ولكن عندى تكييف بيشتغل عليها عادى بس على مفتاح خاص به لوحده
انا مش فاهم الجملة دى : وأنظر على الكابلات داخل عليه الفيشه
انا بالفعل بصيت على المشتركات عند راديو شاك بس عايز اسألك على حاجة عشان لاحظت عنده حاجة ان فيه مشترك نفس النوع 4 منافذ وواحد 6 منافذ والاتنين سعر واحد
ب325
وفيه نوع اسمه هاما ممكن يبئا 6 منافذ او 8 ب125
مشعارف اجيب إيه منهم؟
بفكر اجيب بتاع هاما دة بس خايف يكون فيه مشكلة او يكون مش متحمل لانى موصل تليفزيون وريسيفر وكيسة وشاشتين (كمبيوتر - تليفزيون)والصب والروتر عليه
علما بأن فيشة المشترك الدكرين بتوعها تخان لما بركبهم فى البريزة بضطر اوصله فى مشترك ثلاثى عادة عشان يدخل فيها لانها قديمة وتغييرها بيتطلب تكسير وعملية كبيرة شوية .
استاذ عبد الحليم
للاسف المشكلة رجعت تانى وبعد تجارب عديدة المشكلة فى الكارت بما لا يدع مجالا للشك والله أعلم
التجارب اللى أجريتها كالأتى :
اولا عزلت فيشة الباور سبلاى هو والشاشة وادابتور الروتر على مشترك ومقبس خاص واستمر العمل حوالى شهرين بدون مشاكل وعادت المشكلة اليوم مرة أخرى
ثانيا وصلت كابل الاتش دى على شاشة التليفزيون المجاورة ونفس المشكلة
ثالثا وصلت كابل الفيجا القديم نفس المشكلة
رابعا جربت على dvi نفس المشكلة
خامسا غيرت كابل الاتش دى نفس المشكلة
سادسا غيرت الاوضة خالص ووصلت الكيسة فى مكان تانى على شاشة تليفزيون اتش دى ونفس المشكلة
سابعا غيرت الكابل على نفس الوضع فى سادسا ونفس المشكلة
ثامنا فكيت الكارت ونظفته ونظفت مكانه وركبته تانى نفس المشكلة
تاسعا فكيت الكارت وركبته فى الكيسة القديمة نفس المشكلة
عاشرا وهى كانت اولا انى شيلت تعريف الكارت
حادى عشر طبعا قبل كدة بفكر حضرتك عشان عارف ان الموضوع دة بئاله فترة طويلة واكيد ممكن تكون نسيت انى وديت الكارت لصيانة شركة جاما وقالولى ان الكارت زى الفل مفيهوش اى حاجة وضغطوا عليه فى الشغل بدون حدوث اى مشاكل وخدوا منى مصاريف كشف
مشعارف اعمل إيه تانى
هل الكارت كدة انتهى؟الغريب انى مبحملش عليه فى لعب وكل فين وفين لما استخدامى بيكون العاب
وكنت عايز اسأل على حاجة
وارد يكون بايوس الكارت عايز يتحدث؟عشان مثلا يكون مناسب مع ويندوز 10
اصل مش معقول ان الوكيل ميكونش عارف يعمل الكارت واوديه لحد بره يهربد فيه وخاصة ان العيب دة عيب خبيث اوقات بيظهر واوقات لا
انا عارف انى تعبتك معايا
بس يعلم الله اد إيه انا حزين لانى دفعت فيه مبلغ كبير بالنسبة لى
طبعا قدر الله وماشاء فعل باى حال من الاحوال بس حاجة تزعل
امبارح لما عمل الحركة دى الصبح قبل ماانزل الشغل فصلت الكهربا تماما
ورجعت بعد حوالى 10 ساعات شغلته وجدت نفس المشكلة وعملت ساعتها التجارب اللى وضحتها لحضرتك فى المشاركة السابقة وكان فى النهاية برضه على حاله
طبعا انا حاليا عازله على الكيسة التانية مش اللى بكلم حضرتك منها
اصل معنديش حد اعرفه عنده باور سبلاى يتحمل الكارت دة
هو العيب دة ممكن يكون بسبب ايسى؟
والمشكلة دى لو لاحظت انها ثبتت ومش زى الاول بتختفى فترات وتظهر فترات اوديه لشركة جاما تانى؟ولا شايف انهم طالما مكشفوش العطل اول مرة صعب يكشفوه تانى مرة؟
تمام ولو ان صعب يجربه ؤدامى فى الاول مبيرضوش غير لما يحجزوه عندهم ولما اروحلهم عشان استلمه فى ميعاد الاستلام ساعتها ممكن يوصله تانى ويجربهولى
بس برضه حضرتك مقلتليش وارد اللى يعمل فيه كدة يكون مكثف مثلا
وبعدين فى حاجة الفنى دة قالهالى وانا بستلم الكارت ساعتها قلقتنى منهم عايز اخد رأيك فيها
قالى الكارت مفيهوش حاجة وبعدين انا مرديتش افتحه لانه كان شغال وبعدين هو انا يوم ما هعمل فى حاجة هعمل فى إيه؟هسخن على الشباية فحرام الكارت شغال كويس ومفيهوش حاجة
مشعارف هل معنى الكلام دة ان بيكون دة اللى عندهم فى تصليح كروت الشاشة؟يعنى زيهم زى اللى بره ولا إيه؟انت تفهم عنى من سياق الكلام دة لانك شغال فى نفس المجال .
التعديل الأخير تم بواسطة ryko2 ; 23-02-2019 الساعة 21:54
المفضلات