هايشتغل معاك لو عندك مدخل TV فى اللاب توب
السلام عليكم ورحمه الله وبركاتة
انا دايما بنزل تعريف للاب توب DELL Inspiron N5010
Digital TV Reciver
كنت بس عايز اعرف دة بيشتغل ازاى ولا بيشغل تليفيزيون ازاى
لانى بصراحه مش فاهم اية نظامه خالص ولا بيشتغل ازاى او اية متطلباته
فياريت حد يقولى بالتفصيل دة مهمته اية واذاى اقدر اشغله
شكرا جزيلا ليكم
خالص تحياتى
هايشتغل معاك لو عندك مدخل TV فى اللاب توب
مهو ازاى ادخل تى فى فى اللاب توب منا مش فاهم بالظبطهايشتغل معاك لو عندك مدخل TV فى اللاب توب
ياريت توضيح اكتر يعنى
شكرا لردك
فى حالة اذا لم تظهر الصورة اضغط عليها ليتم تحميلها فى صفحة منفصلة
https://www.arabhardware.net/forum/s...=141897&page=2
الصفحة دى فيها تفصيل لمنافذ الاجهزة للاخ الفاضل smasymo
بردو يا باشا موصلتش لإجابة لسؤالى
انا عارف انه فيه كابلات بالشكل دة المفروض تتوصل بالجهاز
وعارف انى ممكن اعرض اللى شغال على التليفزيون على اللاب عندى واسجله بواسطة اى برنامج
السؤال دلوقتى اللى انا عايز اجابة عليه
هل انى اقدر اشغل اللاب توب كتليفيزيون بدون ما اوصله بالتليفيزيون
عن طريق التعريف بتاع ال TV Recevier ومعاه اى كابلات تانية او كدة
ولا علشان يشتغل على اللاب عندى التليفيزيون
لازم يكون متوصل بالتليفزيون اصلا ؟
ياريت تكون فهمت سؤالى والاقى رد عليه
شكرا لإهتمامك وردك
علشان تشغل اللاب كتليفزيون
لازم يكون في مصدر للقنوات
مصدر القنوات يعنى اشارة يعنى ارسال
اما يكون هوائى عادى علشان يشغل القنوات الارضية
او طبق اسقبال قنوات فضائية
فى الحالتين انت محتاج حاجه اسمها TV TUNER
المداخل اللى موجوده فى الصورة هى مداخل للعرض فقط وليست لتحويل الاشارة الى صورة وصوت
TV TUNER موجود على صورة كروت بنركبها فى DESKTOP PC
اسئل اذا كان فى TV TUNER يركب على مدخل USB
اتمنى نكون وصلنا لنقطة تفاهم
تمام انا كدة فهمت
يعنى الصور بتاع الكابلات اللى فوق مجرد وصلات بين اللاب توب والشاشات بتاع التليفزيون او كمبيوتر تانى
لكن علشان اشغل التليفيزيون نفسه على اللاب توب لازم يكون فيه TV Tuner اللى هو كارت التى فى يعنى
وساعتها يقدر يحول الاشارة او يلقط اشارة القناوات ويشغلها علطول .
اظن كدة انا فهمت صح
سؤال الاخير دلوقتى
هل ممكن يكون اللاب نفسه مزود بال TV TUNER دة ؟
يعنى دلوقتى انا اللاب عندى Inspiron N5010 وليه تعريف اسمه TV Reciver
هل دة ممكن يكون مزود بال TV TUNER ويشتغل علطول
ام دة خاص بالعرض وخلاص تبع الكابلات اللى فوق ؟ يعنى يعرض التليفيزيون على اللاب وخلاص
ولا ممكن يكون مزود بالخاصية انه يحول الاشارة ويشغل التليفيزيون
اظن دة هيحسم الموضوع ويعرفنى اجابة على سؤالى
واسف اذا ضيعت من وقتك كتير
وشكرا لمتابعتك واهتمامك وردك السريع
خالص تحياتى وشكرى
ال TV Tuner له مدخل وحيد للاشارة واللى بيركب فيه كابل RF اللى بنسميه كابل الدش او الايريال زمان
لو عندك المدخل ده يبقى فى عندك TV TUNER
اما مسئلة ان البرنامج يحول الوصلات دى الى TV TUNER معلوماتى بتقول لا
اما كون فى عندك برنامج زي اللى ذكرته مش شرط انه يكون بيشتغل عندك
فى اجهزه بتنزل باعدادات خاصة و فى اجهزه لا والاعدادات دى بيسموها OPTION وعلشان تتاكد القى نظرة على الكتالوج
لما تلاقى الكلمة دى مكتوبه بين قوسين جنب اى اعداد تعرف انه ممكن يكون موجود او لا يعنى اختيارى
ولا تشكرنى فسحبان من علمنى مالم اكن اعلم
تمام يا باشا
شكرا كتير ليك على المتابعة والرد وجزاك الله خيرا
خالص تحياتى ولو عرفت انا حاجة جديدة هكتبها فى الموضوع علشان اذا حد قابل نفس السؤال يلاقى اجابه كامله
المفضلات