المشكله بكابل ال hdmi
عليك أقتناء كابل من نوعيه جيده
أنصحك براديو شاك
بالتوفيق
السلام عليكم
حصلت معايا مشكلة غريبة
وانا بشغل الجهاز النهاردة لاحظت ان الصورة مخططة ومكسرة فطفيت الجهاز وشغلته تانى اشتغل كويس وبعدها بشوية فصلته وسيبته حوالى ساعة وشغلته تانى وجدت نفس المشكلة بس مهما اطفى الجهاز واشغله المشكلة موجودة شكيت تكون المشكلة فى الشاشة فوصلت شاشة التليفزيون لاحظت نفس المشكلة مع العلم انها واصلة بكابل تانى خالص عشان كمان استبعد ان يكون الكابل شكيت فى كارت الشاشة فصلته وشيلته خالص من اللوحة ووصلت على منفذ الاتش دى اللى فى اللوحة نفسها وجدت النخبشة وعدم روقان الصورة اكتر مما كان عليه فى كارت الشاشة مع العلم ان وانا موصل كارت الشاشة كانت بتظهر صورة بيانات اللوحة بس وبعد كدة ومبتجيش حاجة على الشاشة لكن لما وصلت على منفذ اللوحة الصورة بايظة بس الويندوز ظهر ؤدامى عادى
دة الشكل الطبيعى للصورة
ودة اثناء توصيل كابل الاتش دى من اى شاشة من الشاشتين على الكارت الخارجى
ودى الصورة اثناء توصيل الاتش دى الخاص باللوحة
ودى الصورة اثناء التوصيل على مخرج الفيجا القديم الخاص باللوحة d-sub
ودلوقتى لما وصلت على منفذ الفيجا اللى فى اللوحة sub اشتغل عادى بدون اى مشاكل
محتاج اعرف المشكلة دى إيه؟
المشكله بكابل ال hdmi
عليك أقتناء كابل من نوعيه جيده
أنصحك براديو شاك
بالتوفيق
تمام
راديو شاك عنده انواع كتير تنصح بأى نوع؟
بس اكيد المشكلة فى الكابل؟لانى جربت كابل واصل بشاشة وكابل تانى واصل بشاشة تانية ونفس النتيجة مع العلم ان نفس الكابلين بئالهم مايقرب سنة شغالين بدون مشاكل
حسب الصور
ووصفك للمشكله أرجح الكابل
والكابل سيكون
حسب مايدعم مخرج dhmi بكارتك
راجع مواصفات كارتك بموقعه الرئيسى
بالتوفيق
تمام
هى دى المخارج الموضحة فى المانوال لكن مش واضح رقم اصدار للمنفذ عشان انا عارف ان فيه كابلات ساعات بتكون بارقام اصدارات زى HDMI 1.2 مثلا
وكنت محتاج اعرف المنفذ المشار اليه فى الصورة خاص بإيه
وياترى فيه نوع معين تنصح به ؟انا عارف ان راديو شاك عنده اكتر من نوع وفيه نوع موجود عنده اسمه سونى مبطط كدة موجود عنده كنت جبته بس مش من راديو شاك كان من محل فى مول وغيرته اكتر من مرة ورجعته فى الاخر كان مرة صوت الشاشة ميطلعش ومرة وانا بطفى او بشغل نور الغرفة الصورة تروح وتيجى تانى
فمفتكرش ان كل الانواع عنده بجودة عالية وارد يكون عنده انواع رديئة
التعديل الأخير تم بواسطة ryko2 ; 12-08-2018 الساعة 21:26
أنت ماتفتكرش لكنى أفتكرفمفتكرش ان كل الانواع عنده بجودة عالية وارد يكون عنده انواع رديئة
راديو شاك لايبيع شىء ردىء
ماهو نوع كارتك تحديداا
أو أرفق رابط له
حاضر
Gigabyte Nvidia gtx 760 oc 3x windforce
https://www.gigabyte.com/Graphics-Ca...-2GD-rev-20#ov
كنت عايز اعرف الافضل بين الانواع دى
https://radioshack.com.eg/ar/product...oduct_id=12087
https://radioshack.com.eg/ar/product...roduct_id=8530
https://radioshack.com.eg/ar/product...oduct_id=10024
https://radioshack.com.eg/ar/product/product&path=573&product_id=11186
https://radioshack.com.eg/ar/product/product&path=573&product_id=9596
https://radioshack.com.eg/ar/product/product&path=573&product_id=7637
وبالنسبة لدة نظرا لسعره المناسب لو كويس
https://radioshack.com.eg/ar/speedli...1-5m-25-080460
وتنصح بشراء الكابل طويل ولا على حسب الحاجة؟
التعديل الأخير تم بواسطة ryko2 ; 12-08-2018 الساعة 22:04
الفرق بينهم خامات التصنيع
+
القدره على الوصول لجودة صورة مثالية و كاملة و عالية الوضوح
( 4k )
وستجد أعلب الكابلات مطليه بالذهب
( gold plated )
عموماا الكابل الأخير لابأس به
( أقل كابل من راديو شاك = أفضل كابل من أى مكان أخر )
والسبب فى ذلك أن أغلب منتجاته تم أنتاجها خصيصاا له
لذلك ستجد ليبل أن هذا المنتج تم تصنيعه خصيصاا لراديو شاك
وأحيانا ستجد أن هذا المنتج تم أستيراده خصيصاا لراديو شاك
وطول الكابل حسب الحاجه
لأنه سيكون على حساب السعر
المهم حاول ألا يقل الكابل عن 1.4
بالتوفيق
تمام يااستاذ عبد الحليم متشكر جدا
بس بقولك إيه
هو مش ممكن المشكلة اللى حصلت عندى دى تكون نتيجة اهتزاز الكارت او الكيسة تكون لمت تراب كتير ومحتاجة نضافة؟يعنى وارد مشكلة زى دى تكون نتيجة تراب مثلا؟
ليست الأتربه فقط التى توثر
لكن عدم صيانه الكارت ككل تؤثر
أنتهاء عمر المعجون الحرارى
تأثر المراوح
لعدم صيانتها وتزيتها بصوره دوريه
وسبب ترجيحنا للكابل هو ماذكرته أنت
ووصلت على منفذ الاتش دى اللى فى اللوحة نفسها وجدت النخبشة وعدم روقان الصورة اكتر مما كان عليه فى كارت الشاشة
فلو سلمنا جدلا
أن المشكله بسبب الكارت لأى سبب كان
المفروض أن يعمل الكابل بصوره جيده
على مخرج hdmi باللوحه الأم !!؟
انا نظفت الكيسة ووصلت الكارت والحمدلله اشتغل كويس بدون مشاكل
انا عايز اعرف إمتى اعرف ان محتاج اعمل الصيانة للكارت؟
لإن من ساعة مااشتريته مما يقرب سنة تقريبا ومفكتوش من الداخل ولا نضفته فإمتى اعرف انه محتاج الصيانة
وهل رش الاكاى الازرق على المراوح نفسها على ريشاتها غلط؟عارف ان الموتور الداخلى لها بيحتاج تزييت بالاكاى الاحمر
ياأخ ريكو
أتذكر انه بموضوع سابق طويل
تناولنا تلك القصه
وأرفقنا فيديو وأجبناك بأسهاب
أليس كذلك ؟؟
وكنت متخوف وقتها من فك الكارت
وذكرت لك أن الكارت يحتاج لصيانه على الأقل كل 6 شهور
راجع المواضيع التى قمت بأنشائها
وحط أنت الرابط
لا انا عارف الموضوع دة ومش ناسيه وحتى ساعتها اتكلمنا على مواد التنظيف كالبنزين والاكاى
انا بس بسأل إمتى اعرف ان الكارت محتاج صيانة من ناحية ان مثلا ممكن من خلال كشف بياناته بإحدى البرامج فبيظهر اى حاجة فى حرارته او ماشابه ذلك يدل على انه محتاج صيانة
وبالنسبة لأكاى الازرق لو رشيته على ريشات المراوح كويس ولا يضر بها؟
أولا
لا غناء عن البلاور هذا اول شيىء تستخدمة لطرد تجمع الاتربة من الكيس
وقطع الهارد واير
وبعدين الاكاى بس المهم لا يكون بة اى من ال الزيوت
واخر شيىء تغير المعجون في حال ارتفاع الحرارة عن السابق رغم التهوية العالية للكيس
=
ملحوظة
في استخدام البلاور يجب تثبيت المراوح حتى لا تتلف
=
وانتظر راى استاذنا عبد الحليم
تحياتى
كما أشار الأستاذ أيوب
بالأضافه ألى أن القصه تخضع لأستخدامك
أذا كنت يومياا تلعب جيمز
ونوعيه الألعاب
هل هى ألاعب ثقيله أم العكس
المقصود هل المعالج الرسومى
مضغوط بصفه مستمره
بتلك الحاله يفضل عمل الصيانه الدوريه من 4 ألى 6 أشهر
أما لو كان عملك تصفح وأمور بسيطه
فممكن سنوياا
وحاله البيئه المحيطه مهم
بالنسبه لتراكم الأتربه
وأيضا متابعه درجات الحراره بأستمرار
كما ذكر أخى الفاضل
وعند ملاحظه أرتفاعها
قم بعمل تلك الصيانه بصوره فوريه
بغض النظر عن ميعادها
عيد سعيد للجميع
المفضلات