مرجع 3d technology الشامل كل شئ عن التقنية بعد بحث اكثر من عام كامل

**moottoo** · 27-09-2013, 14:51

السلام عليكم
انا جبت شاشه LA7400 42 LG من كام يوم و عندى كرت شاشه 670 GTX و لما وصلتها بالكمبيوتر كان فيها انبوتلاج بس لما بعملها على وضع الجيم بيروح بس مش خالص يعنى بيبقى مش محسوس
المهم انا اكتشفت ان الكابل ال HDMI عندى 1.3b و ده اخره فى الهرتز 64 و لما اعمله 75 بيجيب صوره بس حته من تحت بتبقا فوق كده بس بتحرك بالماوس مش بيبقا فيه اى لاج خالص
هل انا بقا لو جبي كابل 1.4a هيوصل للترددات دى و هيوصل ل 120 ؟ انا عاوز اجيب الكابل ده
https://compume.com.eg/en/computers/...1m-caauv15-081
مستنى ردك السريع بعد ازنك عشان انا زهقت بجد من الشاشه دى و دافع فيها مبلغ كبير

**Hazem Hazem** · 02-10-2013, 16:01

أحب أشكر حضرتك جداجدا على الموضوع الأكثر من رائع بصراحه ربنا يجازك كل خير
كان ليا طلب عندك ممكن تقولى على شاشه لسونى برافيا 3d تكون 40 بوصه وبتستخدم تقنية الباسيف 3d ومتشكر ليك جداجدا مقدما

**Hazem Hazem** · 02-10-2013, 16:10

وإيه رأيك فى دى مثلا
https://www.sony-mea.com/product/kdl...ite=hp_ar_ME_i

**عبدالله ضيف** · 29-12-2013, 00:31

والله بالنسبة للسونى انتظر شوية لان فى حاجات احسن هتنزل السوق

**hagag** · 29-12-2013, 01:30

يا عم انت شكلك وصلت ومعتش بتحب تقعد على المنتدى
ابقى اظهر علشان انت رقم واحد فى الشاشات
وانا بعتلك على الخاص رساله يريت تلحقنى

**عبدالله ضيف** · 30-12-2013, 07:57

والله يا اخى حجاج انا فى اعدادى هندسة والامتحانات وراها امتحانات ومحطوط عليه حطة طين ومش ببقى فاضى لاكن بأّن الله فى الاجازات هكون متواجد بأستمرار انا ناقصلى اسبوع وخلص امتحانات ادعولى بالتوفيق

**عبدالله ضيف** · 30-12-2013, 08:01

اخى حازم الشاشة الثرى دى السونى بتقنية اكتف لا انصحك بها فى الثرى دى لاكن وربى صورة هذه الشاشة فى التو دى ملهاش حل فهى تدعم تقنية 24p وكمان الوانها تحفة فى التو دى

**عبدالله ضيف** · 30-12-2013, 08:02

https://arabhardware.net/forum/showthread.php?t=342208

انصح الجميع بقراءة هذا الموضوع

للأستفادة القصوى من اى شاشة

**fox 1** · 03-01-2014, 10:36

موضوع رائع يا هندسه بس ليا سؤال
انا قررت اشترى تليفزيون LG 42La6210 3D
فهل ممكن اشغل عليه افلام 3D من ال usb ولا لازم يكون عندى جهاز عرض كمبيوتر او بلو راى ؟
وهل هيكون ال usb بنفس الجوده وكل الصيغ

**عبدالله ضيف** · 12-01-2014, 22:40

والله اخى fox انا لا اعلم اى شئ بخصوص ال usb تبع الشاشة ومش بحب افتى فى الى معرفوش :D

**mahmoudcj** · 13-01-2014, 07:14

السلام عليكم

انا من اسبوع كده نزلت كارفور وجبت الشاشة ( samsung palsma f4900 flh 3d 43 inch )
بسعر 3700 بس لسة ماجربتوش ولا خرجت الشاشة من الكرتونة اساسا

واكتشفت انها ready hd مش FHD يعنى 720 مش 1080 بس عملت سرش ولقيت ناس بتقول مش هتحس بفرق كبير لو بتفرج من 3 متر مثلا الكلام ده مظبوط وهتفرق جامد ارجعو واجيب واحد تانى FHD ولا مافيش فرق كبير ?!!

واللى فهمتو من كلامك وخبرتك فى الشاشات ان الباسيف افضل من الاكتيف .. طب يعنى السرى دى فيه تعبان وانا دافع فلوس على الفاضى واغيرو احسن ولا حلو .. وهى فيها مخرج hdmi 1.4 دى ميزة انى مرجعهاش ؟!!
( انت اية رأيك فى الشاشة وتنصحنى بى اية انا قدامى اسبوع واحد بس لو هرجع الشاشة واجيب مكنها اية يكون احسن فى حدود المبلغ ده ؟ ضرورى ارجوك لانى مش عيز احس انى هدرت فلوس

**blackvirus** · 13-01-2014, 08:38

المشاركة الأصلية كتبت بواسطة mahmoudcj

السلام عليكم

انا من اسبوع كده نزلت كارفور وجبت الشاشة ( samsung palsma f4900 flh 3d 43 inch )
بسعر 3700 بس لسة ماجربتوش ولا خرجت الشاشة من الكرتونة اساسا

واكتشفت انها ready hd مش FHD يعنى 740 مش 1080 بس عملت سرش ولقيت ناس بتقول مش هتحس بفرق كبير لو بتفرج من 3 متر مثلا الكلام ده مظبوط وهتفرق جامد ارجعو واجيب واحد تانى FHD ولا مافيش فرق كبير

واللى فهمتو من كلامك وخبرتك فى الشاشات ان الباسيف افضل من الاكتيف .. طب يعنى السرى دى فيه تعبان وانا دافع فلوس على الفاضى واغيرو احسن ولا حلو .. وهى فيها مخرج hdmi 1.4 دى ميزة انى مرجعهاش ؟!!
( انت اية رأيك فى الشاشة وتنصحنى بى اية انا قدامى اسبوع واحد بس لو هرجع الشاشة واجيب مكنها اية يكون احسن فى حدود المبلغ ده ؟ ضرورى ارجوك لانى مش عيز احس انى هدرت فلوس

اوعى تجيب الاكتف ده اسوء تقنيه شفتها فى حياتى لانها بتسبب صداع غير عادى و بتحس انك حولان بعد الفلم هيه كتجربه ثرى دى حلو بس اضرارها الصحيه كبييره جدا لدرجه انك لازم هتسيبه انا عندى سامسونج EH6030 و هو 32 بوصه انصحك بعدم شراء لاكتف تماما

**mahmoudcj** · 13-01-2014, 08:58

المشاركة الأصلية كتبت بواسطة blackvirus

اوعى تجيب الاكتف ده اسوء تقنيه شفتها فى حياتى لانها بتسبب صداع غير عادى و بتحس انك حولان بعد الفلم هيه كتجربه ثرى دى حلو بس اضرارها الصحيه كبييره جدا لدرجه انك لازم هتسيبه انا عندى سامسونج EH6030 و هو 32 بوصه انصحك بعدم شراء لاكتف تماما

شكرا اخ black virus على الرد ... تنصحنى ارجعها واجيب الموديل القديم منها عادى مش 3d واوفر 1000 جنية .... ولا فى حاجة باسيف سرى دى افضل منها فى نفس سعرها ؟!
وعلش بس عايز اعرف من تجربتك فى السرى دى الاكتف مضرة ازاى .. وتفرق لو هتلعب عليها كتير .. غير لما تتفرج على فيلم وخلاص ؟

**blackvirus** · 13-01-2014, 10:03

بص هيه اول حاجه بحس انه الشاشه عامله زى الشباك و جوده بتحس بالابعاد الثلاثيه ماشى . مش كل لافلام حلوه فى الثرى دى فى افلام حلوه و فيم افلام كانها 2d بالظبت .و من حيث لافلام هيه بالظبت ربع ساعه او نصف ساعه و تحس ان عينك بقت مقعره بعنى دخلت لجوه بسبب النظارات الاكتف هتفرح بيها فى لاول زى ما انا عملت بس بعت عن الثرى دى دلوقتى لانى بقيت احسن بصداع و ارهاق غير عادى و فيه حاجه لو انت بتركب عربيات هتحس انك مش قادر تظبت ابعادك شئ من الخداع البصرى . نصيحه ابعد عن الثرى دى خالص و كمان تظبيته عايز مجهود كبير قوى و مش كل لافلام ثرى دى انا اشف انك تجيب حاجه احسن او اكبر افضل من الثرى دى

**mahmoudcj** · 13-01-2014, 18:36

شكرا على المعلومات دى انا شكلى هروح ارجعها بس مش عارف انا شفت الصورة بتعتها فى 2d تقريبا احسن من الموديل القديم بتاعها اللى هو 2d عادى مش 3d .. ولا هو هو نفس جودة 2d فى الشاشتين ؟!!