اولا السلام عليكم ورحمة الله وبركاته واهلا بكل اعضاء ومشرفين عرب هاردوير الكرام.
في الحقيقة انا عارف انى تدوال الامتحانات ممنوعة في المنتدى لكن الاستفسار عن اى شىء متعلق بالأمتحان فده مش فيه مشكلة زى اجابة سؤال مش واضخة ومش مفهومة أو سؤال كامل عايز يتشرح وغيره.........
عشان مش اطول عليكوا انا عارف انى اكيد كل اللي أمتحن لجأ لموقع examecollection واللى محيرنى في الموقع ده انى فيه امتحانات كتير للمادة الواحدة فأنا دلوقتى عايز اعرف اختار انهى افضل امتحان ويكون موثوق فيه انا عارف انى ممكن في ناس تقولي نزل كله وطالما مذاكر حل كله واديك هتستفاد خبرة وانى هدف المنتدى مش حفظ الاسئلة ولكن الفهم
لكن انا حاليا جاتلي فرصة لأنى طالب انى أمتحن ال mcitp مجانا لحد شهر 6 ده يعنى كده نقصلي الشهر ده وشهر 6 ودول طبعا المفروض انى اقعد اذاكر فيهم منهج الكلية عشان برده عشان مش انجح في حاجة اسقط في حاجة تانى لقدر الله(ربنا يبعد الفشل عنى وعنكم) فكده مش هلحق تماما انى اذاكر وافهم كل ال mcitp في الفترة ديه.
فدلوقتى اللى عايزه حد يقولى وينصحنى ازاى اقدر اجيب افضل امتحان في اى مادة من examecollecton.
علما انى خلاص جبت افضل امتحان في مادة 70-680 وده الامتحان اللى وضعه البشمهندس القدير محمود صقر وده امتحان موثوق فيه تماما وكمان لسة احد الاعضاء من كام يوم قالي انى امتحن المادة ديه وجاله من نفس الامتحان.
فاللي امتحن قريب باقي مواد ال mcitp ياريت حتى لو يقدر يبعتلي علي الخاص افضل امتحان نظرا لضيق الوقت.
وانا كتب الموضوع هنا في قسم ال mcitp لأنى الامتحانات اللى محتاجها في ال mcitp عشان لو حد قالي الموضوع ده مش في مكانه الصحيح فحبيت اوضح. وبالنسبة انى ان شاء الله لما الاخوة اللى هنا يبعتولي الامتحانات علي الخاص.بعديها اللى عايز اى امتحان يكلمنى علي الخاص وانا تحت امره ابعتله اللى محتاجه وعرب هاردوير كلها لبعضيها وكلنا واحد.
واشكر كل عرب هاردوير وجزاكم الله كل خير
المفضلات