الله يهدينا !! إختصاص بناء الجدران أصبح عربيا
جاء رد الفعل الأول للشارع المصرى بعد مرور 24 ساعة على بداية بناء الجدار العازل أعلى كوبرى الجامعة أمام السفارة الإسرائيلية والعقارات المجاورة لها بهدوء تام، فلم يشهد كوبرى الجامعة أى تجمعات أو تظاهرات احتجاجية صباح اليوم، بينما ظهرت علامات التعجب والسخط على وجوه المارة وتوقف قائدى المركبات لمشاهدة أعمال البناء.
فيما تستمر أعمال بناء الجدار العازل أعلى كوبرى الجامعة أمام السفارة الإسرائيلية والعقارات المجاورة لها لتأمين السفارة والعقارات من أى أسلحة "مولوتوف"،قد تلقى عليها أثناء أى وقفات احتجاجية ضد السفارة الإسرائيلية، بالإضافة إلى حماية قوات الجيش المسئولين عن حماية السفارة.
وفى السياق نفسه أدى تواجد العديد من معدات البناء أعلى الكوبرى وإشغال أكثر من نصف الطريق إلى حالة من الاضطراب الحاد فى حركة المرور.
تركيا تطرد السفير .... ونحن نبنى لهم قلاع على ارضنا .. طيب ناخدوا حقنا منهم الاول و بعد كده نبنى عليهم سور !!
مصر لم تتغير بعد
مازالت كرامه المواطن اسفل السافلين فى قائمه اولويات قاده البلاد
و لا عزاء للمصرين
https://www.youm7.com/News.asp?NewsID=485980
الله يهدينا !! إختصاص بناء الجدران أصبح عربيا
فعلا مصر متغيرتش ولا حتتغير طول ماا.... ( اكيد كلنا فاهمين ) . بس الامل كبير في ربنا اولا والشعب ده اللي صحي من نومه العميق انه يغير الغلطه الكبيره اللي احنا عملناها يوم 11 فبراير ( يوم اسقاط مبارك ) ... لازم الغلطه ديه تتصلح ..
يسقط المجلس السكري :o
انت ازاى تقول كده
دلوقتى هاتلاقى بتوع يامشير انت الامير وجمعة قندهار وشوية المصلحجية اللى بيتلاعبوا بالدين لحسابهم واللى هم السبب الرئيسى لما نحن فيه الآن ولما يحدث من مهزلة الآن فى المحاكمات وهم السبب فى سرقة الثورة من اول شهر مارس هاتلاقيهم دلوقتى جايين يقولوا عليك كلام مش كويس ويقولوا عليك انت علمانى وليبرالى وبتنجانى والاسطوانة اللى بنسمعها من شهور .
للاسف عندما تكلمنا تم مهاجمتنا والآن كلنا نتجرع من نفس الكأس !1
سبحان الله وبحمده , سبحان الله العظيم
مدونتى
مدونتى باﻻنجليزية
====================================
شهادات حاصل عليها :
GSM & GPRS | CDMA & UMTS | LTE | WiMAX | Micro Controller | RHCE
خخخخ اها الرجاله الي باعت القضيه بدري بدري و والي مشفناش وشهم من اول يوم في الثوره حتي اول ظهور ليهم كانو بيدور علي كامليا رونالدينهو شحاته قدام التلفزيون الناس الي كانت بتحرم الخروج علي الحاكم
لا الناس دي بقي هتشرب من نفس الكاس يامعلم مش عاجبهم المبادي الفوق دستوريه وبدائو يشتمو بردو ومش عاجبهم التعديلات الخاصه بالانتخبات التشريعه
مع انهم كانو بيقولو نعم الانتخبات اولا قولنا ليهم ياناس افهمو لازم دستور جديد علشان نعمل انتخبات صح بس الجيش ضحك عليهم و استخدمهم وتقريبا زي ماتقول كده قربو يبقو ورقه واتحرقت والجيش هيبعهم وانكشفو قدام الناس
مش عارف يعنى ده استفزاز صريح للناس !! الناس شافت الذل عشان تنزل العلم .... تقوم تبنى عليهم سور !! يا سبحان الله على العقول .... لا و كمان محافظ القاهره بيزود الاسفزاز و بيقول ان سبب البناء مش حمايه السفاره انما حمايه المحلات اللى حواليها من اى مظاهره امام السفاره !! ازاى يعنى !! انه انسان عاقل ممكن يصدق الكلام ده
يعنى يموتولنا العساكر بتوعنا الغلابة و احنا بنجرى عشان نكافئهم لاااااا و مش بس كده كمان بنهديهم قلعة بدل مكتب السفارة المعتاد بالنسبة لأى دولة !! عجبى يا جماعة المصرى لسه بيتهان بره و جوه فى بلده و بره بلده حتى فى السعودية شوف معاملة المعتمرين المصريين كانت ازاى كل ده بيثبت ان كرامة الانسان المصرى لسه صفر عاى الشمال مش هى دى الثورة فوقو بقى من السكره !
و بالمناسبة ما سمعناش صوت الجماعة اياهم المطبلاتية الجداد بتوع المجلس العسكرى......
مفيش حل محدش يتعب نفسه من كتر التفكير العله قدامنا زي عين الشمس ... اتمني تكون ناس كتير زينا شايفاها مش يعدوا يقولو لا مساس بالمجلس والكلام الغريب ده حنبقي معملناش حاجه شيلنا مبارك وجيبنا المجلس بتاعه .. بس كده .. ونقعد بعد كده نضرب اخماس في اسداس وليه ده بيحصل وليه معملوش كذا وليه لسه البلد زي الزفت ( اسف في التعبير بس بصوا في الشوارع بصوا للاسعار بصوا لطوابير العيش بصوا للناس اللي متلطعه علي القهاوي مفيش شغل ...... ) فما اشبه اليوم بالبارحه .....
على فكرة مهزلة النهاردة ولعت فى الناس أكتر والكل شبه اجمع على النزول يوم 9 ان شاء الله
سبحان الله وبحمده , سبحان الله العظيم
مدونتى
مدونتى باﻻنجليزية
====================================
شهادات حاصل عليها :
GSM & GPRS | CDMA & UMTS | LTE | WiMAX | Micro Controller | RHCE
ياريت الناس تتجمع تاني زي ايام الثوره والمره ديه تعمل الصح بقي و والله لو حصل حتشوف البلد ديه حيطلع منها ايه بجد يا استاذ محمود بدل شغل الضحك علي الدقون والتعشيم الو همي بنجاح الثوره وتحقيق كافة مطالبها من قبل المجلس كفايه دا حنا الايام اللي فاتت شوفنا العجب شوفنا البلطجيه والحراميه ماليين الشوارع ومبهدلين الناس والناس المحترمه بتترمي في السجون الحربيه واللي بتتحاكم عسكريا . انت عارف المجلس ده كان عنده فرصه عظيمه انه يدخل التاريخ ويبقي نموذج غير مسبوق لنظام عسكري رااااقي يصنع تاريخ شعب بان يكون هو الحامي لمصالح الشعب ويسلم السلطه للشعب كما تعهد ولكن هيهات لو فضل علي الوضع الحالي لو سلمها حيسلمها للي هو عايزه مش للي الشعب عايزه للاسف مصر علي نفس الطريقه القديمه .... ولكن الامل بالله كبير وفي ذلك الشعب من بعد الله ...
1+مفيش حل محدش يتعب نفسه من كتر التفكير العله قدامنا زي عين الشمس ... اتمني تكون ناس كتير زينا شايفاها مش يعدوا يقولو لا مساس بالمجلس والكلام الغريب ده حنبقي معملناش حاجه شيلنا مبارك وجيبنا المجلس بتاعه .. بس كده .. ونقعد بعد كده نضرب اخماس في اسداس وليه ده بيحصل وليه معملوش كذا وليه لسه البلد زي الزفت ( اسف في التعبير بس بصوا في الشوارع بصوا للاسعار بصوا لطوابير العيش بصوا للناس اللي متلطعه علي القهاوي مفيش شغل ...... ) فما اشبه اليوم بالبارحه .....
الغريبه انى مش سامع صوت الاخوان الفترة الاخيره
هما لسه موصلوش لاتفاق مع المجلس ولا ايه
[CENTER]
[B][URL="https://arabhardware.net/forum/showthread.php?t=374583&p=2701104#post2701104"] [/URL][/B][/CENTER]
[CENTER][B][/B][/CENTER]
[CENTER][B][URL="https://arabhardware.net/forum/showthread.php?t=374583&p=2701104#post2701104"]مراجعة للشاشة الرائعة
[/URL][/B][/CENTER]
[CENTER][B][URL="https://arabhardware.net/forum/showthread.php?t=374583&p=2701104#post2701104"]Samsung SyncMaster S24B750V Series 7 [/URL][/B]
[/CENTER]
ياااااااااااااااه اخيرا حد فاق و عرف ان المجلس ده هو سبب الحالة اللى احنا فيها بقى يا عالم حد يخلع بلد من رئيس مزفت عشان يسلمها لوزير حربية نفس الرئيس المزفت اللى معاه بقالو 20 سنة و واكلين و شاربين من قوت و دم الشعب مع بعض فى طبق واحد !!
طب بالله عليكم قولولى عملنا ايه , ايه الجديد !! كأنك شيلت مبارك عشان تسلم البلد لاخوه الصغير :ah34:
المفضلات