ممكن توضح نوع الكابل المستخدم حاليا والمسافة بين السويتش والجهاز الي عاوز تربطه
السلام عليكم و رحمة الله و بركاته
انا عندى مشكله و سؤال مهم لاصحاب الخبره فى الشبكات
انا موصل سلك شبكة من سوتش
و الشبكه عباره عن شبكه فى بلدنا و فيه واحد ماسكها و متحكم فيها عن طريق سيرفر
و محدد لكل واحد سرعة معينه و الدخول باسم و باسوورد
المهم
انا جيت ادخل النت ما دخلش مع ان علامه الشبكه ما فيهاش غلط و الانصال موجود و كل حاجه تمام
غيرت نسخه و عملت كل حاجه و برضه نفس المشكله
سالت اللى ماسك الشبكه
قالى العيب عندى فى السلك و قالى ان السلك اللى عندى لونه مش ابيض و لونه غامق
و الابيض احسن
و الغامق له عمر افتراضى
و قالى حاجات غريبه زى اسلاك النيكل و حاجات كده
انا دلوقت مش عارف العيب فى ايه و ايهما افضل فى انواع السلوك
و هل هوا اللى فاصل النت عنى
ارجو الاجابه يا بشمهندسين و جزاكم الله خيرا
و السلام عليكمو رحمة الله و بركاته
ممكن توضح نوع الكابل المستخدم حاليا والمسافة بين السويتش والجهاز الي عاوز تربطه
ارجو منك يا اخي ان تتأكد من ip وال DNS ممكن توكن المشكلة فيهم
اولا بشكركم على اهتمامك و ردكم الكريم
ثانيا
بالنسبة للكابل هو من النوع البنى الغامق و ليس الابيض
و بالنسبة للسويتش فيه ناس واخده منه وصله و شغال عندهم
الراجل اللى ماسك الشبكه قالى عيب سلك
و قالى ان السلك اللى لونه بنى له عمر افتراضى و بيبوظ و مش كويس
و قالى لازم السلك يتغير
مع ان المسافه بين السلك و السوتش حوالى 30 متر
انا حاسس ان الراجل هوا اللى بيقطع النت عليا
لانه عامل سيرفر و محدد سرعه لكل واحد
و فيه طلب لو سمحتم كمان
انا عايز اعرف ازاى اقدر احدد لكل مستخدم اسم و كلمة سر لو انا عندى سيرفر
و ازاى اقدر احدد لكل واحد سرعه معينه
و جزاكم الله خيرا على ردكم
يا اخى الكريم , سلك ايه اللى انت جاى تقول عليه
المسافة 30 متر فقط يعنى الاشارة هتكون قوية جدا الى اخره , وبعدين السلك مش بلونه غامق او فاتح , وبعدين مادام المسافة صغيرة كده يبقى نوع السلك مش هيفرق , اتأكد بس ان التاريجات متوصلة كويس عن طريق الكابل تيستر
اما بخصوص السرفر فده انا عامله لشبكتى برده , للحماية والتحكم , فانت هل صفحة الدخول اللى بدخل الاسم والباسورد بتظهر عندك .؟
لو بتظهر يبقى كده النت شغال ومش فاضل غير انك تدخل بياناتك , لو صفحة الدخول مش بتظهر يبقى فيه مشكلة تانية
الصفحه ما بتظهرش خالص
cannot find
انا عندى سؤال لو سمحت
انا لو اشتريت اكسس بوينت لوحدى و شغلته النت هيكون كويس عندى
و لا ايه
لأ , الاكسس بوينت مش هتحللك المشكلة, السؤال : هل بتظهر عندك صورة الكونكشن(الشاشتين اللي بينورو :D)؟
اه بيظهروا تمام
و على فكره المشكله طلعت من الشبكه كلها مش من عندى لوحدى
و اشكرك جزيل الشكر و ربنا يزيدك علم
بس كنت عايز اعرف منك حضرتك حاجتين
الاولى : لو انا اشتريت اكسس بوينت هتكون السرعه عندى كويسه
الثانيه : ازاى لو انا مدير شبكه ممكن اعمل سيرفرو اتحكم بالمشتركين و اححد السرعه و اضع لكل واحد اسم و باسوورد
ممكن تقولى ازاى و باى البرامج
و اشكر جزيل الشكر
شوف يا سيدي, والله أعلى و أعلم المشكله
في السوتش نفسه
أو الconfiguration اللي بتوصلك من الDHCP
أو أنو الشخص ده فعلا موقفك مكانك (بس بالشكل ده أنت ممكن تقطع الخدمه من عنده)!!!
و مدام الناس كلها, يبقى الشخص ده مش عارف هوه بيعمل ايه! :confused:
الاولى : لو انا اشتريت اكسس بوينت هتكون السرعه عندى كويسه
سرعه التوصيل بالكابل 100 ميجا بت في الثانية و أقصى سرعة للوايرلس 54 ميجا بت في الثانيه لكن انت كمستخدم هتحس بفرق بسيط في السرعة يكاد لا يذكر...
لثانيه : ازاى لو انا مدير شبكه ممكن اعمل سيرفرو اتحكم بالمشتركين و اححد السرعه و اضع لكل واحد اسم و باسوورد
ممكن تقولى ازاى و باى البرامج
أكيد ممكن لكن بالنسبه للمشاريع الصغيرة معنديش فكرة عن البرامج المستخدمه, ربنا يخليلنا Google :ah2:
أخى واضح أن اللى ماسك الشبكة عامل كعبلة كتير فى الشبكة من الأفضل له ولكم أن يعمل الوصلات على السويتش وبلاش موضوع السيرفر طالما عامل مشاكل للكل
المفضلات