حملة لمقاطعة الإنترنت اللامحدود "المحدود" في مصر

[Flashy]

متهيالي خالد قصدوا عندهم في السويس
بس ازاي يعني؟؟!!!!

[Ҝ ђ Λ Ł Є δ]

اه اسف يا شباب اعتذر :o

النهاردة رحت ادفع الاشتراك بتاع الشهر اللي فات (مقدرش مدفعش عشان متفق مع الراجل ان هو اللي يدفع وبعدين انا احاسبه) المهم فتحت مع الراجل موضوع سياسة الاستخدام العادل قالي الحكاية دي هتتطبق علي كل الشركات في مصر بس مش هتطبق عندنا (منطقة اسمها المعمل في السويس) وقالي حمل براحتك خالص بس مش عارف لحد دلوقتي كلامه صح ولا غلط !!
هو بيقولي النظام دا حاجة كدة استهبال من الحكومة ومستحيل يكمل في مصر دا غير اللي الشباب عامله طبعا
هو قالي حمل براحتك ولو السرعة عندك نزلت قولي وانا اتصرف واهو اديني شغال داونلود لما نشوف اخرتها

وكل ما اتصل بالشركة اسمع صوت صفارة تخرم الودان ومحدش يرد بعدها !!

[Fu'ad]

السلام عليكم...
وضعكم يا أخوان أحسن من غيركم ب 1.000.000 مرة
على سبيل المثال احنا في الاردن.
512 حد الداونلود 5 giga
1مبغا حده 8 giga على حد علمي
2مبغا حده 12 giga على حد علمي
يعني شوربة ووضع مأساوي.
ولكن خطوتكم هذه أحييها.
أنا مثلا شابك على سرعة 2 ميغا وما في حد للداونلوود أبدا
وللأسف الشديد و السبب إضطراري انهم عاملين التحدبد هذا
وبكل بساطة اني بدخل على شركة الاتصالات وبعمل اشتراكات
بتحميل غير محدود وبستعملها وبوزعها على أصحابي كمان.
طبعا الطريقة غبر شرعية كما هو الاشتراك
ولكن هم اللي اضطروني لفعل مثل هاي الأمور.
فوجهة نظري إنه تقوموا باختراق موقع الشركة
وتحصلوا اشتراكات منهم وتشتغلوا شغلكم
وخليهم يلحقوا وراكم.عشان يتربوا.
مع فائق الاحترام...

[mostafa4515]

الامل بيزيد يارجاله وان شاء الله الشركات هى الى هتعمل مظهارات فى الوزاره علشان يلغو القرار (بعد ما طبخوها سوا)

ده نص حوار احد الشباب من على الفيس بوك اتصل ب تي داتا و اللي حصل كالآتي

=ألو..هو اللي سمعناه ده صحيح؟
- اللي هو إيه يا أفندم
= اللي هو تحديد النت
- قصد حضرتك سياسة الإستخدام العادل
= بس ماتقوليش عادل، لا عادل ولا بتاع
- ضحكة مهدئة...أيوه يا فندم حضرتك مشترك على سرعة كام
= 512
- غير محدودة؟
= طبعاً !!!!!
- قعدت تشرحلي الحاجات الحلوة اللي منتظراني و في الآخر بتقوللي مش هاتحاسب على الجيجات الزيادة
= جيجات زياده إيه اللي بتقولي عليها دي؟؟ و دي هاتيجي منين على 128؟؟ ده الدايل أب أرحملي
- طبعاً يا فندم حضرتك عندك حق
= طب قوليلي بقه على خطوات إلغاء الإشتراك
- طب يا فندم أنا ممكن أقولك على رقم تاني ممكن تشتكي عليه
=155
- بالضبط
=و أنا مالي و مال الوزارة
- أصل ده مش قرارنا..ده قرار الوزارة
= ماشي ماشي...ها..إيه خطوات إلغاء الإشتراك؟
- حضرتك تشرفنا و تعمل طلب إلغاء و تاخد كنسيليشن نمبر بعد أسبوعين... طيب بعد ما تكنسل حضرتك، هاتلغي خالص النت ولا هاتروح شركة تانية؟
= هالغي خالص،و أبقى أدخل و أعمل شغلي من عالموبايل بقى، مانتي بتقولي أهه ، القرار على كله
- طيب حضرتك إشتكي..عشان القرار ده ناس كتير جداً مش قابلاه و أنا نفسي كمان
= أنا ماليش دعوة بالوزارة، أنا كلامي معاكم إنتم
- ماهي الوزارة يا أفندم هي....
= ماهو لو إشتكيت و بعدين؟؟ الوزارة قررت إن هو كده و اللي عاجبه عاجبة و اللي مش عاجبه مايشتركش ،في حين أما أنا أكنسل و مليون غيري يلغو إشتراكاتهم برضه، ساعتها إنتوا بقه اللي هاتكلموا الوزارة، و ياتستجيب و القرار يتلغي...يا إما إنتوا بقه مش هاتلاقوا شغل و تقعدوا في بيوتكم

- سكتت فترة,,و بعدها قالتلي..ربنا يستر يا فندم !!

الشركات خايفه ولازم تخاف والحكومه كده هيجت عش الدبابير رغم انها محتجاهم فى ثبات دائم لمذيد من الفساد المستمر من غير منقول بم خليهم بقا يستحملو

[Brdawy]

السلام عليكم...
وضعكم يا أخوان أحسن من غيركم ب 1.000.000 مرة
على سبيل المثال احنا في الاردن.
512 حد الداونلود 5 giga
1مبغا حده 8 giga على حد علمي
2مبغا حده 12 giga على حد علمي
يعني شوربة ووضع مأساوي.
ولكن خطوتكم هذه أحييها.
أنا مثلا شابك على سرعة 2 ميغا وما في حد للداونلوود أبدا
وللأسف الشديد و السبب إضطراري انهم عاملين التحدبد هذا
وبكل بساطة اني بدخل على شركة الاتصالات وبعمل اشتراكات
بتحميل غير محدود وبستعملها وبوزعها على أصحابي كمان.
طبعا الطريقة غبر شرعية كما هو الاشتراك
ولكن هم اللي اضطروني لفعل مثل هاي الأمور.
فوجهة نظري إنه تقوموا باختراق موقع الشركة
وتحصلوا اشتراكات منهم وتشتغلوا شغلكم
وخليهم يلحقوا وراكم.عشان يتربوا.
مع فائق الاحترام...

مع احترامى الكامل ليك لو كل واحد قال اخنا احسن من مفيش واحنا احسن من غيرنا يبقى مش حيصل حاجه

الامور عندنا فى مصر سيئه جداا الشعب المصرى شعب سلبى الى اقصى درجه تتحليها
الكهربا والميه والغاز والعيش والمواصلات والخضار واللحمه وكل ....................................
يغلى وبرضه الناس مقبله على الشراء بطريقه مخيفه لو يعلمو اضطراؤ على كل حاجه تغلى والله الحال هيبقى احسن من كدة بكتيرررر

المشكله ان احنا شعب سلبى بنشتكى وبس
نشتكى ونقول الحاجه غليت وبرضه رايحن نشترى بعنى لو كل واحد امتنع عن الشراء لمدة اسبوع ولا شهر حتى مفيش حاجه هتغلى

الشعب المصرى فاكر انه موقفه ضعيف بالعكس كل المشكله انه شعب سلبى وبيفكر فى نفسه وكل واحد يقول وانا مالى

العيش وصل لدرجه مش فادر اوصفللك غير اديمه فى بعض المناطق وبرضه تلاقى الناس على طوبير العيش امم يالهوى يعنى لو عملو اضطراب عن العيش يوم واح
هيموتو من الجوع ؟؟؟ ماحنا بنموت بالتدريج والله


من الاخر احنا شعب بنحب ناخد على ........

[المهندس الرائد]

Top Countries by Download Speed

167. 0.74Mb/s Egypt

Top Countries by Upload Speed

174. 0.19 Mb/s Egypt

خش علي اللنك ده https://speedtest.net/global.php وشوف دول أفريقيا مصر مش من ضمن ال 10 الأوائل حتي

ياااااااه .. ده السعودية المتأخرة عنا في الانترنت ( سابقا طبعا ) عاملة أرقام أحسن من كده بكثير أوي

بالمناسبة يا شباب .. حجة أن النظام ده مطبق في العديد من دول العالم حجة باطلة ، لأن مش بيكون قرار من الحكومة بإجبار كل الشركات في الدولة بكده ، ده بيبقى الشركة هي اللي عارفة أحمالها شكلها ايه و بتحط النظام ، و لازم يكون المستخدم على علم كامل قبل اشتراكه .. و طبعا التحديد مش بيبقى بالأرقام المتخلفة اللي عندنا دي

ده بس رد علشان ميفكروش أنهم بكلمتين همشوا علينا رأيهم

[Fu'ad]

مع احترامى الكامل ليك لو كل واحد قال اخنا احسن من مفيش واحنا احسن من غيرنا يبقى مش حيصل حاجه

من الاخر احنا شعب بنحب ناخد على ........

السلام عليكم...
.................
يعني شوربة ووضع مأساوي.
ولكن خطوتكم هذه أحييها
............
مع فائق الاحترام...

---------------------------------------

[ameer_s]

ياااااااه .. ده السعودية المتخلفة عاملة أرقام أحسن من كده بكثير أوي

بالمناسبة يا شباب .. حجة أن النظام ده مطبق في العديد من دول العالم حجة باطلة ، لأن مش بيكون قرار من الحكومة بإجبار كل الشركات في الدولة بكده ، ده بيبقى الشركة هي اللي عارفة أحمالها شكلها ايه و بتحط النظام ، و لازم يكون المستخدم على علم كامل قبل اشتراكه .. و طبعا التحديد مش بيبقى بالأرقام المتخلفة اللي عندنا دي

ده بس رد علشان ميفكروش أنهم بكلمتين همشوا علينا رأيهم

ياريت لو تنتبة الي كلماتك ......

[spidermohmd1]

شباب !!! صوتنا وصل ل 90 دقيقة و شكرا لكل الناس اللي عملوا وقفة أنهاردا في الشارع و طبعا الكلام اللراجل بتاع ااتي اي داتا اللي قالوا أن أستخدام ال بروسينج للشخص يوميا قل بكثير من 100 ميجا ... علي العموم ... بكرة هنوريهم أحنا مين و هنوقف الأشتراك

[Brdawy]

ياااااااه .. ده السعودية المتخلفة عاملة أرقام أحسن من كده بكثير أوي

بالمناسبة يا شباب .. حجة أن النظام ده مطبق في العديد من دول العالم حجة باطلة ، لأن مش بيكون قرار من الحكومة بإجبار كل الشركات في الدولة بكده ، ده بيبقى الشركة هي اللي عارفة أحمالها شكلها ايه و بتحط النظام ، و لازم يكون المستخدم على علم كامل قبل اشتراكه .. و طبعا التحديد مش بيبقى بالأرقام المتخلفة اللي عندنا دي

ده بس رد علشان ميفكروش أنهم بكلمتين همشوا علينا رأيهم

ياريت اولا تعدل مشاركتك مينفعلش تقول على بلد متخلفه لانك لو قولت امال احتا نبقى ايه ههههه


الهم عاوز اقول كمان ان مفيش بلد اساسا فى العالم يكون جهاز حكومى محتكر كل حاجه
يعنى يطلع قرار وعلى جميع الشركات اتباعه ؟؟؟ امال فين المنافسه ؟؟؟؟؟



اة صحيح ان فى بعض الشركات داخل بلاد تطبق سيايه مشابه
فى امريكا فى اكتوبر الماضى شركه comcast عملت تحديد ل 250جيجا شهريا شوف العدل 250 مش 25 يا ....بلد

تانى حاجه مش كل الشركات فى امريكا عندها السياسه دة ممكن ببساكه تروح لشركه تانيه لو مش عاجبك شوف المنافسه والعدل......






ياجماعه فى حد عنده فكره عن منظمات MPAA, RIAA اساسا سياسه التحديد المتبعه فى بعض الشركات فى الخارج اعتقد ان والله العم السبب فيها هما المنظمتين دول

فى حركه اسمها net neutrality
https://en.wikipedia.org/wiki/Network_neutrality

المنظمتين دول هدفها الاول هو القضاء على تبادل الملفات P2P وهما اللى ورا غلق الكثير من مواقع التورنت والقضايا اللى اترفعه على TPB

يارت كل واحد ياحاول يقرا شويه عن الحركه دى عشان لما يقدم شكوه ميجويش يرد عليك ويقولك دة اتجاة عالمى تعرف ترد عليه يعنى

https://www.savetheinternet.com/


الحركه دى بدات من 2006 تقريبا واوباما فى احدى الخطب بتاعته فال انه ضد الموضوع دة

[المهندس الرائد]

ياريت لو تنتبة الي كلماتك ......

آسف فلم أقصد الإساءة للدولة ، قصدي هو خدمات الانترنت المقدمة مقارنة بمصر في السابق ..

و إلا فأنا أحب السعودية جدا ..

قمت بالتعديل لتوضيح المقصد .. و آسف على الإساءة

[Brdawy]

شباب !!! صوتنا وصل ل 90 دقيقة و شكرا لكل الناس اللي عملوا وقفة أنهاردا في الشارع و طبعا الكلام اللراجل بتاع ااتي اي داتا اللي قالوا أن أستخدام ال بروسينج للشخص يوميا قل بكثير من 100 ميجا ... علي العموم ... بكرة هنوريهم أحنا مين و هنوقف الأشتراك

انا اللى مجنىى 100ميجا دول قال ايه الاستخدام الشرعى تصبح و ابديت 10 ميجا نصب علنى على الناس ويقولك كمان لو طول اليوم

بحد استفزاز امال مواقع الفيديو وكمان HD دول ايه

[Flashy]

جابوا الموضوع في البيت بيتك برضه يا جماعة

بس وزير الاتصالات ضحك علي المذيع الغبي زي ما ضحك علي معتز الدمرداش

[DR ! ZERO]

الحمد لله بعت رسايل كتير جدا

للعربية و 90 دقيقة و ال CNN و ال BBC و الجزيرة و القناة الأولى و النيل و حاجات كده وزارات كتير كده و اليوم السابع و التاسع و العشرتاشر :p

و ببعت أهو بس المشكلة مش بيرضى يبعت أكتر من لايميل واحد كل مرة

أستاذ مين و لا يهمك الكلام اللى بتقوله ده هو الصح و محدش يقدر يكلم أنا قولت أنيل من كده كمان و اللى يعرف يعمل حاجة يعملها

[DR ! ZERO]

بالمناسبة فين هالكى

The Hulk

عجبتنى جدا مشاركاته فى الموضوع راجل بجد و الله راجل و شكله مبيكلمش كلام عيال و ماكانش بيقول كلام فى الهوا

و شكله مرجعش فى كلامه ان من غير النت مش هنموت لكن هما هيفلسوا و هيرجعوا فى القرار الغير مسئول ده من انسان غير فاهم أساسا

و الظاهر كده ان شاء الله خير انه لغى الاشتراك بتاعه لو عمل كده فعلا يبقى بجد راجل صح

أنا دلوقتى عايز أفهم حاجة كل اللى بيقول هلغى الاشتراك بكرة ان شاء الله

هيلغى بجد و لا بيكلم بس ؟و الله لو لأ يبقى يوفر على نفسه الكلام أحسن

يا ريت يا شباب لو حد معاه رقم تليفون هالكى يتصل بيه يطمنا عليه