أريد شراء لاب توب ولا اعرف فى مواصفاته , لو سمحتوا المساعدة

[SR123]

https://www.********.com/search.php?...geNum_rsProd=2

[Michael Youssef]

أنا شايف ان الفرق بين i3 and i5 مش كبير يعني ، بس لو هتشتغل علي برامج عالية طبعا هات i7

[SR123]

أنا شايف ان الفرق بين i3 and i5 مش كبير يعني ، بس لو هتشتغل علي برامج عالية طبعا هات i7

ده للأسف متوقف على الميزانية أخى , يعنى مش بيدى

هو سامسونج حلو فى الجرافكس ؟

acer
https://www.********.com/search.php?...geNum_rsProd=2


samsung
https://www.********.com/search.php?...geNum_rsProd=2

[Michael Youssef]

الماركة مش المشكلة في الجرافيك ، المشكلة في كارت الشاشة طبعا. لو انت هتجيبه مخصوص للجرافيك أخي الكريم يبقي لازم فلوس اكتر. و لو فيه video rendering لازم i7

[SR123]

بصراحة الميزانية صعبة شويا , لانى مش عايز اتقل على والدى
بس خير ان شاء الله واجيب جهاز كويس
ميرسى جدا يا مايكل ربنا يكرمك ويجزيك كل خير

[Michael Youssef]

ربنا معاك و متنساش ابعتلي رسالة خاصة طمني فيها

[SR123]

ان شاء الله هرسلك اول لما اشتريه

[Michael Youssef]

انا شخصيا هجيب Acer ان شاء الله بس مش دلوقتي لاني مش محتاجه ، بالتوفيق ان شاء الله.

[SR123]

هو انا معاك اخى مايكل فى اللى انت بتقولة
بس لما شفته لقيت اسعاره عالية مقارنة بسأمسونج

بس لو لقيت ACER بأسعار مناسبة ليا هشتريه عن السامسونج
بس لما شوفت أسر لقيت اسعاره عالية , علشان كدا حولت على طول على سامسونج

وبعدين هو مش لاب العُمر يعنى , ياللا خيرها فى غيرها
أى حاجة بس اليومين دول وبعدين ربنا يكرم باللى اعلى منه

[Michael Youssef]

السامسونج رائع و اعتقد سعره اقل فعلا في بعض الموديلات ، و يارب تلاقيه كوري مش صيني

[SR123]

احاول انتبه للموديل الكورى , لانى شكلى هقع فى الصينى

[SR123]

صباح الخير

انا روحت إمبارح علشان اشترى اللاب توب من كارفور , لقيت الأسعار مناسبة بالإمكانيات المطلوبة و ان زادت حوالى 150 او 200
يعنى سعر اللاب حوالى 3333 إمكانيات برسيسور I5 , Ram 4 , Hard 350 , VGA1 G , وباقى الإمكانيات


بس كانت مفاجئة بالنسبالى :
1- جميع اللابات اللى هناك صناعة فى الصين Make in China وسألت المندوب عن الحكاية ده قالى كل اللابات اللموجوده حتى الأبل بيبقى تقفيل صينى !!!!!!!!! بيقولى الشركات وخاده فروع هناك

رأى الناس ايه ؟ اخى مايكل كان بيقولى لو لقيته Make in Korea اشتريه على طول

طيب كل اللى هناك تقفيل صينى ولا صناعة فى الصين مش فاكر , كل اللى فاكره انى الكل هناك Make in China


2- الأخ مندوب المبيعات برطو رشحلى التوشيبا عن السامسونج وشبه توشيبا بعربية بى أم والسامسونج بعربية هونداى
وبرطو فضل توشيبا عن الأسر وعن التش بى , ايه رأى الناس ؟

شكرا ليكم

[tamer83]

سلام عليكم مبدايا يا باشا فية فرق كبير جدا بين i3 and i5 البروسيوسر i5 فية تكنولوجيا turbo boast and intel synchronized ودول مش موجودين فى بروسيسور i3 فيعتبر بروسيسور i3 كانة core2 due بالظبط فطبعا i5 افضل بمراحل من حيث السرعة التبريد الاداء توفير الطاقة دا ااولا
اما ثانيا ففعلا كل الابات الى فى السوق صينى ما عادا الابل لانة امريكى وبتلاقى محفور على كل قطعة داخلية made in USA ومش معنى انة صينى يعنى انة وحش لا خالص انا كان معايا سونى كان صينى بردة وكان قوى جدا فالموضوع دا متخفش منة هم حاجة يبقى معاه ضمان من شركة محترمة
ثالثا لو انتا هتشتغل جرافيكس فهيا هتعتمد معاك على عدة عوامل اهمها كارت الشاشة لكن فية حاجات تانية زى البروسيسور فمثلا i3 مينفعش اصلا وهيتعبك جدا فلازم تبتدى من i5 الرامات ودية سهلة لان الرامة ال 4 جيجا ب 150 جنية فدية مش هتبقى مشكلة
رابعا لو انتا بتختار بين لابين سامسونج وايسر فطبعا سامسونج لان ايسر ماركة مش كويسة خامتها وحشة جدا وبتسخن جدا لئما تشترى ايسر الى بتبقى فئاتة عالية وهيبقى غالى اوى وانا لو هدفع فى لاب ايسر فلوس كتير اروح اشترى سونى مثلا او ابل لكن سامسونج جهاز قوى ورائد فعلا فى عالم الالكترونيات لكن لو توشيبا طبعا اقوى من الاتنين بس يكون تمنة فى متناول ايدك وابعد عن ديل انسبريون خالص لان مشاكلة كتير
ولو احتجت اى حاجة ابعتلى رسالة
ربنا يوفقك

[amr mostafa]

فيه ف مول الكومبيوتر لاباتmade in germany
وبتكون استعمال خفيف وسعرها معقول

[md3000]

فيه ف مول الكومبيوتر لاباتmade in germany
وبتكون استعمال خفيف وسعرها معقول

اه اسمه Fujitsu Lifebook AH531

انا معايا الجهاز ده و فعلا مكتوب عليه Made in Germany

و جهاز رائع الصراحة و سعره معقول بالنسبة لامكانياته

بس انا اشتريته جديد مش استعمال من كمبيومي