السلام عليكم اخواني

اثناء تشغيلي للعبة GTA IV وبعد الإنتهاء منها وغلقها .. إذا بي وجدت مهزله تحدث بجهازي
وهي ان درجة الحراره وصلت لما سوف نراه اعزائي المشاهدين في اللقطه التاليه :




ما شاء الله .. ده انا كان ممكن اسلق شوية بيض على الهيت ثينك بتاعته علشان السحور :D

المهم انا حاسس ان فيه حاجه غلط
دي صورة البروس من برنامج CPU-Z



فيه حاجه غلط ؟؟ الفولت مثلا او اي شئ من الأعدادات ؟؟
اعتقد ان المشكله مش في تغيير المشتت الى اخر احترافي ..
لإن المشتت الستوك سئ جدا لكن ليس الى هذه الدرجه !!

ملحوظات مهمه جدا هاتسألوني عنها :
- الجهاز يعمل بالمروحه الستوك الخاصه بالبروسيسور وتم التأكد انها راكبه ومثبته بإحكام تام وغير مهزوزه
- الكيسه سيتو 1000 يعني مفروض ان كلها مراوح
- المشتت الاحترافي اعتقد انه لن يجدي نفعا .. اكيد فيه حاجه غلط مش عارف هي ايه
- لا يوجد معجون حراري على البروسيسور .. فقط المعجون البني الذي يأتي معه
- تم إزالة المشتت ووضعه مره اخرى للتأكد من انه مثبت جيدا وللتأكد من وجود معجون من عدمه
- الجهاز لم يفصل تحت هذه الدرجه واللعبه كانت تعمل بسلاسه وبدون مشكله !!!!!
مع انها كانت المرحله الاخيره .. يعني مليئه بالاكشن واعتقد ان ده سبب الضغط العنيف ده !!

- واخيرا .. اعتقد ان هذا رقم قياسي جديد بالمنتدى ,, هل من مبارز ؟