ايه هو كله عارف وانا بس اللي غبيه :mad: ولا محدش عارف وسوال حلوو ؟؟
بسم الله
يا جماعه سوال محيرني جدااا
دلوقتي ال dsl بيركب علي التليفون اصلا .. دلوقتي ازاي لو التليفون مرفوع من الخدمه او مدفعتش الفاتوره ازاي ال dsl بيفضل شغال بكفائته اللعاديه ولا يتاثر بالتليفون خالص
يعني مثلا انا رايحه عن واحده صحبتي فلو ملقتهااش هرجع ومش هدخل .. نفس الحكايه ال dsl راكب علي خد التليفون في الاصل المفروض لو التليفون فيه مشكله ال dsl ميشتغلش كويس .. ولا ايه
ارجوووووو الرد
ايه هو كله عارف وانا بس اللي غبيه :mad: ولا محدش عارف وسوال حلوو ؟؟
طيب حد يرد باي كلمه :ah4:في ايه
[CENTER]
[FONT=Arial][SIZE=4][COLOR=red]
[COLOR=black]والذي أَحلَّ الزواج وحَرَّم الزِّنا، وأَحلَّ البيع وحَرَّم الرِّبا؛ أنا لا أتجاهل أي أحد يراسلني على الخاص، أو أضعه خلف أُذُني!
لا، ولكني غير متفرغ هذه الفترة تمامًا.
وأعتذر - أشد الاعتذار - لكل من راسلني، وتأخر ردي عليه، أو لم أرد عليه حتى الآن.[/COLOR]
[/COLOR][/SIZE][/FONT]
[/CENTER]
يعني بلاش افهم حاجه مهمه زي ديه؟؟؟
اختي الصغيره سالتني بتقولي ازاي التليفون مش شغال والنت شغال اقولهاا ايه يعني؟؟؟
السلام عليكم
لما تكون مش دافع الفاتوره بمعنى (فيه اشاره >فيه حراره<) يمكن يشتغل الانترنت بس لو ما فيه اشاره يعنى مفصول من عند البريد مش هيشتغل و الله اعلم
السلام عليكم
اختى التليفون لما بيكون الفاتورة مش مدفوعة وانتى فى فترة الاستقبال فقط الانترنت بيكون شغال طبيعى خالص بس فترة الاستقبال لما بتنتهى والحرارة تترفع الانترنت بيفصل وما يرجعش تانى غير لما تتدفعى فاتورة التليفون وتبلغى شركة الانتر نت الى انتى تابعه ليها علشان يعملو اعادة تركيب للخط تانى من السنترال علشان اللاين بيكون مفصول من الفريم داخل السنترال
اما فى حالة ان التليفون ما يكونش فيه حرارة بسبب عطل فنى والانترنت شغال عادى ده امر طبيعى لان سلك التليفون ما هو الا وسيلة لنقل خدمة ال ADSL من خلالة وفى الحالة دى بتبلغى شركة الانتر نت بكدة او السنترال
سبحان الله والحمد لله ولا اله الا الله والله اكبر
داناا بقاالي سنه مدفعتش الفاتووره :D ولما بتصل بتليفون البت بيقلي هذا الرقم غير موجود بالخدمه كماان ومع ذلك النت شغال عاادي جداا ازااي بق]؟؟
علشان حضرتك تفهمى لية الانترنت مبيفصلشى لما مش بتتدفعى الفاتورة لازم حضرتك تفهمى الاول النت جايلك ازاى ومتوصل فى السنترال ازاى..
بصى هشرحلك الفكرة بكل بساطة دون النظر لاى مصطلحات .
حضرتك لما بتعوزى توصلى خدمة ADSL بتروحى لشركة الانترنت وتقوليلهم انا عاوزة اوصل خدمة نت بسرعة وليكن 1 ميجاا على رقم التليفون بتاعى والرقم كذا كذاا كذاا..
بتقوم شركة الانترنت بدورها بإبلاغ المصرية للأتصلات بأنها تريد ان توصل خدمة انترنت على هذا الرقم الى هوة بتاعك وبتسألها شوية اسئلة منها هل الرقم دة علية مشاكل حسابية ؟ هل الرقم دة مشترك عند شركة تانية يعنى يامصرية يا اتصلات هل فية شركة نت غيرنا طلبت انها توصل خدمة نت على الرقم دة ؟ هل هل هل ؟
الى اخرة ..
وبعد ذلك عند استقرار الوضع ومفيش اى مشكلة وكل الامور مظبوطة بيتم استخراج رقم بورت لخط التليفون بتاع حضرتك هذا البورت هوة عبارة عن بورت من مجموعة بورتات من حاجة اسمها ديسلام (Dislam) هذة هيا منافذ الانترنت فى السنترال بخلااااااف منافذ وبورتات الحرارة الى حضرتك متوصلة عليها اصلا ..
وبيقوموا بعمل ما اشبه بالوصلة بين بورتات الحرارة وبورتات الانترنت معناها انوة بيقول لخط التليفون ياخط ياتليفون معلشى هنتقل عليك شوية بانك هتوصل اشارة نت للرقم دة بما انك بتوصلة حرارة .
فبالتالى النت مش هيفصل عند حضرتك من ناحية السنترال الا لما حد يروح يفصل الخط بتاعك من على بورت النت الى فى الديسلام أو شركة الانترنت نفسها تفصل الخط من عندها من على السيستم بتاعها انها متبعتشى اشارة نت اصلا للبورت الى حضرتك راكبة علية فى السنترال بتاع الديسلام.
وبالتالى لما التليفون بيبقة مرفوع من الخدمة فهذة المشكلة بتكون فى الحرارة وبعيدة عن بورتات النت والسلك بتاع الحرارة ماشى لغاية البيت بتاع حضرتك كان بينقل حرارة ونت ولما الحرارة اتفصلت بقة ينقل نت بس ومش هيبطل ينقل نت الا لما حضرتك تتفصلى من على البورت الى فى الديسلام بتاع النت او الوصلة الى بين الحرارة والنت فى السنترال تتفصل او الشركة المذودة للأنترنت نفسها هيا الى تفصلك .
ارجوا انى اكون قدرت اوضح الصورة .
وسامحونى على استخدامى الطريقة العامية فى التوضيح فغرضى هوة توصيل المعلومة وفهمها لي إلا.
والسلام عليكم ورحمة الله وبركاته
المووضع ده ممكن يساعدكم في فهم طريقة عمل ال ADSL
https://www.arabhardware.net/forum/s...d.php?t=166049
سؤال جميل فعلا بس الاخوه جوبو عليه بكل ذكاء ومعرفه الحقيقه
فعلا النت مش بيفصل حتى لو التلفون اترفع من الخدمه
هوه ده الى انا توصلت عليه من خلال تجاربى
المفضلات