عرب هاردوير كلهم مسافرين علشان كدة محدش برد علية
اريد عمل وصلة لتشغيل 10 مراوحة pwm والتحكم بالمراوح كلها من خلال منفذ pwm واحد وتشغيل المراوح كلها من خلال منفذ molex واحد مثل الى فى الصورة
عرب هاردوير كلهم مسافرين علشان كدة محدش برد علية
مش مسافرين ولا حاجه
يا سيدي الفاضل احنا ممكن نقول أن القسم ده تحديداً بيشترط أنك تذكر مواصفات جهازك بالكامل قبل الإستفسار أو السؤال عن أي شيء
بالإضافه انها ليست مشكله تقنيه لإختيار قسم مشاكل الحاسب لإضافة موضوعك
ثانياً على الأقل سؤالك بيشترط أنك تقول أسم اللوحه الأم و صندوق الحاسب و خصائص المراوح و هيئة المراوح المتوصله حالياً و كام منفذ مروحه في اللوحه الأم
إنما السؤال على هيئة لغز مش قادرين نحدد أنت عاوز أيه تحديداً ؟
هل تقصد ينفع أو ما ينفعش ؟
في الحاله دي الإجابه كالاتي :- إذا إتضح أن اللوحه الأم عندها الإستعداد على تغزية أي عدد من المراوح بالفولت والإشاره من
خلال المنفذ الواحد إذن لا توجد مشكله أما إذا لم يتضح هذا فلا يوجد أمامك حل سوى Fan Controller أو الإكتفاء بعدد المراوح المدعوم للتحكم به من كل منفذ واحد
هل تقصد أن 10 المراوح اللي معاك مخارج الكابلات فيهم مختلفه عن مخارج توزيع الطاقه و الإشاره زي الموجودين في الصوره ؟
في الحاله دي الإجابه كالاتي :- يلزمك أدابتر متوافق مع المخرجين
لكن أنا أعتقد أن إمكانية التحكم في 10 مراوح من خلال منفذ واحد صعب أو ربما تعمل جميعهم بسرعه واحده لكن ما هو أقصى عدد أمبير يمكن تمريره من هذا
المنفذ للمراوح من الأساس و ما هي أنواع المراوح و كم أبير تتطلب ؟؟ كل هذا يفرض معرفة كل شيء بخصوص خصائص أسم اللوحه الأم و المراوح
و إلا قد تواجهه عدم تشغيلهم بشكل صحيح أو هبوط سرعاتهم تماماً لعدم تغزيتهم بكامل الطاقه
بالإضافه هل تظن أن 10 مراوح في الصندوق ستحول درجات الحراره من دفايه إلى ثلاجه ؟
الاجابه هي مستحيل ولا حتى 1000 مروحه
أهم شيء نظام تبريد إيجابي أو سلبي أو كلاهما في الصندوق و ده تقدر توفره عن طريق عدد لا يتعدى عن 4 - 6 مراوح و الأهم ذو نوعيه جيده
Gigabyte AORUS GA-Z270X-Gaming 5
Thermaltake Core V51
NZXT FX V2 140 140mm Radiator Optimized
اتفرج على الموقع دة https://www.youtube.com/watch?v=VUbpb23yTK8&t=667s
بعد تركيب 40 مروحة على المششتة وحرارة المعالج ما بين 7- 20-
رئية النتائجة فى الدقيقة 10:50
التعديل الأخير تم بواسطة ابرام فيكتور ; 15-02-2017 الساعة 14:05
وجدت هذه القطعة فى احد متاجر الهاردوير اسمها fan splitter
يا فندم الراجل بنفسه بيقولك في نهايه الفيديو دي مجرد خدعه و دعايه للقناه انت ازاي تصدق الهبل ده
مفيش تبريد هوائي في الدنيا يقدر يساعد على تبريد المعالج بدرجة حراره أقل من درجة حرارة الغرفه نفسها ( أحنا مش هنألف فيزياء جديده يا اخوانا )
اعتقد الوصول للحراره لما تحت الصفر اختصاص محترفين بيستخدموا النيتروجين السائل مع الكسر حسب ماسمعت واتسائل عن امكانيه عمل المكونات اصلا فى الحراره دى واشك فى كده.... على فكره الراجل اللى فى الفيديو بيتكلم زى لهجه القراصنه فى بلاك فلاج ماعرفش دى لهجه حاليه مستخدمه ولاسقعان من المراوح !
Phenomenon المراوحة لتبريد ماء مش هوائى
التعديل الأخير تم بواسطة محمد السنهوري ; 16-02-2017 الساعة 19:16 سبب آخر: أقصي حجم للخط 3
يعني حضرتك مش مهتم بكل اللي بنقولهولك لكن مركز في حاجه واحده و هي شراء 10 مراوح
على كل حال الأمر يرجعلك لكن في فرق بين التبريد الهوائي و المائي
صحيح CORSAIR H100 بنلقبه بتبريد مائي و لكن أي تبريد يعتمد على إستخدام المراوح و مرتبط بدرجة حراره الغرفه هو في الأول و الأخر تبريد هوائي
و لذلك دائماً يتم التنبيهه على وجود تكييف في الغرفه للمشتتات المائيه و إلا ستلاحظ هبوط كفائته تماماً و هذا يعني أنه مرتبط كلياً بدرجة حراره الغرفه
أما التبريد المائي هو الإعتماد على نظام Water Loop متكامل في الصندوق لدرجه تعطيلك الحق في الإستغناء تماماً عن أي مروحه هواء و غير مرتبط بدرجة حرارة الغرفه
أما التبريد المعتمد على سائل النيتروجين LN2 هو الوحيد اللي ممكن تقدر توصل معاه لدرجات حراره مميزه و لا يستخدم بغير المنافسات أبداً
على كل حال أنا حاولت أجاوبك مسبقاً على تشغيل 10 مراوح على منفذ واحد و أنصحك مره أخيره بعدم المحاوله إلا إذا كنت تنوي خوض منافسة HWBot
و لكن حتى 1000 مروحه لن تحصل على أي مركز أو ترتيب ( لأن هذا الفيديو كوكتيل من الغباء )
يرجى عدم إستخدام أكبر من حجم رقم 3 للخطوط
التعديل الأخير تم بواسطة محمد السنهوري ; 16-02-2017 الساعة 19:16 سبب آخر: اقصي حجم للخط 3
المفضلات