أنا مينفعش أشترك في فاتورة شهرية عشان أنا عندي نت في البيت و جايب ال USB لوقت التنقلات فقط
أنا برده جبت Vodafone بس مش باستخدمه كتير لأني جبته علشان كنت رايح مطروح و كانت الشبكة كويسة هناك
و بالنسبه لنظام الشحن أنا شايف ان الفاتورة الشهرية أفضل بكتــــــــــــــير
لأنك بتدفع 45 جنيه و تاخد 500 ميجا
ان شاء الله لما سعر الميجا يقل بعد كده هايكون 100 فل و 14
انا فعلا محتاج سعرالميجا يقل لأني بادرس في القاهرة و انا من اسكندرية فهابقى معتمد عليه اعتماد اساسي
بس عندي سؤال
المواقع المجانيه دي بيتحسبلها استهلاك ميجات في البرنامج ولا لأ ؟؟؟
انا بتهايئلي بيتحسبلها ودا عيب يا رب يتصلح قريب
و موضوع هايل
بالتوفيــــــــــــــــــــــــــــــــــــــــق
أنا مينفعش أشترك في فاتورة شهرية عشان أنا عندي نت في البيت و جايب ال USB لوقت التنقلات فقط
^^^^^^^^^ شبايدر أنت فهمت غلط.
- هما بياخدوا كل شهر 43 جنية لما حضرتك تشحن يعنى مش بيوصلك على البيت اى فواتير ، لو مشحنتش مش هيججدوا الأشتراك بس هو دة الموضوع.
- أنا من رأى أن كدة أفضل عشان هتاخد 500 ميجا اللى هما أصلا زى قلتهم انا قعدت شوية وفتحت موقعين تلاتة عملوا 11 ميجا مع أنى لاغى كل الصور !!!
[CENTER][B][SIZE=2]You think that you're strong, but you're weak[/SIZE][/B]
[/CENTER]
المشاركة الأصلية كتبت بواسطة Coolman4now
أية دة أية دة .... طب ممكن براحة :eek:
أصل أنا شغال تصفح و كنت شاحن ب 50 و لقيت رصيدي 6 جنية :mad:
مع أني معظم التصفح كان Facebook - Gmail - Arabhardware
ممكن يا فادي تقولي أية سم الباقة دي
هي ديه ميزة البرنامج الى جاي مع موبينيل
بيعمل Compressing جامد لاى حاجة بتتحمل وبتقلل حجمها
كنت عايش بكارت 100
ع Facebook- Arabhrdware- Rwa2aN - Gmail- Hotmail - Yahoo ومواقع تانية كتير غير الماسنجر بتاع الهوت ميل الى فيه اكتر من الف واحد الى اصلا بيسحب ترافيك لوحده عالي والحمد لله روحت من المصيف معايا منه يجي 20 جنية
وكنت بعد كتير يعني حوالي ساعتين ف اليوم كدا متقطع وايام كنت بعد اكتر
- أنا مسألتش على أسمها :D
- البنوتة اللى كانت فى فودافون قالتلى ياأما أشترك فى النظام بتاعك اللى بكروت شحن فقط ، يا أما أشترك فى الشهر بفلوس وهم 43 جنية هيتسحبوا كل شهر من الرصيد اللى أنا بدخله بكروت شحن ، روح وأسأل عىلانظام دة لأنه بيديك 500 ميجا ب 40 جنية بس.
[CENTER][B][SIZE=2]You think that you're strong, but you're weak[/SIZE][/B]
[/CENTER]
أه عرفت ...
أسم الباقة Vodafone 59 و هي بتسحب منك 43 جنية فقط
و أنت بتشتري كارت الشحن عادي و تشحن ال USB و بعد كدة تدخل علي حسابك علي Vodafone.com.eg/data و تشتري الباقة .
والله كويس .
بس ال 500 ميجا ليهم صلاحية شهر . يعني لما الصلاحية تخلص الميجات هتضيع .
أن شاء الله لما أشحن المرة اللي جاية هعملها بس عشان أنا دلوقتي :
:D:D:D
على فكرة فى السعودية ارخص بكتير متقسمة فئات
1 جيجا للشهر = 100 ريال = 148 جنيه مصرى + ميجا زيادة =2 ريال =3جنيه مصرى
5 جيجا للشهر = 200 ريال = 299 جنيه مصرى + ميجا زيادة =2 ريال =3جنيه مصرى
لا محدود = 350 ريال = 518 جنيه
و اديك شايف السرعة + التصفح و الفيديو مفتوح التحديد فقط للتحميل up or down
و لعلمك مرة وصلت ل 3.58Gbs
:p
:p
:p
Cypher أنا بدفع 43 جنية و أخد 500 ميجا
بلنسبة للسرعة = :D
فعلا على كلام الأخ فادي النظام الدفع الشهري احسن بكتييير
سبحان الله وبحمده ، سبحان الله العظيم
السلام عليكم
انا عندى Vodafone USB Stick
نفس الموديل اللى انت كنت عامل عليه شرح
انا لسه مشغله من يوم الاحد اللى فات يعنى بقالى اسبوع
والسرعه كانت عاليه جدا بطريقة فظيعه
يعنى كنت بشغل اى فيديو على اليوتيوب من غير ما استنى انه يحمل
وفجاه من يومين
السرعه بقت ضعيفه مش زى الاول خالص
وبقيت اقعد سنه عشان يفتح فيديو
وحتى السرعه بتبقى متفاوته
يعنى ممكن شويه تعلى شويه تقل
بس برضه مش بتوصل لقبل كده
انا مش عارف السبب فى كده ايه
انا لفيت كده وعمل شويه بحث وقريت الدليل اللى مع اليو اس بى
لقيت حاجه عن ان الشبمه بتغيير نوعها كل شوية
من 3G الى GPRS
اتمنى يكون عندك تفسير او حل
وانا فى كفرالشيخ
يعنى مش قاهره ولا اسكندريه
شريف الشيتانى
^
أعمل Disconnect
أدخل في البرنامج علي Manage Devices و بعدين دوس علي الجهاز اللي شغال بية و بعدين دوس Edit
بعد كدة أدخل في الخانة التانية فوق و أختار 3G Only بدل 3G Preferred
تقرير جامد اوي الف شكر يا باشا وانا ناوي اشتري واحدة إن شاء الله قريب لاني هكون في سفر مستمر
جزاك الله كل خير
شكر علي التقرير يا باشا ..
ضوابط المشاركة
المفضلات