بارك الله بك يا أخي.
وأتمنى من الله أن تأتيك بشرى القبول في هذه الوظيفة وجعل الله لك فيها كل الخير.
أتمنى من الله أن أكون أحد من يكتبون قصت نجاحهم قريبا
تقبل خالص الود
بسم الله الرحمن الرحيم
اخوانى فى المنتدى السلام عليكم ورحمة الله وبركاته ... تحية طيبة وبعد ...
اثناء تجولى فى هذا المنتدى اللى بعتبره بيتى الثانى وفى احد الاقسام التقنية المتعلقة بشرح احدى الشهادات العالمية لقيت بعض الاخوة جالهم حالة احباط شديد ولقيت واحد بيقول انه سمع ان شغل شبكات Cisco ملوش مستقبل والناس اللى شغالين فيه متبهدلين ومرتباتهم ضعيفة و طالما الموضوع كده يبقى ليه الواحد يتعب نفسه ويذاكر حاجة مش هتفيده ... ده غير الاعضاء اللى قال ان شهادة MCSE ملهاش لازمة ... وغيره وغيره من الكلام اللى يحبط اى واحد حابب يشتغل فى IT وبيجتهد انه يتعلم .
فحبيت ان اكتب الموضوع ده لكل الاعضاء اللى شغالين فى IT ان كل واحد يكتب قصة نجاحة ووصوله من الصفر الى القمة فى هذا المجال والدروس المستفادة من هذه القصة .
لان كل واحد هيقرا قصص النجاح ده هيبقى عنده دافع ان يكون زى واحد منهم وبالتالى هيجتهد ويتعلم ويحط هدف قدامه ويحاول الوصول اليه وبالتالى ترتقى هذه الامة بارتقاء ابنائها .
واسال الله ان ينفع هذه الامة بابنائها .
وهبتدى بتجربتى الشخصية :
بفضل الله اتخرجت من كلية تعليم صناعى تخصص تكنولوجيا سيارت عام 2003 وبعد تخرجى من الكلية حبيت اشتغل فى مجال الكمبيوتر لانى حبيته
اكتر من السيارات فابتديت اتعلمه بعد الكلية وبفضل الله اتعلمت حاجات كتير منها البرمجة والصيانة وحاجات تانية ولقيت نفسى بيمل الى تصميم المواقع وبفضل الله قولت خلاص هو ده المجال اللى لازم ابدع فيه وبفضل الله اتعلمت من الصفر نزلت كل الحاجات التعليمية الموجودة على النت المتعلقة بتصميم المواقع
وبفضل الله اتعلمت برامج كتير زى الفوتوشوب - والفرونت بيج - والدريم ويفر - والفلاش - وتقنية CSS - وكنت دخلت شوية على قواعد البينات فتعلمت MySQL ومشيت فى تعلم PHP وبفضل الله وصلت لمرحلة الاحتراف فى مجال تصميم المواقع وبفضل الله وحدة عندى المقدرة على عمل المواقع على اعلى تقنية فى هذا المجال .
وبفضل الله مشيت فى الموضوع ده لحد لما لقيت ان فى فرصة عمل فى احدى الشركات ومستقبلها احسن وهما كانو عايزين ناس متخصصين فى الشبكات وعرفت انهم عايزين حد دارس منهج MCSE قولت انا لازم اقدم للوظيفة دى وبفضل الله نزل كل الحاجات التعليمية الى شرحت هذا المنهج زى شركات Trainsignal و TestOut وبفضل الله ذاكرت واجتهدت وطبقت الحاجات اللى بتعلمها
وبفضل الله قدمت لهذه الوظيفة وعملت انتر فيو مع المهندس المسئول وبفضل الله كانت المقابلة كويسة وقالى لازم تعمل انترفيو مع المديرين بتوعى فى ادارة IT فى القاهرة وبفضل الله عملت المقابلة مع اكتر من واحد وبفضل الله كل عدى على خير. ولله الحمد والمنه تم قبولى فى هذه الشركة وبفضل الله ناقص حبة اجراءات ادارية ومنتظر نتيجة الكشف الطبى .
وبفضل الله قررت انى اخلص دراسة منهج CCNA قبل ظهور نتيجة الكشف الطبى وقبل تعينى فى هذه الشركة وبفضل الله نزلت الحاجات التعليمة الخاصة بهذه المادة بالاضافة الى شرح مهندسنا العزيز محمد سمير وبفضل الله قربت اخلص هذا الكورس ولله الحمد وحده .
الخلاصة من الكلام اللى فوق ده :
1 - مش شرط تكون خريج كليةهندسة او علوم كمبيوتر علشان تشتغل فى IT
2 - اللى عايز يوصل لازم يحط هدف فى حياته وتاكد انه هيوصل مع الاخذ بالاسباب والتوكل على الله
3 - متحاولش تضيع لحظة الا لما تتعلم فيها سواء علم دينى او علم دنيوى .
4 - خلى عندك طموح وتحاول تطور نفسك باستمرار ومتكتفيش بالوضع اللى انت فيه .
5 - لما تيجى تتعلم حاجة اتعلمها صح يعنى من البداية ومتكسلش ومتستعجلش العلم يعنى (متكروتش ) يعنى خلى عندك صبر كبير اثناء التعلم .
6 - طالما حاجة غيرك يقدر يعملها يبقى انت تقدر تعملها . يعنى مفيش حاجة صعبة او خارقة
ده كان تجربتى الشخصية فى هذا المجال .
ملحوظة : انا مبقولش الكلام ده علشان اعمل دعاية لنفسى لان محدش يعرف اسمى ولا يعرف انا فين ولا شغال فين . بس اللى خلانى اقول الكلام ده لما لقيت احد الاعضاء عنده احباط شديد وحسيت انه مستقبله هضيع لو فضل محبط بالشكل ده .
فى النهاية انا متشوق جدا جدا جدا لمعرفة قصة نجاح اخوانى ومشرفينى فى هذا المنتدى وقصة نجاحهم فى IT مع ذكر الدروس المستفادة من كل قصة .
وبالاخص : نفسى اسمع قصة حبيبى فى الله اخى لومارك
فى النهاية لا تنسونى من صالح دعائكم بان ييسر الله لى الشغل فى هذه الشركة اذا كان بها خير فى دينى ودنياى
بارك الله بك يا أخي.
وأتمنى من الله أن تأتيك بشرى القبول في هذه الوظيفة وجعل الله لك فيها كل الخير.
أتمنى من الله أن أكون أحد من يكتبون قصت نجاحهم قريبا
تقبل خالص الود
[SIGPIC][/SIGPIC]
================================
من مواضيعي:=======================
================================
بالصور ... كيف تطلب شهاداتك من مايكروسوفت.
الأنظمة الأمنية للتعرف على الوجه.
مقال مصور: نظره تاريخية حول وسائط تخزين الحاسب.
14 أداة مجانية Online لفحص الـ DNS والشبكه.
مقال: الخطوات الأولى نحو الشهادات التقنية
مقال: نظره عامة حول أسباب ضعف تأثير الشهادات التقنية
تقنية المعلومات... الدرجة الجامعية × الشهادة التقنية
مقال: الطابعات الليزرية
مقال: نظره عامة حول تقنيات شاشات اللمس
================================
اخى alasmer68 بارك الله فيك على مرورك على الموضوع اواسال الله ان يكتب لك النجاح فى كل شى سواء فى حياتك العلمية والعملية .
ومتنساش تبقى تيجى تكب قصة نجاحك هنا :D:D:D
1 - مش شرط تكون خريج كليةهندسة او علوم كمبيوتر علشان تشتغل فى IT
2 - اللى عايز يوصل لازم يحط هدف فى حياته وتاكد انه هيوصل مع الاخذ بالاسباب والتوكل على الله
3 - متحاولش تضيع لحظة الا لما تتعلم فيها سواء علم دينى او علم دنيوى .
4 - خلى عندك طموح وتحاول تطور نفسك باستمرار ومتكتفيش بالوضع اللى انت فيه .
5 - لما تيجى تتعلم حاجة اتعلمها صح يعنى من البداية ومتكسلش ومتستعجلش العلم يعنى (متكروتش ) يعنى خلى عندك صبر كبير اثناء التعلم .
6 - طالما حاجة غيرك يقدر يعملها يبقى انت تقدر تعملها . يعنى مفيش حاجة صعبة او خارقة
ماشاء الله تبارك الرحمن الله يوفقك يا اخي
كلام جميل جدا و اهم اشي الارادة و الثقة بالنفس و التوكل على الله
و ان شاء الله قريبا نسمع قصتك مع النجاح اخي سامر
و ياريت تثبت هذه الموضوع و كل واحد يكتب قصة نجاحه مع الدراسة او مع العمل
[CENTER][COLOR=indigo]سيبقى الامل و السعي وراء النجاح مستمر[/COLOR][/CENTER]
[CENTER][COLOR=indigo]و سيبقى الخط بعدي في الكتاب[/COLOR][/CENTER]
[CENTER][COLOR=black][FONT=Tahoma]No pain, no gain [/FONT][/COLOR][/CENTER]
[CENTER][COLOR=black][FONT=Tahoma]Don’t freeze when issues feel difficult That’s why we are here, to learn[/FONT][/COLOR][/CENTER]
بس انتا كدة حتحبط الطلبة بتوع هندسة
حيقولوا يعني بتاعتنا ملهاش لازمة ههههههههههههههههه
الى الامام اخي ,وجزاك الله كل خير على كلامك الجميل الى بيحفز الاخوة(لاسيما المحبطين)
وانا اهوك مبدتدىء وباذن الله عند النجاح ساعود واكتب في هذا الموضوع باذن الله تعالى
اتمنى لك الخير اخي
فعلا أعتقد نظرية دراسة تخصص معين والعمل في مجال آخر تماما تنطبق على الحاسوب لأنه مجال كبير وسهل ان الواحد يتعلمه اذا كان مهتم انه يتعلم .
وبارك الله فيك عالموضوع الجميل ده ويسر أمرك وأمرنا في الدنيا والآخرة .
:)
والله زمـــان
الله يوفقك اخوي
TaKe a Massive Step
يا ريت مشاهير المنتدى يحكوا لنا قصصهم
مشكوور على الموضوع الرائع
وربنا يوفقك
ربنا يوفقكم جميعا ولا اريد أحباط احد انا اعمل في شركة أنترنت ولكن لاسف في اقسام معينة لا يمكن دخولها غير مهندسين إتصالات او كومبيوتر سينس NOC,FE الله الموفق
المفضلات