx 750 ti 0 الارخص بكتير عشان موجود منها evga

او اشوف حلول amd مع saphier لكن اتصدمت بصراحة كلام الناس ان الجيل الحالي من المعسكر الاحمر اصبح اكثر استهلاكا للطاقة و اعلي حرارة من مثيله في انفيديا مع ان النقطة دي كانت تتفوق فيها Amd علي طول الخط لكن يبدو ان الزمن دوار ملوش امان


علي العموم منتظر راي الخبراء و المقارنات و تجربة الاعضاء المقتنيين للكروت المرشحة و نقرر و نشوف

و دا العادي دايما مع كل مرة الواحد بيفكر يشتري قطعة جديدة لازم يذاكر من اول وجديد و لان كل مره المناهج بتتغير :-)

[phenomenon]

شباب فين التفاعل انا وضعت اسم الباور سبلاي بتاعي
محدش رد ليه علي استفساراتي

ايه افضل ترشيحات ل gta v مع نوعين واحد من انفيديا و الاخر amd
خلى املك فى ربنا كبير

و اذا كنت، بالفعل احتاج اغير الباور ولا لا و ليه ؟؟؟؟ و لو هغيره اجيب ايه

شوف اخى كارت 960 كارت محترم فى استهلاك الباور لكن بدون تعصب فى امور مزودات الطاقه الباورلا يعتمد عليه
بالاضافه ان كسر سرعه كارت الشاشه حاليا وارد انك تنفزه بنسبه 90% عشان تستفاد بفرق 5-10 اطارات زياده حتى فى بعض الالعاب
والكارت موفرلك المساحه دى خصوصا لو انت متاكد من قوه المعالج بتاعك لكن سواء بالكسر او بدون كسر انت محتاج باور محترم ماركه جيده
قدامك EVGA+Seasonic+Corsair+Thermaltake+ Coolermaster ولكن المقصد هنا بالباورات الخارجيه فقط مش اللى بتيجى مع الكيس
اشترى اما
Seasonic S12II 520W Bronze
EVGA 500W Bronze
Thermaltake SE 530W Bronze
Corsair CX 500W
اختار من اول باورين لو تقدر عشان يعيش معاك فتره طويله ويكون كابلين 6 او 8

في كارت لقيته من جيجابايت نوعه Gigabyte GeForce GTX 960 2GB GDDR5 WINDFORCE 2X (GV-N960WF2OC-2GD) + The Witcher 3: Wild Hunt
دا ارخص من الجيجابايت
Gigabyte GeForce GTX 960 G1 Gaming 2GB GDDR5 (GV-N960G1 GAMING-2GD)
بحولي من 200 : 300 جنيه
و نازل معاه سيريال لعبةThe Witcher 3: Wild Hunt
حسب كلام البائع ان اللعبة مجانية كاملة علي الكارت نازلة معاه هدية معرفش ازاي

الموضوع بسيط بمجرد ماتسجل فى موقع الشركه بسريال الكارت بتاعك هيوصلك سريال مجانى للعبه او باى طريقه غيرها

الكلام هنا مغري لكن انا متخوف يكونوا بيحاولوا يغروا الناس لشرا الكارت دا باي حاجة عشان مثلا اكتشفوا فيه عيوب صناعة او مشاكل وسعره كمان رخيص بالقارنة مع الGigabyte GeForce GTX 960 G1 Gaming 2G
اللي عامل حوالي 2100 : 2200 جنيه لكن مع تبريد افضل ب ثلاثة مراوح من الارخص منه اللي جاي بمروحتين بس

السبب فى اختلاف السعر التبريد زى ماحضرتك قولت او او لكن مافيش عيب صناعه او خلافه ومعاك ضمان تلات سنين للكارت بدون قلق


او يمكن مثلا في حاجة غلط او لعب في الموضوع و غش من البائع إما انه عارف ان الكارت عنده هو بالذات في مشكلة دون عن غيره لان مش كل المحلات منزلة نفس العرض باقي المحلات بتبيع بنفس السعر تقريبا دون هبات سخية إطلاقا
او ممكن يكون مثلا السيريال ده مجرد لنسخة تجربية من اللعبة او نسخة غير كاملة او تخفيض علي ثمن اللعبة فقط و خد كمل انت الباقي يا زبون مش عارف الصراحة مش فاهم الصراحةhe Witcher 3: Wild Hunt تنزل مجانا ازاي اصلا زي اي لعبة عادية علي كارت الشاشة !!!!!!!

مين اللى قال انها نازله مجانى دا بيكون عباره عن عقود وتعاون بين الشركتين ووضع حدود لنسب الارباح حسب الاتفاق بينهم
لكن مفيش حاجه مجانيه فى الزمن دا

تاني حاجة افضل شركة بتنزل نسخ احترافية ل انفيديا هي evga فين كروتها يا جماعة في السوق المصري من الشريحة gtx960 مش لاقيها كله جيجابايت و اسوس و msi و zotac مع احترامي لهم جميعا الا انهم لا يضاهوا مع evga لدرجة اني بفكر انزل لشريحة الgtx 750 ti 0 الارخص بكتير عشان موجود منها evga

كل الكروت ادائها جيد جدا ومفيش خوف منها ولايوجد اختلاف لان الشيب والمعالج واحد فى كل الكروت فقط التبريد بيختلف
وبناءا عليه بتلاقى كارت تبريده اعلى وبناءا عليه تردده اعلى وبناءا عليه صوته اعلى
فى العكس تماما
كروت MSI + ASUS تردد عالى وتبريد عالى وصوت هادى لكن الامور دى عموما بتحتاج تدقيق زياده عن الحد لكل كارت فى الجيل نفسه
وفى النهايه رايى تختار اللى يناسب سعرك فقط لاغير
فقط تاكد من حجم الكيس قبل شراء اى كارت سواء مروحتين او تلاته

او اشوف حلول amd مع saphier لكن اتصدمت بصراحة كلام الناس ان الجيل الحالي من المعسكر الاحمر اصبح اكثر استهلاكا للطاقة و اعلي حرارة من مثيله في انفيديا مع ان النقطة دي كانت تتفوق فيها Amd علي طول الخط لكن يبدو ان الزمن دوار ملوش امان

دوام الحال من المحال لكن ان جيت للصراحه كلاهم Power Hungery فى الكورت العاليه
وان شاء الله بشراء باور 500W او 550W ماركه نضيفه متقلقشى من نسبه الاستهلاك

علي العموم منتظر راي الخبراء و المقارنات و تجربة الاعضاء المقتنيين للكروت المرشحة و نقرر و نشوف
انا اقتراحى انك تجيب افضل كارت بالسعر سواء AMD او nvidia
ايضا اقتراب الجيل الجديد على الابواب لو كنت من اصحاب الصبر الجميل

و دا العادي دايما مع كل مرة الواحد بيفكر يشتري قطعة جديدة لازم يذاكر من اول وجديد و لان كل مره المناهج بتتغير :-)

[A7MD10]

استاذنا الغالي phenomenon
يا غالي مش عارف اشكرك قد ايه ريحت قلبي

لكن ان شاء الله انا استفدت بمعلومة اكيدة اني لازم اغير الباور سبلاي تبعي و منه لله المحل اللي اشتريت منه الجهاز لما قالي مفيش مشكله من الباور اللي في الكيسة هيشغلك العاب تمام و ركب عليه كارت شاشة ممتاز متقلقش فيما بعد

و الاكيد كده اني هنزل بمستوي طموحي في السعر للكارت عشان الميزانية سترهق بباور احترافي

معلومة تانية مشكورا اذ اوضحت لنا قيمة الجيجا بايت 960 و سعره اقل كمان من النسخة ال gamming و هذا ما يجعلنا نضعه كحل جميل ضمن باقي الاقتراحات التي سيتفضل بها باقي الاعضاء

حاليا لم اري حتي الان اقتراحات مقدمة سوي واحد فقط من الاعضاء قدم اقتراح بكارت amd باقي الاقتراحات كانت لنفيديا

و مؤقتا حتي اسمع اقتراحات عشاق و خبراء amd

و لذلك سأضع الكارت في مقارنة مع كارت evga gtx 750 ti المنخفض السعر بكثير حوالي 450 جنيه عن الجيجابايتGigabyte GeForce GTX 960 2GB GDDR5 WINDFORCE 2X


فهل تري من خلال مراجعاتك و خبرتك ان كارت الجيجا بايت سابق الذكر يستحق بالفعل ان ادفع الاربعمائة جنيه الفرق عن evga 750ti مع ان كلاهما نفس المعمارية ماكسويل هل ادائه يشفع له بفارق كبير عن الكارت منخفض السعر من evga و يعوض لي السعر خصوصا هو قادم في المقام الاول ل gta v
مع العلم اني لست بمليارديرا لكي اقوم بتغيير كارت الشاشة كل بضعة اعوام

و شاكرا جدا لمجهودك المبذول

[phenomenon]

استاذنا الغالي phenomenon
يا غالي مش عارف اشكرك قد ايه ريحت قلبي

لكن ان شاء الله انا استفدت بمعلومة اكيدة اني لازم اغير الباور سبلاي تبعي و منه لله المحل اللي اشتريت منه الجهاز لما قالي مفيش مشكله من الباور اللي في الكيسة هيشغلك العاب تمام و ركب عليه كارت شاشة ممتاز متقلقش فيما بعد

يا اخى الكريم ... اللى جملعلك الجهاز مظلمكشى ابدا لكن انت ظلمت نفسك بعدم المعرفه ومع ذلك كلنا خطائين ولازم نغلط عشان نتعلم
دائما التجميع بيكون حسب الميزانيه لكن عموما اللى فات امره انتهى المهم القادم معاك

و الاكيد كده اني هنزل بمستوي طموحي في السعر للكارت عشان الميزانية سترهق بباور احترافي
معلومة تانية مشكورا اذ اوضحت لنا قيمة الجيجا بايت 960 و سعره اقل كمان من النسخة ال gamming و هذا ما يجعلنا نضعه كحل جميل ضمن باقي الاقتراحات التي سيتفضل بها باقي الاعضاء
بخصوص اى نسخه من الكارت ... هات المناسبه ليك وانتظر اقتراحات تانيه

حاليا لم اري حتي الان اقتراحات مقدمة سوي واحد فقط من الاعضاء قدم اقتراح بكارت amd باقي الاقتراحات كانت لنفيديا
و مؤقتا حتي اسمع اقتراحات عشاق و خبراء amd
عشان مش تتوهه كتير فى امور اختيارات AMD او Nvidia فى الوقت دا تحديدا ومع بعض الكروت الموجوده حاليا
الجميع ينتظر الجيل القادم من مستخدمين AMD اما مستخدمين nvidia فعادى الامر بالنسبالهم وبيرشحوا المتوفر عندهم او امامهم
و لذلك سأضع الكارت في مقارنة مع كارت evga gtx 750 ti المنخفض السعر بكثير حوالي 450 جنيه عن الجيجابايتGigabyte GeForce GTX 960 2GB GDDR5 WINDFORCE 2X

ان كنت مستعجل جدا فالكارت جيد وايضا R9-270 جيد ولكن
فى الحاله دى الكرتين مش بيتطلبوا اكتر من الباور عندك حاليا
لكن مع 960 انت فى حاجه الى باور ولذلك
انا اقترح عليك للمره التانيه الانتظار ان كنت تريد GTA V بجوده عاليه على 1080p


فهل تري من خلال مراجعاتك و خبرتك ان كارت الجيجا بايت سابق الذكر يستحق بالفعل ان ادفع الاربعمائة جنيه الفرق عن evga 750ti مع ان كلاهما نفس المعمارية ماكسويل هل ادائه يشفع له بفارق كبير عن الكارت منخفض السعر من evga و يعوض لي السعر خصوصا هو قادم في المقام الاول ل gta v
مع العلم اني لست بمليارديرا لكي اقوم بتغيير كارت الشاشة كل بضعة اعوام

هو فى ملياردير فاضى لـــ GTA V بردو :D ؟
انت انتظر ردود الاخوه الكرام واسمع اقتراحاتهم
ياريت تشوف مراجعات لكارت R9-285 ان لقيته منافس لـــــ GTX 960
هيكون افضل وفى نفس الوقت تقريبا سعره منافس وتقدر تجيب الباور والكارت وتكسر سرعته ايضا فى الالعاب


و شاكرا جدا لمجهودك المبذول

[A7MD10]

يعني حضرتك بتقترح علي الانتظار لحين صدور نسخ ال amd الجديدة حتي تعمل معي gta v علي جدة عالية بسلاسة 1080 p

افهم من كلامك ان كارت الجيجا بايت نفسه اللي هوGTX 960 2GB GDDR5 WINDFORCE 2X مش هيشغلها علي الاعدادات 1080pدي بسلاسة ؟؟؟؟؟؟

انا فهمت من كلامك ضمنيا ان evga 750 ti مش هيشغلها علي اعلي الاعدادات بسلاسة لكن لو علي 1600*900 متشتغلش بسلاسة مثلا ؟؟؟؟؟ معلش لازم اعرف امكانيات كل كارت واصلة لفين بالظبط عشان احسب ميزانيتي بشكل اقتصادي لبكره وبعده لكذا سنة قدام خصوصا ان ويندوز 10 و dx12 علي الابواب و انا طالب ان الكارت ده اللي هدفع في تحويشة العمر اللي جمعتها في عشر سنين غربة تروح في مكانها :-)

حاجة اخيرة بالنسبة لموضوع الانتظارamd الانتظار لفترة قد ايه فترة معلومة يعني الشهر الجاي ولا شهرين لسه كمان ولا قد ايه ؟؟؟؟؟؟؟؟؟؟؟ لاني بعد ما اشتريت جهازي الحالي انتظرت برضه لحين صدور ال amd r7 و علي ما يبدو مجبش حاجة جديدة خالص مع ان الكل كان متوقع ثورة في السعر و الاداء و استهلاك الطاقة لكن علي ما يبدو و من خلال مراجعات المواضيع بالقسم هنا وضح ان المنافس مقدم كروت انفيديا اعلي في كفائه و اداء و استهلاك اقل للطاقة فابالتالي حرارة اقل بكتير فعمر افتراضي افضل ) تحويشة العمر () :-)

فهل منتظر من amd انها تقدم شئ افضل من الموجود حاليا لدي المنافس في جيل القادم ولا زي r7 و امتي


حاجة كمان قبل ما انسي من خلال قراءة بعض المواضيع للاعضاء و مشاكل كروت الشاشة التي لديهم وجدت مصبتين الاولي :
بخصوص amd و كروت r9 فما فوق و كمان بعض كروت r7 مشاكل معينة مش فاكر كان ايه بالظبط اسمها لكن واحدة منها تتعلق بقدرتها المحدودة للنواة في كسر السرعة و اجبار الشركات المصنعة للنسخ الاحترافية لها علي ذلك

المشكلة التانية بقي في انفيديا و كارتها gtx970 و مشكلة ال 3.5 جيجا و اها عيب مخصوص من انفيديا بغلق وحدات معينة عشان ميبقاش في كفائة ال gtx 980 عشان فارق السعر المصيبة ليكون الكلام ده كمان مطبق علي gtx 960 فياريت افادة كمان في الجزئية دي

[phenomenon]

يعني حضرتك بتقترح علي الانتظار لحين صدور نسخ ال amd الجديدة حتي تعمل معي gta v علي جدة عالية بسلاسة 1080 p

افهم من كلامك ان كارت الجيجا بايت نفسه اللي هوGTX 960 2GB GDDR5 WINDFORCE 2X مش هيشغلها علي الاعدادات 1080pدي بسلاسة ؟؟؟؟؟؟

بتطلب منى المستحيل لكن افتراضا ان المتطلبات الموصى بها للعبه من الشركه هتكون هى نفس المطلوبه على ارض الواقع فهما تقريبا كاتبين 7870 يعنى 660

انا فهمت من كلامك ضمنيا ان evga 750 ti مش هيشغلها علي اعلي الاعدادات بسلاسة لكن لو علي 1600*900 متشتغلش بسلاسة مثلا ؟؟؟؟؟ معلش لازم اعرف امكانيات كل كارت واصلة لفين بالظبط عشان احسب ميزانيتي بشكل اقتصادي لبكره وبعده لكذا سنة قدام خصوصا ان ويندوز 10 و dx12 علي الابواب و انا طالب ان الكارت ده اللي هدفع في تحويشة العمر اللي جمعتها في عشر سنين غربة تروح في مكانها :-)

ههههههههههه انت باقلك 10 سنين بتجمع فى 2000 جنيه ده لو اليوم بجنيه كنت جمعت اكتر
بس انا عارف ان مسؤليات الحياه صعيه

حاجة اخيرة بالنسبة لموضوع الانتظارamd الانتظار لفترة قد ايه فترة معلومة يعني الشهر الجاي ولا شهرين لسه كمان ولا قد ايه ؟؟؟؟؟؟؟؟؟؟؟ لاني بعد ما اشتريت جهازي الحالي انتظرت برضه لحين صدور ال amd r7 و علي ما يبدو مجبش حاجة جديدة خالص مع ان الكل كان متوقع ثورة في السعر و الاداء و استهلاك الطاقة لكن علي ما يبدو و من خلال مراجعات المواضيع بالقسم هنا وضح ان المنافس مقدم كروت انفيديا اعلي في كفائه و اداء و استهلاك اقل للطاقة فابالتالي حرارة اقل بكتير فعمر افتراضي افضل ) تحويشة العمر () :-)
فهل منتظر من amd انها تقدم شئ افضل من الموجود حاليا لدي المنافس في جيل القادم ولا زي r7 و امتي

ممكن اقولك كارت 750 ادائه هيكون جيد لكن كارت 750 كويس لو هتجدد السنه القادمه او بالكتير نهايه 2016 هتكون فى احتياج غيره عشان تلعب بجوده عاليه
لكن انت بتقول انك مش عايز تجدد الا بعد فتره طويله فانصحك بالانتظار اخى


حاجة كمان قبل ما انسي من خلال قراءة بعض المواضيع للاعضاء و مشاكل كروت الشاشة التي لديهم وجدت مصبتين الاولي :
بخصوص amd و كروت r9 فما فوق و كمان بعض كروت r7 مشاكل معينة مش فاكر كان ايه بالظبط اسمها لكن واحدة منها تتعلق بقدرتها المحدودة للنواة في كسر السرعة و اجبار الشركات المصنعة للنسخ الاحترافية لها علي ذلك
المشكلة التانية بقي في انفيديا و كارتها gtx970 و مشكلة ال 3.5 جيجا و اها عيب مخصوص من انفيديا بغلق وحدات معينة عشان ميبقاش في كفائة ال gtx 980 عشان فارق السعر المصيبة ليكون الكلام ده كمان مطبق علي gtx 960 فياريت افادة كمان في الجزئية دي

بالفعل فى مشاكل ظهرت فى بعض الكروت ولكن دائما بيتم النصح بالكروت المضمون عملها بشكل مثالى من خلال خبره الاعضاء والتعامل عليها
مش كل كروت R9-2xx فيها مشاكل او ضرورى انك تقابل مشاكل وفئه R7-2xx خاليه تماما وكارت GTX 960 خارج مجال الشك تماما