اخى الكريم ..انا بصراحة مش فاهم ازاى شركة زى ماكسيمم تعمل كده امال خلوا ايه للشركات التعبانة .. بصراحة اخر حاجة كنت اتوقعها من هانى ومن الناس اللى هناك .. ده انا كل حاجتى باشتريها من هناك واحتى لو كانت اغلى فى السعر من شركات تانية واقول علشان لو حصل اى حاجة من اللى حصلك ده ابقى مريح دماغى .. بصراحة هانى ماكسيمم لازم يخلص الموضوع ده والا هايبقى فى اعادة نظر فى التعامل والشراء من ماكسيمم .. لازم الناس دى تعرف ان سمعتها هى راس مالها .. والكلام طبعا لماكسيمم وللوكيل .. وخاصة ان العميل اللى بيشترى كارت شاشة هاى اند مينفعش يتعمل معاه كده .. متابع جدا ولو مشكل حضرتك مخلصتش بالشكل اللى يرضيك انا عن نفسى وكل من اعرفهم سنوقف التعامل مع هؤلاء نهائيا .. ونصيحة لو هاتجيب كرت تانى يبقى اسوس بلاش سافاير وباوركلر والانواع دى .. موفق باذن الله وفى انتظار اخر التطورات .. خالص تحياتى
اولا انت مش محتاج انك ترد هنا على شىء المفروض تعمل الواجب و المفروض عليك انك يا تقوم باستبدال الكارت او ان ياخذ فلوسه كامله
اما انك تدافع بدون اجراءات واقعيه ليس له اى جدوى
ارجو ان المشكله تتحل مش نقوم بالهجوم و الدفاع ليس الا
التعديل الأخير تم بواسطة MrTom ; 14-08-2013 الساعة 02:01
كل عام و انتم بخير
انتظر راي اخي طاهر وان شاء الله خير
للاسف الضمان في مصر سيء جدا بالرغم من كل المكاسب التي يكسبوها والموضوع عايز وقفه قانونية شموليه
ولابد من الغاء بند 4 % تماما ما بيحصلش في اي مكان في العالم ... يعني الكلام ده معناه مثلا لو كان الكارت ضمان 3 سنين وبعد 30 شهر وعلي حساب 4 % يبقي انته عليك فلوس ليهم 4×30=120
يبقي انته تدفعلهم 20% !!!!! من تمن الكارت قمة الاستخفاف بعقول المستهلكين والله العظيم
أنبه علي عدم الخروج عن اداب الحوار والنقاش , شكراً
والله يا باشا انا محروق من جوايا للراجل صاحب الكارت ده .. انا بحط نفسي مكانه و مش متخيل كنت ممكن اعمل ايه .. بس هو مشكلته انه طيب و محترم .. لو وقعو مع واحد تلفان كانو اتعلمو الادب معاه و للأسف هو ده الي بينفع في مصر .. معلش لو خرجت عن اداب الحوار بس صعبان عليا الراجل والله
ده الى بنحاول نوصله دلوقتى معاهم
تم الاتصال بالاستاذ احمد بيكا والتوصل معه لحل " تحديد موعد لتسليم الكرت الجديد فى مدة اقصاها 30 يوم , وتسليم كارت مؤقت اذا رغبت لاستخدامه مدة ال 30 يوم لحين تسليم الكرت الجديد " بشرط كتابة هذا التصريح على صفحتهم الرسمية
وكان طلب او شرط الاستاذ احمد بيكا هو الاعتذار عن الاتهامات التى تم توجيهها لهم فى الموضوع فى بعض الردود وان ما حدث امس هو سوء تفاهم واخطاء من الطرفين . وليس من طرف واحد
الاستاذ Mohammad Khaled بيحكي في قصص و ساب الموضوع الاصلي وهو عدم موافقة المشرف aelpop على التخصيم بالرغم من المشرف وافق على الانتظار لقدوم كروت جديدة للتوكيل زي ما ورد في نهاية الموضوع لكن ان التوكيل رد عليه "معرفش" يدل على عدم الاحترافية والضمير في التعامل مع العملاء...اي توكيل في الخارج كان هد الدنيا عشان يحل المشكلة بعد ثبوت عدم تصليح الكارت و انه مفيش حاجة اسمها تخصيم ...حسبي الله ونعم الوكيل
كلام مقنع جدا ويارب يصدقو فى كلامهم وان اثبتو صدقهم ونفذو وعدهم معاك يبقى بيثبتو نفسيهم فى السوق لكن لو اخلفو وعدهم يبقى هيخسرو كتير فى السوق لان التاجر فى السوق ملوش غير سمعتو لو خسرها يبقى يقفل احسن لان كلنا تجار وبنخاف جدا على سمعةتنا قدام الزبون لان الواحد ما بيصدق يكسب زبون مش يخسر زبون وياريت متابعتنا اول باول عشان نعرف اذا خدت حقك او لا عشان نحدد اذا كنا هنتعامل معاهم تانى او لا
وانا والله كنت نازل اشترى جهاز من ماكسيمم بس بعد موضوعك رجعت فى كلامى انا كان ممكن اشترى الجهاز من المحافظة اللى انا فيها لكن على حسب سمعة ماكسيمم قررت انى انزل اشترية منهم بنفسى لكن بعد موضوعك اترددت لان الواحد بيدور على حسن المعاملة وليس سوء المعاملة رغم ان شركة ماكسيمم اغلى من باقى الشركات فى اسعار منتجاتها لكن الواحد بيقول معلش كله فى صالح الضمان لكن بعد اللى حصل الواحد مبقاش يثق فى حد.
وزى ما قلتلك ياريت تتابعنا اول باول عشان نحدد موقفنا من شركة ماكسيمم ومن توكيل QDS
وانصحك مهما حدث لا تتنازل عن حق من حقوقك تمسك بحقوقك كاملة اما الاستبدال بكارت اخر او تاخد فلوسك كاملة متكاملة
طيب الموضوع خلص على ايه بخصوص بند التخصيم عشان الكلام يبقى واضح.
أخي محمد فوزي , وصلت لأيه مع الأخوة في توكيل QDS ؟ هل في حل نهائي حالياً ولا مُجرد اقتراحات ؟
المفضلات