الاخ الكريمالمشاركة الأصلية كتبت بواسطة en2hmed
مفيش مشكلة اتفضل المهم ان اكبر عدد ممكن من الناس يشوفو الفيديو ويستفيدوا منه
ممكن ينفع ارفع الفيديو الرائع جدا دة علي موقع اخر مع الاحتفاظ بحقوقك
الاخ الكريم
مفيش مشكلة اتفضل المهم ان اكبر عدد ممكن من الناس يشوفو الفيديو ويستفيدوا منه
------------------------------------------------------
من مواضيعي
عبد الله
الله ينور عليك يا اخويا انا كنت شكرتك قبل كدة انك عملت الفيديو اساسا لانى بشتغل زيك كدة من 2002 طبعا انا اترقيت مقعدتش زى ما انا لحد ما بقيت مدير شركه
بس المره دى انا بشكرك بعد ما سمعت الفيديوهات
فى نقاط كتير بتفق معاك فيها وفى نقاط كتير برضه بختلف معاك فيها
طبعا ليس انقاصا من مجهودك فانت ربنا يباركلك اساسا على وقتك ومجهودك
لو تسمح انى احنا نتناقش بشكل موضوعى عن النقاط اللى عاوز احاورك فيها يبقى جزاك الله خير عشان انا استفيد وانت كمان
لو ممكن تبعتلى ايميك او يكون هنا على العام عشان الكل يستفيد
جزاك الله خير واسف انى متفرجتش على الفيديو فى وقت سابق ومستنى ردك يا غالى
ملاحظه : حاول تذاكر ccna هتنظم تفكيرك بشكل رائع
الاخ الكريم waleedallam
شكرا علي كلامك
موضوع ال ADSL انا اشتغلت فيه لمدة سنتين و 3شهور دلوقتي ده بالاضافة الي شغل تاني اداري
مكانش فيه تخصص عندنا في الشغل كنا شغالين بنظام الكرة الشاملة بتاعت هولندا :D
طبعا النظام ده له مميزاته وله عيوبه ... بس في وقتها بالنسبة مكانش فيه مشكلة ابدا اني اشتغل 14 ساعة بعض الايام واني اشتغل في كذا مكان و كذا شغلانة لان نفسي كانت مفتوحة للشغل ايامها
وانا مفضلنتش مكاني علي فكرة انا اترقيت وبقيت ال Senior ADSL Technical Support اللي في الشركة
وخلي بالك انني لسه طالب في رابعة حاسبات ومعلومات جامعة القاهرة يعني لسه متخرجتش
عشان كده مكنتش لاقي وقت اني اخد CCNA بس ان شاء الله الفترة الجاية ممكن اخدها هي المشكلة كلها في الوقت مش اكتر
اما بالنسبة للمناقشة اتفضل قول اللي انت عاوزه وانا ارد عليك علي العام عشان الاستفادة تبقي للجميع ذي مانت قلت
ويشرفني انك تنتقدني او تصححلي معلومة انا كنت غلطان فيها
وشكرا علي كلامك مرة تانية
وعلي العموم ايمليي هو abdalla.atta@yahoo.com وبرجو من الاعضاء عدم اضفتي علي ال Yahoo Messenger اللي عنده مشكلة ممكن يبعتلي ايميل وانا هارد عليه ان شاء الله
------------------------------------------------------
من مواضيعي
ربنا يوفقك ان شاء الله يا بشمهندس عبد الله وتخلص على خير واعود واكرر انك لازم توجد وقت ان شاء الله لموضوع كورس ccna وبعد كدة فى حاجه متخصصه فى شغل ال ISP اسمها CCIP جامده اوى
اصلك خلاص اخترت مجال شبكات الروتنج والسويتشنج يعنى قبل ما تتخرج ان شاء الله المفروض معاك ccnp روتنج وسويتشنج
قول يا رب العبد فى التفكير والرب فى التديبر ان شاء الله والله ما هتلاقى الموضوع صعب ما دام حابب الموضوع
انا هحاول اشرح بالعربى على قد ما اقدر عشان الصوره توصل للكل
اول تعليق انك طول الفيديو بتقول على المودم tp link انه روتر مع انه مش بيعمل روتنج يعنى توجيه للداتا فى مسارات هو(الروتر) بيختارها وفق خوارزميه محدده سابقا وبروتوكلات معينه
الجهاز دا زيه زى كارت ال NIC اللى فى جهازك moduler بيحول الاشاره من حاله لحاله يعنى ازاى
الكرت اللى فى المزر بورد بيحول ال signal من 010101 الى اشاره تمشى فى كابل 8 طرف الى هو ال utp لحد ما توصل الى المودم ال tp link اللى بيحولها بدوره الى الى اشاره تمشى فى سلك التليفون اللى بيبعتها للديسلام
الديسلام برضه مش بيعمل روتنج لانه برضه بيجمع من كذا مودم و يبعت فى كابل فايبر مثلا مع وظائف تانيه وفق طبيعته ك multiplexer اللى معناه انى اشارتيين متخلفيين بيمشوا فى نفس الوسط اقصد اشاره الصوت الانلوج واشاره الداتا الديجتال
https://www.sino-telecom.com/ar/?p=3&a=view&c=20&r=12
المهم انه بيعت على مسار واحد محدد اللى هو الروتر اللى بيبقى فى رمسيس ودا بيكون سيسكو او جنبر وهو دا اللى بيعتبر gateway ودا اللى بيعمل روتنج
على فكره الاجهزة دى بتختار LLC لما تيجى تكونفجرها اللى معناه logical link control ودا layer 2 ال OSI
طبعا لاير 2 مش بيبقى عليه روتنج الروتنج بيبقى فى الاير 3 بس
كل السويتشات برضه فى لاير 2 وكل الروترات فى لاير 3 بس فى حاجه اسمها multi core switch ودى فى لاير 3 وبتعمل روتنج وفى حاجه اسمها IP-Dslam والجهاز دا بيمنج الاى بى من السنترال واعتقد انى لينك بتشتغل بيه اذا لم تخونى الذاكره
طبعا كده برد على نقطه تانى اللى هى الشركا كلها زى بعض لانى ال backbone واحد اه عندك حق بس كل شركه ليها اسلوبها فى معالجه السرعه اللى متعاقده عليها عشان اقصى استفاده والمعالجه دى بتكون فى نوعيه الاجهزة اللى بتشغلها فى السنترالات وعندها فى الشركه
اقولك على حكايه لما ظهر ال virtual ip وال adsl عموما جات شركه ايجى نت راحت باعتت واحد فنى جمع لها جهاز من السوق وراحوا ضربيين نسخه ويندوز 2000 سيرفر وراحوا مشغاليين الجهاز راديس سيرفر بيدى العملاء يوزر وباسورد
تخيل بقى الكارثه اللى كنا عايشين فيها من وقوع الراديس كل شويه شركه بتشترى سيرفر ب 2 الف وشركه بتشترى سيرفر ب 70 الف
لو انت شغال من فتره اخى عبد الله كان فى ديسلامات بتدى sdsl اسمها كونكلن كانت حاجه يجيرك الله
كمان اتجاه الشركات العام فى مصر انها تتعامل مع هوواى دا برضه حاجه كويسه ووحشه انا بصراحه مش قادر اقيم اجهزة هوواى يعنى هى رخيصه وبتشتغل بس ساعات تلاقى جهاز يطلع عينك
لو هتقارن اجهزة هوواوى باجهزة دى لينك او سيسكو مش من حيث السعر طبعا اكيد هتفرق
اعتذر عن اسلوبى الركيك فى السرد واوصل التعليق ان شاء الله بعد البشمهندس عبد الله ما يرد ان شاء الله
الاخ الكريم
انا متفهم تماما كلام الخاص بان حاجة ذي ال تي بي لينك اسمه DSL Modem مش روتر بس خلينا نتكلم علي مستوي الناس العادية اللي ملهمش اي خبرة في مجال الشبكات كعلم ذي الناس اللي شغالين موزعين ADSL او الناس المستخدمين العاديين اللي يهمهم انهم يعرفوا يشغلوا الانترنت عندهم وخلاص وهما دول الفئتين اللي كنت باستهدفهم لما عملت الفيديو
لاني مكنتش بستهدف اي حد متخصص في مجال الشبكات
اما الدسلام فانا غلطت وقلت عليه انه روتر وبصراحة انا مكنتش اعرف انه مبيعملش روتنج بس كنت عارف انه بيعمل Multiplexing فعلا ذي مانت قلت وعارف انه ممكن يقدم خدمات تانية ذي Packet Filtering + QoS +Priority Queue وكمان حضرت تركيب الدسلام في السنترال مرتين
انا فاهم كل الكلام اللي انت قلته عنه OSI Model بس فيه حاجة السويتشات اللي بتشتغل علي Layer2 and Higher Layers اسمها اللي انا اعرفه واللي قريته في كتب Sybex كان Multi Layer Switch او MLS
باقي كلامك كله منطقي وانا فهمه بس انا للاسف معنديش خبرة بشغل ISP لاني مشتغلتش في شركة كبيرة او ISP قبل كده
علي العموم ربنا يسهل واخد كورسات والدنيا تبقي حلوة
وشكرا علي المعلومات المفيدة
------------------------------------------------------
من مواضيعي
الله ينور عليك يا بشمهندس
انت كلامك صح اسمه Multilayer Switch
اتابع التعليق
حضرتك زكرت البريجين انا بس حابب انوه عليه باختصار انه لما بيبقى السنترال congested يعنى مخنوق مش مخنوق بادويث لا مخنوق خطوط ارضيه يعنى السنترال سعته 800 خط مثلا ومتركب من زمان وال800 خط خلاص خلصوا ولسه المقايسه الجديده مخلصتش (المقايسه دى عرض على الشركات والشركات تقدم عروض ماليه وعروض فنيه وبعد كدة حفر فى الشوراع وترمى كابلات وكاباين وبوكسات على الحيطه وغرف فى الشارع وبعد كدة المصريه تستلمه ) يعنى حوار بياخد سنيين
طيب ايه الحل --- الحل هو البيرجيين ودا جهاز من قطعتيين واحده عند الكبينه والتانيه عند البوكس ومعرفش بيركب تانى عند السنترال ولا لا المهم تلاقى عند الكبينه اجهزه سوداء كتير طالعه منها دا البيرجين وتلاقى جنب البوكس جهاز او اتنيين
بيشتغل ازاى بقى البيرجيين بياخد خط التليفون النحاس اللاتنيين طرف من عند الكبينه ويعلى الكهربا بتاعته و وبيطلعوا من عند البوكس عشر خطوط .. بيبقى فيهم تشويش وقرف بس مش مشكله اهو تليفون وخلاص الحوار دا كان بيتم لما كانت فيه قوائم انتظار فى التليفون تقدم عليه النهارده يوصلك بعد 7 شهور والله افتكر انى قدامنا على تليفون فى سنه 1990 وصل فى اواخر 1992
انا بقول الحوار دا ليه عشان اقول ليه البيرجين مينفعش يركب عليه adsl علشان الكهربا العاليه بتشتت اشاره النت حتى لو sdsl
بس الحمد لله البيرجيين اتلغى من زمان على الاقل فى السنترالات الكبيره لانه كان عامل صداع رهيب للشركه المصريه
انا حاسس انى طولت فى حاجه ملهاش لازمه بس معلش
انا بمشاركاتى بعبر عن رائى الخاص من واقع خبرتى الشخصيه فربما رائى خطا يحتمل الصواب ورايك صواب يحتمل الخطا خصوصا انى مش مهندس اتصالات
تحياتى
الله ينور يا هندسة قليل جدا من اللي شغالين في المجال ده يعرفوا المعلومة دي وفاكرين انه مجرد كابل منفصل بس مش نحاسي
كمل وانا معاك انت ماشاء الله عليك عندك خبرة كبيرة في المجال
------------------------------------------------------
من مواضيعي
الله يبارك فيك يا بشمهندس
اتابع التعليق
نجى على موضوع استخدام العادل وانى المرفق هو اللى عامل الموضوع دا من دماغه والشركات ملهاش دعوة او الشركات عادى مش فارقه معاها القرارت
اختلف معاك بعض الشئ بل كل الشئ
اولا لو فى عدل وقانون فى بلدنا وزير الاتصالات يتحاكم فى الموضوع دا لانه باختصار سرقه علنى عينى عينك انا متعاقد على ميجا مثلا ووفق المعايير الدوليه ووفق نظام ال adsl فى العالم كله انها بتدينى 128 كيلو دونلود و 32 كيلو ابلود طبقا لستاندر ratio1:8
يبقى ازاى انت تخالف المعايير الدوليه وتدينى 40 كيلو دونلود عشان مش عارف تسيطر على الوصله
اقولك انى الحكومه لا تهتم اساسا بالموضوع الا بتحريك من الشركات والدليل وصلات الدش وانتشارها على مستوى اقتصادى ودا ليه تفسير لذيذ اوى
المتضررين من الدش شركات مش مصريه ولا تودى ضغط على الحكومه كما ينبغى لذلك تلاقيهم كل شويه يعملوا كام قضيه لبتوع وصلات الدش وخلاص لكن الموضوع اصبح مشروع اساسى مصرى (اومال الشيخ كامل باع من شويه )
يبقى ايه اللى بيحصل فى النت اقولك
الحكومه رفعت تعريفه كابلات الفيبر والمساحات فى السنترلات والكهربا ال AC وكل حاجه الشركات بتتاجرها واجبرتهم انهم ينزلوا
سعر اللانترنت على حسب المعايير الدوليه طبعا الشركات خسرت الجلد والسقط واستلفت من البنوك واصبح الموضوع غير مجزى بالمره يبقى ايه تتباع بقى وجات شركات المحمول كطوق النجاه لشركات الانترنت فودافون راحت دايسه على رايه و اتصالات راحت مشتريه ايجى نت ونايل اونلاين وموينيل الشهيره بام نبيل كدة كدة مفيش فرق بينها وبين لينك ماهم نفس الاونر owner سايقا الحج نجيب ساويرس الله يديله العافيه
طبعا خدمات الجيل التالت مينفعش من غير داتا يبقى لازم شركات نقل داتا تدخل الليله تبقى الخناقه اصبحت مع شركات المحمول القويه على الاقتصاد وذات الاستثمار ابو مليارات واللى مينفعش حد ينفع يبق معاهم
المشكله جات ازاى دلوقتى تى داتا المملوكه بالكامل للمصريه للاتصالات التى تملك نسبه ليست بالقليله فى فودافون مصر ونسبه معقوله فى موينيل اخده 70 فى الميه من الباندويث اللى داخل مصر وكل الشركات اخده 30 فى الميه طيب الشركات توفر ال backbone بتاعها للمحمول اللى ساعته بخمسه جنيه (اعذرنى مش عارف الاسعار بالظبط )
ولا ياخده المواطن اللى بيطلع عين ام الشبكه ب 95 فى الشهر ويطلعهم ويكسب عليهم من الوصلات
اعتقد الفكره وصلت
واعتقد والله اعلم انى القرار بتاع الاستخدام العادل هيتلغى قريبا مش عشان المظاهرات لانه اولا مش دستورى واكيد فى محاميين كتير فاضيه وبترفع قضايا وعشان الخطوط اللى جايه من البحر دى هتوفر باندويث محترم هيخلى النت يرخص كمان وكمان لدرجه انه هيبقى ارخص من الوصله واعتقد انى خط اسكندريه مارسليا بتاع المصريه حاليا تحت التشغيل التجريبى يعنى قرار الاستخدام العادل مجرد حل وقتى لمشكله صاحبها مينفعش تقوله غير حاضر ونعم يا سيدى
وهو دا الحل الجزرى للوصله انهم يرخصوا
بس الموضوع مش هيعدى كدة لازمه له دباجه سياسيه بمعنى انى حد من المعلميين الكبار تحديدا فى الحزب او فى الرئاسه يطلع يقولك استجابه للشعب المصرى الغلبان اللى عامل مظاهرات ليه كام شهر قررنا انى نلغى قرار الوزير او نلغى الوزير نفسه لانه خالف الدستور ويجيب واحد تانى يلغى القرار اتوقع الكلام دا قريبا ممكن قبل انتخابات المجلس او بالكتير قبل انتخابات الرياسه
انا عاوز اعرفك انى ال48 عميل مش بيخدوه 32 ميجا ولا حاجه انا اللى اعرفه انى ساعات الميجا الواحده بتاخد 60 عميل
انا بتكلم على الميجا ال dedicated المفروض تتوزع shared يعنى على 16 عميل هم بيخلوها تشيل 60 عميل تخيل
تحياتى
الاخ الكريم :
ان عارف ان اللي قلته في الفيديو في الجزئية الخاصة بسياسة الاستخدام العادل للانترنت معجبكش ناس كتير ومنهم اصحابي وزملائي في الكلية بس دي حاجة انا مقتنع انها صح لاني شفت الموضوع من وجهة نظري كمستخدم وايضا من وجهة نظري كمقدم خدمة
انت كلامك مظبوط بس للاسف انا مش هاقدر اناقش معاك الموضوع ده بشكل موسع لان كلامي محسوب عليا كموظف شغال في شركة مقدمة خدمة
بالنسبة لستاندرد 8-1 هو مش معيار او مقياس هو مجرد حسبة بسيطة
البايت = 8 بت
يبقي لما خد خط سرغته محددة 1024 كيلو بت في الثانية يعني =1024 كيلو بت
برامج الدونلوود بتحسب سرعة التحميل بالكيلوبايت في الثانية مش بالكيلو بت في الثانية وبالتالي
سرعة التحميل بالكيلو بايت = "سرعة خط الانترنت بالكيلو بت / 8 "
يعني ال 512 تديني تحميل 64 كيلو بايت
وال 1024 تديني تحميل 128 كيلو بايت وهكذا
ونفس الكلام بالنسبة للابلوود
ده بافتراض ان جودة كابل التليفون 100 % وان مفيش اي مشاكل في اي جزء من اجزاء الشبكة
بالنسبة لفكرة ال Shared bandwidth هو ده اللي بيحصل فعلا ذي مانت قلت ومش هانكر ان احنا عملناها مرة قبل كده بس كانت لمدة سنة مؤقتا لان المصرية للاتصالات كانت رافضة تديلنا تصاريح بالباندويدث الجديد والعملاء كانوا بيضغطوا علينا عشان نرفعلهم السرعات ولما كنا بنرفض كانوا بيزعلوا ويروحوا يشتكونوا لل NTRA مع ان مكانش فيه سرعات عشان نديهاهلهم اصلا بس هما للاسف مكانوش فاهمين
علي العموم العميل علي حق في كل الاحوال وانا شغلي اني اتاكد ان العميل راضي عن جودة الخدمة مهما حصل
وربنا يسهل والاوضاع المايلة اللي في مصر تتصلح او احنا نسافر ونريح دماغنا
بس اوعي تعد المووضع ده عليا غلطة :D انا كنت بتكلم وانا مقتنع بوجهة النظر دي تماما وقتها
------------------------------------------------------
من مواضيعي
لا يا غالى مش غلطه ولا حاجه وانا بتناقش معاك لمجرد الاستفاده ليا وليك وللجميع و مش بنمسك غلطات على بعض لا سمح الله
وانت لو تلاحظ انا مش موجود فى مصر اساسا يعنى لا بطبق موضوع الاستخدام العادل ولا بيطبق عليا بس هو موضوع ينرفز
اساسا هو دا اللى مخلينى محتد فى الكلام لانى المفروض انك كحكومه انت اللى تدور على حق الناس مش انت اللى تضيعها
ولكن ما علينا الله المستعان
انا مقتنع معاك بنظريه البايت والبت بس حضرتك تفسر بايه انى ممكن ارفع ال Ratio بتاع الخط من 1:8 الى 1:4 او 1:2 يعنى اخلى الابلود ربع الدونلود او نصه ؟؟
وسيبك من الكلام اللى بتشوفه فى المودم انى الخط لاقط 1024 او 1026 زى المودم بتاعك ما كان جايب فى الفيديو انت لو عاوز تكتب حسبى الله ونعم الوكيل فى الديسلام هتظهر زى ما هى فى المودم ولكن قياس الباندويث الحقيقى بيكون بالدونلودحسب ال Ratio اللى انت متعاقد عليه
هو بس فيه حاجة عشان الناس اللي بتقرا المووضع متتلخبطش
ال Ratio ما بين الدون ستريم والاب ستريم مختلف تماما عن ال Ratio ما بين الدون ستريم وسرعة الدونلوود الفعلية علي IDM مثلا
اللي كنت بتكلم عنه في موضوع البايت والبت هو ال Ratio الثاني مش الاولبالنسبة للاول فيه شركات ذي نايل اون لاين بتدي Ratio 1:2 يعني دونلوود 512 ابلوود 256 مثلا ودي حاجة مش موجودة غير في كام شركة بس في مصر لان الغالبية العظمي ال Ratio يه بيبقي 1:4
وانت كلمك مظبوط لان اوقات كتير وذي مانت شفت في الفيديو كان كاتب 1024 وهي السرعة لاتزيد عن 512 اللي بيحدد السرعة الحقيقة فعلا هو السرعة القصوي للتحميل
انا شفت واحد عنده الدون ستريم علي الروتر 22210 كيلو بت في الثانية :D
اقصي سرغة تحميل عنده كانت 32 كيلو بايت في الثانية
اللي نفسي اعمله فعلا اني اعمل Configuration ل DSLAM دي اللي معملتهاش قبل كده ابدا لما كنا بنركب في السنترال كان الفني بتاع الشركة الام بيجيب الدسلام متظبط جاهز
ربنا يسهل ونعملها قبل ما نموت
------------------------------------------------------
من مواضيعي
ما هو يا غالى انت لو سمعت كلامى وذاكرت ال CCNA ووراها ان شاء الله CCIP هتلاقى روحك بعد الكليه بتشتغل فى شركه محترمه بمرتب محترم لانى يا اخى الكريم فيه خريج زيك ومعاه الشهادات دى ياخدك انت ولا يخدوه هو وخلى بالك خبرتك مش هتفرق معاه غير بسيط جدا لان مش هى دى الخبره اللى عاوزه تاخدها
هو عاوزك فاضى وهو يشكلك زى ما هو عاوز بس مش فاضى من العلم... اقولك ازاى .هتلاقى روحك قعدت فى الكوول سنتر فى الاول وبتاخد مكالمات وواحد بيقولك الماوس مش راضى يتحرك او تكونفجر مودم مع واحد يطلع عينك او الاعطال العاديه من فئه انك ترسترت البورت مثلا بعد كدة تطلع على التركيبات تعيش وسط الديسلامات اللى مش عارفيين يودوها فيين ووسط كابلات التليكو ووسط الكروت بتاعت الابجريد وتلاقىها ورشه نجاره مش شركه محترمه لذلك القسم دا تلاقيه بره الشركه او فى البدروم جنب المخزن تفهم الاجهزه تمام تقوم طالع مع الفنيين بس تطلع عليهم سينيور مش فنى زيهم معاك لابتوبك والشريحه والدونجول بتاعت النت والتليفون البيزنس وتشوفلك حته بعيد عن الشمس او تحط ايدك معاهم عشان تتعلم وتشوف مشاكل التركيب عشان اما تكبر تبقى ترحم الناس دى عشان بيطلع عينها
بص التركيبات تنقسم الى قسميين
1- تركيبات ال DSL عموما ودول بيبقى اللى لسه جداد او لم يظهر كرامه فى الشغل بيخلوه فى القسم ودول اكثر الناس بس كبير الشفت بيبقى معلم
3- تركيبات النتورك نفسها اللى بيركبوا فى السنترالات
قعدتك شهريين تلاته فى دا وشهريين تلاته فى التانى تبتدى تظهر بقى مواهبك فى النتورك تقوم رايح على الروتنج ودا يا معلم تكييف وانتخه بس هو اللى بيزبط الكلام كله هتعلم بقى الاجهزة دى بتفكر ازاى وازاى بتمشى الداتا وهناك بيعملوا ال IP Range
تفهم هناك كل حاجه خاصه بالشبكه كسوفت وير لو اظهرت براعه وكرامه تقوم رايح بقى على
-تركيبات Frame Relay ودول اللى بيركبوا شغل المناقصات و دواير المعلومات (بنك-ATM-مصلحه حكوميه) بيبقى فيها سيسكو بقى وخط ربط اربعه فرعه وسيرفرات ودول بيبقى تمام التمام وكلهم معلميين وهم الفاكهه فى اى مكان
هو دا المكان اللى اتمنى اشوفك فيه وعموما مش كل الشركات بتشتغل كدة بس يعنى نظره عامه
انا بحكيلك عشان اشوقك واحفزك انك تاخد موضوع الشهاده بشكل جدى لانى الشهاده هى اللى هتنظم نفكيرك وتخليك تفهم لغه الناس دى ومتقعتدش تسال دا اسمه ايه ودا وظيفته ايه وكده يعنى ربنا يوفقك ان شاء الله
كمان ال CCNA لوحدها ملهاش لازمه لو قدرت يكون معاها CCNP او CCIP
تحياتى
ربنا يسهل ان شاء الله
المشكلة كده مبقتش وقت وخلاص الموضوع كده محتاج شوية فلوس
انا عامل حسابي اني احوش واعمل جمعية واخد قرض من البنك عشان اجمع حوالي 1500 دولار اخد بيهم A+, N+,CCNA,MCSE بس انت كده هتخليني ابيع البيت واشوف موضوع CCIP
بس انا لما دورت علي النت لقيت انها مش امتحان واحد دول 4 امتحانات ولسه معملهم تحديث من فترة قريبة
642-902 ROUTE
642-642 QOS
642-661 BGP
642-611 MPLS
هو انت خدتها يا وليد ولا لسه ؟؟؟
ياريت لو خدتها تديني شوية معلومات عنها عشان انا كده بدات افكر جديا اني اخدها بعد ال CCNA ان شاء الله
------------------------------------------------------
من مواضيعي
بص يا عبد الله انت عديت مرحله ال A+ ال N+ وشغل ميكروسفت مش بتاعك الا لو عاوز تشغل IT مش مهندس شبكات
ثانيا بالنسبه للفلوس ربنا يعينك فعلا لانى الموضوع مكلف بس هضطر للself study عشان كمان احسن وبتنمى عندك مهارات تانىه
بس فى حل انك تاخد ال NA ولو دورت على مركز كويس ليك فيه معرفه هتمتحن ب 950 جنيه ولا تسمع كلام 1200 ولا 1500 لانى خلى بالك المركز من حقه تخفيضات لحد 20 % وبعد كده تاخد تراك ولا اتنيين من IP وافضل تراك الbgp ثم تراك mpls والباقى بعد ما تشتغل ان شاء الله دا لو انت راسم على ISp بس خلى بالك من حاجه يا عبد الله انت مش اتصالات انت حاسبات ومعلومات صح ؟؟؟؟؟؟؟؟؟؟؟
لو ناوى على IT يبقى ccna ثم mcitp وانسى خالص حوار mcse على شويه برمجه على شويه ويب على شويه صيانه هارد وسوفت ويمشى الحال بس خلى بالك السوق مليان لانى الموضوع دا الخبره فيه احسن من البكالريوس فتلاقى معظم اللى شغاليين فيه مش هندسه زى انا كده
طبعا لو ناوى على السفر زى برضه انا ما عملت.... يبقى اتخصص فى حاجه واحده يا سيسكو يا ميكروسفت يا اوركل يا برمجه وهتلاقى شغل بالعبيط فى الخليج الناس بتقدر الهندسه والشهادات والخبره اووى وهم متقدميين علينا فى فكر التكنولوجيا بمعنى ان ممكن تلاقى مدرسه فيها 20 او 30 جهاز وتلاقيهم مربوطيين بسيستم ب60 او 70 الف ريال سيرفر+نسخه +سيسكو 2800 مثلا + اوضه فيها راك وتكييف او اتنين ويتعاقد مع شركه تركيب السيستم ويتعاقد مع واحد IT كل دا على 30 جهاز تساله يقوله انا بعمل للزمن
شغل ال voice over ip رهيب هنا وفرصه كتير جدا لانى هنا حتى الفلل تلاقى فيها سنترالات داخليه والجديد انها بتشتغل IP-PBX
وافايا ونورتل وسيسكو وباناسونك مطلوبيين هنا بالعبيط
انا بكلمك فى انى مفيش فرصه انك تبتدى كورسات بعد ما تخلص الكليه فلازم تحت مصيرك من دلوقتى ويا ريت ناس كتير يكونوا بيشوفوا الكلام دا وبالتوفيق ان شاء الله
تحياتى
ضوابط المشاركة
المفضلات