استاذ هيثم ايه اخبارك مش باين يعني من فترة ان شاء الله يكون المانع خير لو حضرتك عندك اكونت ع الفيس بوك او ايميل افضل بدل المنتدى الي انا بقيت بدخله كل فين وفين
المشكلة بتاعت ديكستر اني حاسس المخرج بيستهبل كتير جدا ... يعني ممكن قوي بدل ما يقعد السيزيون كله يجري ورا واحد وقضية واحدة كبيرة كان ممكن يعمل زي هيروز قضية واحدة كبيرة بس كلهم مرتبطين بيها بس يعملها بطريقة ظريفة ... يعني لو المخرج بتاع هيروز عمله كانت هتبقى قصة جميلة جدا انما لو انت تلاحظ ف كل سيزون الي بيحصل ايه ان ديكستر بيتكشف وحد يعرف سره ويقرب منه وف الاخر ديكستر يروح قاتله والناس تقرب تكتشف حقيقة ديكتسر بس هو كفكرة جميلة مش وحشة حلو التشبيه بتاع سوبر ناتشرال دا جامد جدا والله يعني فيه استهبال بالعبيط بس حلو كل شوية واحد يموت ويرجع تاني انا حملت كل الي فات ف الاجازة ودلوقتي بنزله واحد واحد المشكلة انا لو ما نزلتهوش دلوقتي مش هنزله اتش دي وبصراحة دا حرام ما اتفرجش عليه اتش دي
معقولة دكستر مشدتكش! أنا نزلت أول 4 سيزونز وكنت متمسمر قدامها زي العبيط ودلوقتي بالعافية ماسك نفسي أتفرج على ال3 حلقات الي نزلت من السيزون الجديد علشان بحب أستنى لحد ما يخلص وأتفرج براحتي، ونفس الشيء بالنسبة لسوبر ناتشورال اتفرجت على كل السيزونز من فترة ومستني السيزون الجديد يخلص علشان أتفرج عليه، هو مسلسل ظريف بس كوجبة سريعة تتفرج عليها وانت قافل كل سويتشات دماغك
يا باشا تنور كل الاقسام وكويس انك عرفت اني احمد حسن انا حاليا عايش مع ديكستر وهاوس وسوبر ناتشرال و فامبير دايريز ونيكيتا الجديد وذا مينتاليست طبعا بس مفيش حاجة شاداني جامد غير سوبر ناتشرال بعيدا عن الزاوية الدينية
يا هلا يا هلا كيف حالك يا سيدي الفاضل؟ على فكرة أنا موجود في كل حتة وبكتب وبشارك في أقسام كتير بس قسم التورنت بقالي فترة مش بدخل أوي عليه لانخفاض كمية المواضيع المطروحة فيه بشكل كبير انت اخبارك إيه وإيه أحدث المسلسلات التي شدتك؟ أنا حالياً عايش مع that 70's show وlie to me
هيثم باشا فينك ياريس مش باين من فترة خالص ابقى طمنا يا راجل
الحمد لله كله تمام، زي ما بقولك كده بتبع حالياً أسلوب الابتعاد تماماً عن المنغصات بطلت أسوق وبروح الشغل بتاكسي علشان أريح دماغي من الزحمة شبه بطلت أشيل موبايل معايه تماماً علشان... مش عارف علشان ايه بصراحة بس مجرد شعورك ان محدش يقدر يوصلك شعور liberating جداً وعلطول ببتسم ابتسامة بلهاء في وش أي حد يقولي حاجة متعجبنيش واسيبه وأمشي يعنى أتسحلل مع نهر الحياة دون رغبة في مقاومة التيار (الترجمة السنسكريتية للمثل I go with the flow)
هههههههههههه لا ياراجل بالهنا والشفا المهم انت قولي ايه اخبارك واخبار الدنيا ع حسك
بيني وبينك بس متقولش لحد؟ أنا كمان قرأتها بتاع 7 مرات بعد ما كتبتها بس مفهمتهاش أعتقد إن ده تأثير كيس شيتوس لقيته مفتوح ومحطوط فوق التلاجة وبصراحة أنا كنت جعان ومحاولتش أعرف هو متمركز فوق التلاجة بقاله كام سنة
اه والله معاك حق خالص فعلا هو دا الي لازم يحصل بس انا دا كنت شايل منه جامد جدا وما صدقت مسكتله ع الغلطة :D وبعدين ايه الجملة الاخرانية دي ؟ انا حاولت افهمها بس ما اعرفتش
