مشكلة عند تشغيل الجهاز مع كارت 280 GTX وصوت مروحة عالي

[لحظات العمر]

السلام عليكم

أعزائي خبراء المنتدى الكرام

أنا عندي كارت نفيديا 280 gtx

امبارح وانا بشغل الجهاز حصلت مشكلة

وهي ارتفاع صوت مروحة كارت الشاشة وسرعتها

والشاشة لا تعمل !!!

مع العلم ان الجهاز قبلها كان شغال كويس

وده خلاني اشيل الكارت واركبه اكتر من مرة وبرضو المشكلة مستمرة

عشان كده اضطريت اشغل الكارت البلتي إن

على ما خبراء المنتدى الغاليين يقولولي الحل

وعلى فكرة أنا جربت كمان احذف تعريفات كارت الشاشة

واثبتها من جديد ومازالت المـشـكلة مستمرة

أرجو الإفادة في أسرع وقت من فضلكم قبل حمل الكيسة والذهاب للصيانة

وشكرًا جزيلا أعزائي الكرام

[unexpected]

وعليكم السلام
مبدئيا ما هو اسم الباور الذي تستخدمة وقوتة كام؟؟؟
وحاليا جرب نظف مروحة البطاقة ونظف المنفذ من الاتربة وتأكد ان المروحة تعمل وجرب البطاقة على اي جهاز اخر

[لحظات العمر]

السلام عليكم

وعليكم السلام
مبدئيا ما هو اسم الباور الذي تستخدمة وقوتة كام؟؟؟

شكرًا اخي العزيز على المتابعة

بالنسبة للباور فهو Gamma Hec 500 وات

والكارت يعمل من خلال واصلتين واحدة 6 bin والتانية 8 bin

والواصلتين موجدين بالباور سبلاي

هل ممكن تبقى الواصلتين فيهم مشكلة ؟؟؟

مع العلم ان الكارت لمبته الخضراء مضيئة

ومروحته تعمل بصوت عالي وبسرعة بعد فتح الجهاز بحوالي 10 ثواني ولا تعمل الشاشة بعدها

منتظر المتابعة ...

وشكرًا

[unexpected]

حاول تجربة الاقتراحات التي ذكرتها لك في ردي السابق
وايضا اشك ان الباور ممكن يسبب مثل هذة المشكلة لان الباور لديك اولا غير كافي للبطاقة لان البطاقة تحتاج لباور بقوة 550W وليس 500W
والباور لديك هو من شركة Hec ومعروف ان نسبة كبيرة من هذة الباورات قوتها تقل مع مرور الوقت لذلك اقترح عليك ايضا ان تجرب باور اقوى على جهازك او تجرب البطاقة على جهاز اخر
ولدي سؤال هل قمت بكسر سرعة معالجك مثلا؟؟؟

[لحظات العمر]

السلام عليكم

أخي الكريم انا اشتريت الباور ده بعد شراء الكارت مباشرتًا

وهو شغال كويس بقاله أكتر من سنتين مع هذا الكارت

وبالنسبة لكسر السرعة

ما حاولتش كسر سرعة الكارت أبدًا لأن أدائه كان مرضي وكافي

وأقصى لعبة جربت العبها عليه Lost Planet 2

بس سؤالي لحضرتك

هل ممكن يكون الكارت باظ لا قدر الله ؟

ولو كان حصله مشكلة هل ممكن تصليحه ؟؟؟

مع العلم ان نفس المشكلة دي كانت بتحصل معايا قبل كده
لكن أول مرة اسمع صوت المروحة علي وسرع كده
كأني مستخدم برنامج msi
واما كانت المشكلة بتحصل كنت بخلع الكارت واركبه كويس واركب وصلاته كويس يقوم شغال تاني

لكن أول مرة اخلعه واركبه أكتر من مرة ومافيش فايدة !!!

شكرًا جزيلاً لإهتمامك

[unexpected]

ان شاء الله خير لكن برجاء منك تجربة جميع الاقتراحات التي ذكرتها لك

[لحظات العمر]

السلام عليكم

الحمد لله اخي العزيز جربت الكارت على لوحة تانية واشتغل

طلعت المشكلة في فتحة الــ PCI-E اللي في اللوحة نفسها

هل ممكن أخي الشيب المعطلة دي تشتغل تاني بعد تغيير نسخة الويندوز ؟؟؟

وعلى العموم أشكرك جدًا على ردك ومتابعتك المتواصلة ...

في حفظ الله

[unexpected]

لكي نتأكد ان المشكلة من فتحة الPCI-E الخاصة بالبطاقة الرسومية حاول تجربة اي بطاقة اخرى على جهازك
وجرب باور اخر على جهازك
وبالنسبة للاستفسار الثاني حتى لو غيرت النظام وكان فعلا سبب المشكلة هي الفتحة لن تحل المشكلة طبعا

[TheEraser]

متهيألى العيب مش فى الشق PCI-E لأن المروحه بتاخد اشاره من الشق مش من الباور فطالما المروحه شغاله يبقى فيه اشاره جايه للكارت من الشق

مشكلتك ده حصلت معايا و كان العيب فى وصلة الباور مكنتش راكبه كويس ... فكها و ركبها تانى كويس و لو استمرت المشكله جرب كابل باور تانى

[لحظات العمر]

السلام عليكم

متهيألى العيب مش فى الشق PCI-E لأن المروحه بتاخد اشاره من الشق مش من الباور فطالما المروحه شغاله يبقى فيه اشاره جايه للكارت من الشق

مشكلتك ده حصلت معايا و كان العيب فى وصلة الباور مكنتش راكبه كويس ... فكها و ركبها تانى كويس و لو استمرت المشكله جرب كابل باور تانى

معلومة كويسة أخي الكريم

لكن الباور كويس لأني جربت الكارت على بوردة تانية بنفس الباور بتاعي واشتغل

حتى اني جربت افك الوصلات واركبها اكتر من مرة وما حصلش حاجة قبل ما اجرب في بوردة تانية

أظن ده عيب نسخة وقع فيها ملفات

لأن قبل كده اتعطلت عندي فتحات اليو اس بي كلها في بوردة تانية واما غيرت النسخة المشكلة اتحلت

اما بالنسبة لتجربة كارت تاني على جهازي ففعلاً عملت كده وبرضو ما اشتغلش

واهو الواحد كل يوم بيعرف معلومة جديدة عن الكمبيوتر بالخبرة والتجربة ...

[unexpected]

حاول تنظف المنفد PCI-E بفرشاة وجرب البطاقة مرة اخرى

[TheEraser]

حاول تنظف المنفد PCI-E بفرشاة وجرب البطاقة مرة اخرى

+1 و جرب برده تنضفه بالـ AKAI و جرب و ان شاء الله خير