نتيجة الفصل الدراسي الاول .

[Sam45]

اخوي sam45 جامعة الملك فهد للبترول والمعادن تعطي شهادة معترف بها دولياً كما سمعت .
.

المعلومة أكيدة . هي الجامعة السعودية الوحيدة المعترف بها دولياً .

[mohamed2121]

ما شاء الله
ووفقق الله
وألف مبروك

[العمرين]

ما شاء الله

تبارك الرحمن

نتية مفرحة .. مبـــــــــــــــروك ...

[Eng:Reem]

ما شـاء الله تبارك الله ..

ألف مبروك أخوي عبدالعزيز , وعقبــال الفصل الدراسي الثاني ..

الله يوفقك .

[azzozy]

مشكورين اخواني الله يسلمكم .

[O b a i d]

ما شاء الله تبارك الله عليك يا عزوزي

الله يوفقك وتجيب الأول إن شاء الله في الفصل الثاني.

[azzozy]

هلا اخوي obaidmhmd شكراً لك .

[Smart1991]

ما شاء الله لا قوة إلا بالله

نتيجة رائعة .. ألف مبروك

إن شاء الله تطلع من الأوائل على مستوى المملكة في الفصل الدراسي الثاني ..


بالتوفيق

[64bit]

ماشاءالله والله يتمم لك على خير.

بالنسبة لجامعة البترول ماظن انها الوحيدة المعترف بها الان عندك كلية الامير سلطان واليمامة ومحمدبن فهد.

اما من ناحية قسم هندسة الحاسب في البترول فلي شخصيا ملاحظات علية (بحكم التخصص) منها قلة مواد التخصص بالنسبة لعدد الساعات المعطاة 66 تقريبا من 130 ساعة دراسية حتى التخرج يعني مانسبة تقريبا 50.7% .

في جامعة الملك سعود 104 تقريبا من162 ساعة يعني مانسبتة64% وتلاحظ ان عدد الساعات اكثر في جامعة الملك سعود.

في البترول يتخرج الطالب قوي في الإنقيلزي.
يتخرج الطالب وهو نظامي يحب النظام.
في البترول الحضور الساعة 7.30 والانصراف الساعة 5.
في البترول 15% غياب تعني حرمان من دخول الاختبار .
حط في بالك انك بتقيم في الشرقية بعيد عن اهلك خمس سنين.

عموما انا دائما أردد "لاتقولي خريج اي جامعة انت! ولكن ورّني وش عندك"

الامر في المقام الاول يعتمد على الطالب نفسه مثلا جامعة الملك سعود الي تعاني نوع من التسيّب مقارنة بالبترول
تخرج من هذه الجامعة الدكتور خالد الغنيم مدير شركة العلم ورئيس جمعية الحاسبات السعودية سابقا وهو بحق فلتة.والي مايعرف هالدكتور يسأل عنه...

ملاحظة اخيرة جامعة البترول على ما اذكر لاتهتم بنسبة الثانوية بقدر اهتمامها بالرام2
والقياس فوق السبعين بالمائة.

جامعة البترول ممتازة لكنها بعض الاحيان تاخذ اكبر من حجمها الحقيقي.

اشوف اني طولت الكتابه شوي لكني حبيت انصحك وعشان الى رحت هناك ماتتفاجئ..
وبلى من كثر ماشوف من الي يرجعون بعد اسبوعين من الدراسة هناك....

عموما احسبها صح واستشر ثم استخر بالله
والله يوفقك

[VISTA]

السلام عليكم ورحمة الله وبركاته
أخي عزوزي ماشاء الله تبارك الرحمن
الف مبروك <<< متأخرة شوي :p
وفقك الله وسدد خطاك

أخي
64bit
بما أنك فتحة موضوع هندسة الحاسب
ممكن تقولي ماهي الوظائف الخاصة في قطاع هندسة الحاسب المتوفرة بالسعودية
يعني عندما اتخرج ماذا سأتوظف
وجزاكم الله الف خير

[ابونواف]

السلام عليكم

ماشاء الله

نصيحه لله من اخ اكبر خل عنك البترول وخل عنك جامعات ابو عرب من الخليج الى المحيط

وخل معهم امريكا

ارامكو عندهم برنامج ابتعاث ممتاز وخاص الى جامعات في اليابان والصين وكوريا

https://www3.aramco.com/Arabic/saudis_scholarship.htm

[azzozy]

جزاك الله خير اخوي 64bit على النصائح ..
وانت في اي جامعة درست ؟

اما من ناحية قسم هندسة الحاسب في البترول فلي شخصيا ملاحظات علية (بحكم التخصص) منها قلة مواد التخصص بالنسبة لعدد الساعات المعطاة 66 تقريبا من 130 ساعة دراسية حتى التخرج يعني مانسبة تقريبا 50.7&#37; .

في جامعة الملك سعود 104 تقريبا من162 ساعة يعني مانسبتة64% وتلاحظ ان عدد الساعات اكثر في جامعة الملك سعود.

بصراحة .... مافهمت !!

في البترول يتخرج الطالب قوي في الإنقيلزي.
يتخرج الطالب وهو نظامي يحب النظام.

هذا المطلوب .

في البترول الحضور الساعة 7.30 والانصراف الساعة 5.

بما اني ساعيش بعيداً عن اهلي فلا مشكلة في هذا .

في البترول 15% غياب تعني حرمان من دخول الاختبار .

فعلاً الي يغيب 15% هذا انسان لايستحق الدخول الى الاختبار .!

حط في بالك انك بتقيم في الشرقية بعيد عن اهلك خمس سنين.

يكفيني اشوفهم كل شهر مرة .. ،،

جامعة البترول ممتازة لكنها بعض الاحيان تاخذ اكبر من حجمها الحقيقي.

ممكن توضح ..؟

اشوف اني طولت الكتابه شوي لكني حبيت انصحك وعشان الى رحت هناك ماتتفاجئ..
وبلى من كثر ماشوف من الي يرجعون بعد اسبوعين من الدراسة هناك....

عموما احسبها صح واستشر ثم استخر بالله
والله يوفقك

مشكور اخوي واذا عندك اي نصائح اخى لاتبخل علي ..
لكني مقتنع بالجامعة وهي الهدف .

ارامكو عندهم برنامج ابتعاث ممتاز وخاص الى جامعات في اليابان والصين وكوريا

https://www3.aramco.com/Arabic/saudis_scholarship.htm

مشكور اخوي لكن المشكلة اني لا استطيع العيش في مجتمع اجنبي !!
ولو اني اعشق التقدم الي عندهم واكره التخلف الي عندنا لكن لا استطيع !
على كل حال اذا عندك معلومات اكثر عن ارامكو ((دراسة محلية )) ارجو ان تزودني بالمعلومات .

[zwawy]

ماشاء الله مبروك أخى عزوزى ونريد 100&#37; فى الفصل الثانى إن شاء الله.
بارك الله فيك فضلاً وعلماً..

[كازوها]

ماشالله تبارك الله ..عقبال الترم الثاني..
اهم شي نفسيا تكون مرتاح الوزارة ما تخرع ولا شي
وعلى جامعة البترول ..فماشالله انت قدها وقدود..

[QUOTE=azzozy;309865][B]بما اني ساعيش بعيداً عن اهلي فلا مشكلة في هذا .
ايه هين اجل أذكرك..

[64bit]

أخي
64bit
بما أنك فتحة موضوع هندسة الحاسب
ممكن تقولي ماهي الوظائف الخاصة في قطاع هندسة الحاسب المتوفرة بالسعودية
يعني عندما اتخرج ماذا سأتوظف
وجزاكم الله الف خير

الحقيقة خريج هندسة الحاسب في السعودية والعالم العربي يعاني شح في توفر الوظائف المناسبة لمادرسه
يعني انك تتوظف وظيفة خريج كلية الحاسب(علوم احاسب,نظم معلومات,تقنية معلومات او ربما حتى هندسة البرمجيات) او هندسة كهربائية.

فية شركات مهتمة بخريجي هندسة الحاسب بالذات لكنها قليلة مثل شركة اللإلكترونيات المتقدمة

يعني الوظايف في قطاع هندسة الحاسب بالذات قليلة
اتمنى اني افدتك

جزاك الله خير اخوي 64bit على النصائح ..
وانت في اي جامعة درست ؟

جامعة الملك سعود

اقتباس:
اما من ناحية قسم هندسة الحاسب في البترول فلي شخصيا ملاحظات علية (بحكم التخصص) منها قلة مواد التخصص بالنسبة
لعدد الساعات المعطاة 66 تقريبا من 130 ساعة دراسية حتى التخرج يعني مانسبة تقريبا 50.7&#37; .

في جامعة الملك سعود 104 تقريبا من162 ساعة يعني مانسبتة64% وتلاحظ ان عدد الساعات اكثر في جامعة الملك سعود.

بصراحة .... مافهمت !!

اعني انك في الجامعة ستدرس
1) رياضيات وفيزياء وكيمياء وتربية اسلامية ولغة عربية ومهارات اتصال وغيرها
2)ومواد في صميم التخصص مثل الدوائر الكهربائية والإليكترونية و التصميم الرقمي وعمارة الحاسبات والميكروبروسيسر
و تراسل البيانات والشبكات وغيرها ولغات البرمجة ايضا

يعني في جامعة البترول راح تكون 49% تقريبا من الدراسة في الفقرة 1
و 51% من الدراسة في الفقرة2
اضف الى ذلك ان المجموع الكلي لما ستدرسة 130 ساعة

في الملك سعود 36% من الفقرة 1
و64% من الفقرة 2
والمجموع الكلي لساعات الدراسة 162 ساعة

لنظرة اقرب هذه خطة البترول COE (COmputerEngineering)i
https://www.ccse.kfupm.edu.sa/coe/pr...oe-bs-new.html

وهذه خطة الملك سعود
https://colleges.ksu.edu.sa/ccis/mem.../b-ce-plan.htm

طبعا المناهج في الجامعتين بالانقليزي لكن جامعة البترول اظن اجباري ان الدكتور يشرح بالانقليزي
اما في جامعة الملك سعود على كيف الدكتور (بس المهم ان تكون الاختبارات والمناهج بالانقليزي )

اقتباس:
جامعة البترول ممتازة لكنها بعض الاحيان تاخذ اكبر من حجمها الحقيقي.

ممكن توضح

يعني شف خطة جامعة الملك سعود وخطة البترول في هندسة الحاسب
وقارنها بسمعة خريج البترول بشكل عام مع خريج جامعة الملك سعود بشكل عام

مشكور اخوي واذا عندك اي نصائح اخى لاتبخل علي ..

دام انك تبي
اجل خذ وسع صدرك واستفد :
__________________________________________________ _
على خبري انك ماتقرأ اكثر من 15 سطر وهذي مادري كم سطر لكن اقراها...
__________________________________________________ _

دائما ما فية في النصايح مثل القصص الواقعية والتي تكون حدثت للناس فخذ هذي القصة الي صارت معي::

واحد من الشباب(وهو خريج الثانوية العامة العام الماضي1427 بنسبة فوق 96)وقياس فوق 85

كان يقول ان جامعة الملك سعود ماتنفع بقرش (H) ما احد يعترف بها حتى بنقلادش Con: ومافية مثل البترول
وانه رايح البترول الله لايعوق بشر وتخصص هندسة حاسب بعد.

من ناحيتي بيّنت له مزايا جامعة البترول وعيوبها من وجهة نظري وان الطالب الجيد هو اللي يصنع نفسه بنفسة والجامعة عنصر مساعد...
واذكر اني قلت له عن الدوام وعن اللغة بالذات.انه لازم يحطها في باله زين و
قلت له رح للجامعة وشفها وشف السكن حتى ترتاح نفسيا قبل ماتبدأ الدراسة قال لي لا ما يحتاج "انا بتزوج الجامعة حتى اشوفها قبل ما اروح لها :D "

المهم قدم عليهم وطلع له قبول مبدئي يخوله يدخل اختبار الرام 2 ودخل الاختبار وجاب فية درجات حلوه..وقبلته الجامعة واشوي ويطير من الفرح
باركت له وقلت له الله يعينك وشد حيلك في هالصيفية انقليزي عشان ماتاكل لك هواء اذا بدت الدراسة.

قال لي لا ابي افلها بعد ثالث ثانوي وصراحة ما نيب فاضي للقلق والدراسة بالصيف
قلت له الجامعه شي والثانوي شي خصوصا وانك تبي هندسة حاسب وتبي فيها معدل بعد.المهم كان معنّد الا يبي يفلّها .

قضت العطلة وبقي على الدراسة اسبوع دقي علي يقول تخاوي للشرقية :frnd" اعتذرت منه وكنت مشغول بس اشوى لقى له احد يخاوية للشرقية.

بدأت الدراسة وحضر اليوم الاول ماعجبة الوضع قال ماهي مشكلة يومين ونتأقلم مع الوضع

مادري الا واللى يدق علي الاسبوع الثاني يوم الاحد قبل المغرب

هو:"الو السلام عليكم"

رديت علية:"هلا والله بفلان هلا بالمبترلين :p (نسبة الى جامعة البترول) بشر كيف الوضع معك عساك مرتاح"

رد:"اي مبترلين والله المزفتين ابي اترك الجامعة واحول لجامعتكم وش الطريقة "

رديت علية:"افا مااتفقنا على كذا"

رد:"والله هالجامعة ما ينقعد فيها ولا يوم واحد تدري ان السكن اللي مسكّنينا فية من بقايا الحرب العالمية الثانية"

رديت عليه:"وش عليك من السكن ضاقت الا في السكن اذا ماعجبك دوّرلك سكن برا الجامعة وقضينا"

رد:"لو هي على السكن كان تهون هالطلاب اللي اعوذ بالله مادري وشلون قايلين
ماينادوني الا يالبدوي (تراه مهب بدوي-مع احترامي للبدو-) ابي افهمهم اني مانيب بدوي يقولون لي لا انت جاي من الرياض يعني بدوي"

رديت:"وش عليك منهم بدوي والا حضري والا طرش بحر انت رايح تدرس والا تمشّى"

رد:"يابن الحلال الجامعة ذي ماتصلح لي كل ماطلع دكتور دخل دكتور ولا يخرط الا انقليزي وانا فيهم زي الاطرش في الزفة مادري وش يقولون الا يس و نو و اولرايت"

بغيت اقوله اني قايلك ادرس لك في الصيفية انقليزي بس ماحبيت ازيد همومه
رديت علية:"يابن الحلال ماعليك شد حيلك شهر وتشوف النتيجة"

رد:"اقول لك الجامعة ذي ما تصلح لي انت تدري ان اجازة اليوم الوطني (كانت يوم السبت)
بيعوضون مكانها يوم الخميس ودوامنا من سبع الى خمس"

رديت:"طيب انا قايل لك عن دوامهم ان من سبع الى خمس واجازة اليوم الوطني مافرقت كلها يوم واحد"

رد:"اقول مالي قعدة في هالجامعة شف وش الطريقة للتحويل عندكم ااسحب ملفي والا وش الطريقة"

مراعاة لمشاعرةقلتله:"خير ان شاء الله اشوف لك لكن لو تبي رايي اقعد في البترول احسن لك"

رد:"ايه خير ان شاء الله تكفى بس شف لي التقديم على الملك سعود وشلون زين!"

رديت:"زين!
رد:"يالله مع السلامة"
رديت:"في امان الله"

قبل بد القبول في جامعة الملك سعود للفصل الثاني هذي السنة قابلت خويي
وسألته: "هاه هندسة حاسب ان شاء الله"
رد علي:"اي حاسب خلاص كرهت شي اسمه دراسه ان شاء الله علوم ادارية وتخب"
قلت له:"حرام عليك نسبتك حلوة والقياس حلو وتروح علوم ادارية "
رد:"اصلاً احس اني اهوى الإدارة ودراستهم فلة احسن اني اببدّع فيها"
قلت له:"زين بدع على راحتك بس الله يوفقك"

بدا الدراسة قبل اسبوع
و ابشرك الوضع حتى الان ماشي زين
_______________________________________________
_______________________________________________

لكني مقتنع بالجامعة وهي الهدف .

دام انك كذا اجل انصحك بثلاث:-

1)اذا حصل لك قبول في الجامعة اخر شي تفكر فية انك تتركها

2)تطلّع على المواد اللي بتدرسها في الكلية وتقرأ عن المواضيع اللي تتحدث عنها حتى يكون عندك معلومات ولو بسيطة عنها
ايضا تذهب للجامعة هناك تطّلع على مباني الجامعة والسكن.

3)زد مهاراتك في اللغة الإنقليزية قبل بدأ الدراسة يعني قو انقليزيتك اقصى ماتستطيع
اذا بدأت الدراسة في الجامعة راح تذكرني بخير ان شاء الله