ما رأيكم فى هواتف Lenovo

[mdhyzn]

الســلام عليكم ورحمة الله وبركاتة
برجاء التكرم بمساعدتى فى إعطاء آرائكم حول سمارت فون ماركة Lenovo
بفكر أشترى Lenovo A536 OR S580
وعــايز اعرف رأيكم فيها و مين توكيلها فى مصر وكويس ولا لأ وكذلك الضمان.
ولو عايز اشترى من مكان مضمون يبقى منين؟ مع العلم ان اقرب فرع منى لشركات كبيرة مثل موبايل شوب فى بنها لكنى سمعت انه غالى ومش بيعطى كل المرفقات اللى بتكون مع الموبايل وانا مش عايز كدا بس بردة عايز اشترى من مكان مضمون.

[mdhyzn]

رجاء المساعدة من الخبراء المختصين

[DoRo]

وعليكم السلام ورحمه الله وبركاته

منتجات شركه لينوفو قويه وممتازه .. جربت منها تابلت وهواتف مع اصدقاء ليا .. وجهازي المكتبي من نفس النوع
عامتا اللي عرفته ان الضمان بتاعها اسمه redington
وده الموقع بتاعهم تقدر تتواصل معاهم في اي استفسار

https://www.redingtonegypt.com/arabic/index_a.php

[mdhyzn]

طب انت شايف اشترى Lenovo A536
ولا Lenovo S580 , LG L90 Hauweai Honor Holly "Lite"
أنهى أفضل أمكانيات وأضمن و أكسسوراته كمان متاحة بسهولة
لأن ناس بترشح LG مع ان ف مشكلة بالرام و عدم توافر اكسسورات فهل مشكلة الأكسسورات بردة مع لينوفو و هواوى

[DoRo]

مشكله الرام ف ايه بالظبط ؟
عامتا ال4 اجهزه اللي حضرتك اختارتهم كلهم الرامات 1 جيجا
ودي تقريبا نسبه كويسه للاستخدام العادي
انما اقل من 1 جيجا هتقابل تهنيج كتير

والاهم في كل ده الميزانيه هيا اللي هتحدد نوع الموبيل اللي يناسبك

افضل جهاز فيهم اداء مقابل سعر honor

بالنسبه للاكسسوارات .. اكتر مكان مضمون وهتلاقي كل احتياجاتك .. شارع العطار في العتبه