Zalman z3 plus vs K380

**Ell0l** · 02-08-2015, 04:27

السلام عليكم..
انا الحمدلله قدرت اوصل لتجميعه كويسه بمساعده الاعضاء في المنتدي..
بس في حاجه حيران فيها جدا جدا
وهي الكيسه انا مش عارف اجيب k380 ولا zalman z3 plus
يهمني الشكل جدا جدا وبرده التبريد..
عجبني في الكولر ماستر الشكل وال zalman التبريد
تنصحوني بي ايه يا جماعه
حاسس ان شكل ال zalman تقليدي شويه وعاوز اجبها عشان التبريد وعاوز اجيب ال k380 عشان الشكل :D
ومعلش ياريت الي يقول اني الافضل يقول ليه كده بالنسباله عشان اقتنع واقفل باب الحيره ديه واقفل التجميعه بقا :D :D
الميزانيه 400ج عشان لو في افكار تانيه :D

**هشام الكنج** · 02-08-2015, 11:12

عليكم السلام

انا بالنسبة لي ال z3 احلى المساءلة ذوقية يعني انت اللى تعجبك هاتها

وانا شريت ال z3 من يومين وبصراحة التبريد فيها جيد جدا وكمان شكلها عاجبني جدا ولو اعطوني k380 ببلاش مش هاخدها ( كل واحد وذوقه بقى هههه )

**محمد فاروق غازي** · 02-08-2015, 11:32

عليكم السلام ورحمة الله وبركاته
أنا مع كلام الأخ هشام جدًا
ولو في إمكانية لرفع الميزانية 50 جنية وشراء الكيس ده Corsair Carbide Series SPEC-01 يبقى تمام جدًا
بالنسبالي كيس راقي جدًا في الشكل واحترافي وممكن في المستقبل تبقى تشتريله مروحتين LED بـ 100 جنيه

**Ell0l** · 02-08-2015, 16:31

انا لفيت علي المواضيع كلها لقيت ان ال k380 مش محبوبه خالص...وبالنسبه لل z3 plus بيقولو مروحه الباب عامله مشكله شويه عشان تيريد كرت الشاشه والمعالج
فا دلوقتي لو مش هقدر ازود 50 ج اشتري ال z3 plus ولا احاول ازود ال 50 لان الفرق ملحوظ من حيث كل حاجه التبريد...الشكل...الوسع
لو تكرم احد الاعضاء وعملي مقارنه من حيث التبريد و الوسع وخامات الكيسه وعدد المراوح يبقا تمام اوي
المقارنه تبقا ما بين التلات لو ينفع
وشكرا لكل واحد اهتم بالموضوع

**TIMO1** · 03-08-2015, 22:19

ارشحلك NZXT source 210 بنفس السعر تقريبا وكل الى هاتحتاجه اضافه مروحه فى الباب وافضل من الاختيارين الى ذكرتهم الزلمان صندوق مقفول من وجهه نظرى والكولر ماستر مكونات ضعيفه الكيسه وزنها 4.5 كيلوا فى حين الكيسه NZXT 6.5 كيلوا انا شايف انها افضل اختيار فى الفئه السعريه ويعيبها فقط عدم وجود usb3 .

**Ell0l** · 03-08-2015, 23:28

المشاركة الأصلية كتبت بواسطة TIMO1

ارشحلك NZXT source 210 بنفس السعر تقريبا وكل الى هاتحتاجه اضافه مروحه فى الباب وافضل من الاختيارين الى ذكرتهم الزلمان صندوق مقفول من وجهه نظرى والكولر ماستر مكونات ضعيفه الكيسه وزنها 4.5 كيلوا فى حين الكيسه NZXT 6.5 كيلوا انا شايف انها افضل اختيار فى الفئه السعريه ويعيبها فقط عدم وجود usb3 .

ا شكرا لي اهتمام حضرتك..بس انا شايف كيسه nzxt شكلها صعب اوي..وان شاء الله شكلها هترسي علي Corsair Carbide Series SPEC-01