ارجو سرعة الرد انا هشتري الجهاز في اقرب فرصه
يوجد اختلاف كبير في سعر GALAXY S II بين المحلات في عده اماكن مثلا سالت عليه في موبيل شوب ب 4250
و في محلات اخري ب 4200 بضمان الوكيل
و في محل عرضه بالضمان 3750 و ايضا موجود عند الشناوي في الاسكندرية بنفس السعر
على موقع سوق كوم ب 3400
في شارع عبد العزيز ب 3250
ما هذه الاختلافات ؟؟
هل يوجد منه تقليد او ما شابه ؟ انا انوي الشراء غدا ارجو الرد سريعا
ارجو سرعة الرد انا هشتري الجهاز في اقرب فرصه
كل الموضوع ان الموبايل عليه اقبال جامد جدا عشان هوه حاليا افضل موبايل فى السوق
فطبعا التجار بيستغلوا الموضوع ده و بيحطوا الاسعار على مزاجهم كالعادة مش جديد على التجار بتوعنا اللى ملهومش دعوة بالسعر العالمى
لمعلوماتك الموبايل ده بيتباع فى العالم كله بما يعادل 3000 جنيه مصرى و يمكن اقل كمان
انا ليا واحد صاحبى فى دبى هيجيبهولى بالسعر ده و هوه نازل
عموما انا ملاحظ ان سعر الموبايل بدأ ينزل دلوقتى فى مصر
اقل سعر شفتهوله لحد دلوقتى 3700 بالضمان عند دلتاوية فى مدينة نصر
لكن بالنسبة لشارع عبد العزيز فانت ممكن توصل معاهم لحد 3000 بس انت و حظك فى الموبايل عشان طبعا هيبقه من غير ضمان و غير كده انت بتتعامل مع بياعين عبد العزيز و ما ادراك ببياعين شارع عبد العزيز.
انا من وجهة نظرى انك يا اما تستنى شوية على الاقل حتى لحد اول السنة لان متوقع ان سعره هينزل عشان الموبايل الجديد بتاع سامسونج اللى هوه جلاكسى نكسوس نازل
او تروح تشتريه بالضمان من عند دلتاوية لانهم بيبيعوه باقل سعر دلوقتى زى ما قولتلك ب 3700
الاهم من ده كله ان و انت نازل تشترى الموبايل تخلى بالك من الموديل بتاع الموبايل ميبقاش جمبيه حرف G
عشان ده موبايل تانى مش النسخة العالمية من جلاكسى 2 و هتلاقى اسم الموديل مكتوب على ضهر العلبة قبل ما تفتحها تحت عالشمال
بس و ان شاء الله تقع فى حتة نضيفة
و بالنسبة لسؤالك فى حتة اذا كان فيه تقليد او لأ .. ما اعتقدش ان فيه تقليد ليه و حتى لو فيه تقليد فانت اكيد هتلاحظه لان الصينى التقليد بيبقه شكله واضح جدا لاى حد
لكن اهم حاجة ان يكون الكلام المكتوب فى ضهر العلبة يكون مكتوب بالعربى ميكونش كله بالانجليزى لان المكتوب بالانجليزى ده بيبقه مستوردينه من بره و معربينه بايديهم
بس عموما عشان تبعد عن وجع الدماغ ده روح اشتريه من دلتاوية بالضمان بس اهم حاجة تتأكد من موديل الموبايل زى ما قولتلك و ان الكلام اللى ورا يكون مكتوب بالعربى و يكون متبرشم كويس يعنى انت اول واحد تفتحه
بس يا سيدى و ربنا يوفقك فى شرا الموبايل
اخي العزيز هنالك نسخ تختلف عن النسخة الرسمية العالمية المدعمة بالتحديثات من قبل المطورين لا تشتري الا gt-i9100 فهو الرسمي واي شيء اخر لا تشتريه ك gt-i9100g والف مبرك مقدماً
اخواني Shap Rewesh و Qbax الف شكر على المعلومات القيمه و المفيده جدا بالنسبالي انا كنت متردد جدا لما شفت الاسعار دي طمنتوني و ان شاء الله نازل اشتري الموبيل النهارده
ادعولي بالتوفيق
Something I didn't notice before "GT-9100 >-9100G"
.....Thanx guys
;-):-)GT-9100 is more better
المفضلات