من زمان وأنا بسأل السؤال ده ليه NVIDIA بخيلة في الحجم "القياسي" لرامات كروت الفئة العليا بتاعتها؟

أنا مثلا زمان اشتريت الكارت +9800GTX وكانت راماته -من كل الشركات تقريبا- 512 ميجا بايت على حسب المعيار القياسي من نفيديا.. وفعلا أول لعبة هنجت معايا كانت بسبب رامات الكرت: starcraft 2 2010 كان ضبط اللعبة الأصلي كله HIGH ماعدا TEXTURE كانت اللعبة نفسها كاتبه إنه محتاج 1 جيجا BUFFER عشان يبقى HIGH..

طبعا الأمثلة كتيرة على مر التاريخ ونأتي لأحدث مثال:
NVIDIA GTX 680: STANDARD FRAME BUFFER: 2048 MB
AMD HD 7970: STANDARD FRAME BUFFER: 3072 MB

طبعا رامات الكرت مش كل حاجة.. لكن مع كروت الفئة العليا هي حاجة مهمة..

واللي جرب GTX 680 حيفهم كلامي لأن رغم إن الكرت لسه جديد لكن استهلاك الرامات يصل لـ 95% مع بعض الألعاب
FAR CRY 3 USED MEMORY: 1750 MB
CRYSIS 3 USED MEMORY: 1920 MB

طبعا -عن تجربة- لو فاتح صفحات نت كتير في الخلفية الرقم حيعدي الـ 2000.. فلازم تقفل أي حاجة ممكن تستهلك من رامات الكرت قبل تشغيل اللعبة..

طب لما تنزل ألعاب أحدث وتكون محتاجة على الـULTRA أكتر حاجة بسيطة لنفرض 2200 ميجا..
ساعتها الـ 680 حيعمل إيه؟!!