أنا لدي شاشة Philips اشتريتها عام 2006 وتحتوي منفذ DVi
وهي للآن تعمل بشكل ممتاز.
بشكل عام تتميز شاشات Philips بجودة المكونات ضمنها.
توكل على الله واقتني واحدة تكون ذات مواصفات ممتازة
السلام عليكم
أريد شراء شاشة LCD بها مخرج DVI وبعد بحث في السوق المصري وجدت أن معظم الشاشات اللي نازلة بدون DVI والشاشة الوحيدة المتوفر بمعظم موديلاتها ال DVI هي BENQ ولكن أنا أريد نوع آخر غيرها يكون جيد و مواصفاته جيدة مثل السامسونج ولكني لم أجد أي موديل معروض في السوق من موديلات السامسوج به مخرج DVI أو علي الأقل لم أجد في الإسكندرية الموديلات التي بها DVI ولكني وجدت شاشات PHILIPS عند شركة شمال أفريقيا و أخبروني أنهم عندهم توكيل PHILIPS و عندهم موديلات بها DVI فبحثت علي موقع PHILPS عن الموديل المناسب 19 بوصة وجدته 190CW ولكني لا أعلم شيء عن شاشات PHILIPS ومدي جودتها وهل هي الأفضل أم السامسونج فرجاء من الأخوة في مصر و خاصة مدينة الإسكندرية مساعدتي وهل شركة شمال أفريقيا شركة مضمونة أم أنها مثل باقي الشركات في مصر (بيع و إجري) هذا في حالة شرائي من عندهم وهل هناك شركات أخري قد أجد عندها سامسونج يكون بها مخرج DVI . شكرا
أنا لدي شاشة Philips اشتريتها عام 2006 وتحتوي منفذ DVi
وهي للآن تعمل بشكل ممتاز.
بشكل عام تتميز شاشات Philips بجودة المكونات ضمنها.
توكل على الله واقتني واحدة تكون ذات مواصفات ممتازة
[CENTER][SIGPIC][/SIGPIC][/CENTER]
[CENTER][IMG]https://www.upload4arab.com//files/894/rapita5.gif[/IMG][/CENTER]
شركة شمال افريقيا شركة محترمة و الضمان بتاعها محترم و بتغيرلك الشاشة عند و جود نقطة doad pixel واحدة بعكس الشركات الاخرى 3 او 4 نقط و ضمانها 3 سنوات بس خلى بالك فى موديلين شركة شمال افريقيا كانت بتنزلهم هما philips 190cw8fb/97 و فى برده philips 190cw7cs/00 و دول فيهم dvi تاكد من الموديل الموجود عندهم بالضبط
[CENTER][SIGPIC][/SIGPIC][/CENTER]
[CENTER][IMG]https://www.upload4arab.com//files/894/rapita5.gif[/IMG][/CENTER]
العادي عندهم انهم بيجربولك الشاشة عندهم بدون حتي ما تطلب انت ( ده حتي يوم ما جيت اشتري الشاشة بتاعتي استغربت الموضوع ده اوي لاني عمري ما باجرب الشاشة في المحل يدوب بتاكد ان الشاشة سليمة يعني كنت باتاكد ان ما فيهاش كسر او خدش يعيبها و خلاص )
وهم احسن ناس تشتري منهم الشاشة الفيليبس لان شركة شمال افريقيا هي الشركة التي تقوم بتوريد و ضمان شاشات فيليبس في مصر و بالتالي حتلاقي سعرهم هم طبعا الافضل ......
تسلموا علي الردود الجميلة
أنا سألت في شمال أفريقيا علي الموديل 190CW قالولي مش موجود ياتري في شركة تانية ممكن أجد عندها الفيليبس 190CW
بس تكون مضمونة وفي إسكندرية
ممكن تشوف في شركة ( اوتو كمبيوتر ) الموجودة في مول سموحة و في مول رشدي........
انا علي فكرة ما لقتش شاشات فيليبس غير في شركتي ( شمال افريقيا ) و ( اوتو كمبيوتر ) فقط و فيه في (كارفور ) بس كارفور ماعندهوش موديل CW .......
انا مش عارف ليه شركة شمال افريقيا مش بتجيب كميات كبيرة من الشاشات دي و توزعها توزيع كويس علي شركات كتيرة لان حتي كمية الشاشات اللي في ( شمال افريقيا ) قليلة و تعتبر اواخر قطع عندهم و موديلات كتير خلصت من عندهم اساسا ...... يعني انا لما رحت اشتري من عندهم شاشة موديل 200WS ما لقيتش عندهم غير اخر قطعة اللي مطلعنها من الكرتونة بتاعتها و سايبنها مطفية علي الرف كعينة و طبعا رفضت اخذ تلك الشاشة و اضطريت اشتريها من شركة ( اوتو كمبيوتر ) ........
والله أنا موش عارف مول سموحة فين بالضبط في سموحة أنا بأسمع عنه كتيير بس عمري ما رحته ممكن توصفلي هو فين في سموحة بالضبط ؟ وكمان أنا سألت عند أوتو اللي في مول رشدي قالولي معندناش فيليبس وكمان موش متوفرة دايما عندنا بس كويس ان انت قولتلي ان كارفور معندوش لأني كنت هطخ مشوار لحد عنده علي قلة فايدة .بس غلي فكرة شمال أفريقيا عندها مخزن مليان فيليبس لأن أنا لما رحت أسأل دخلوني المخزن علشان يوروني شاشة كانت مفتوحة و لقيت المخزن مليان علي عينه بس لأن هو محتكر توزيعها بتكون قلة شوية في السوق وكمان هي أغلي سنة من الإنواع التانية. بس كارفور ياتري عنده أنواع تانية زي ايه مثلا؟
وطب و لو ممكن تقوللي انت اشتريت الموديل 200WS ؟
بالنسبة لمول سموحة فهو في الحقيقة كذا مول و كلهم في نفس المنطقة و مكانهم امام باب نادي سموحة ( موجودين في الشارع الموازي لشارع مصطفي كامل و انت رايح ناحية جراج اتوبيس غرب الدلتا )
كارفور عنده انواع و موديلات كتير من ضمنهم LG و Benq و Samsung و Philips و Asus و ViewSonic بس الفيليبس عنده فقط 19 بوصة و الموديل كان علي ما اتذكر 190VW9 وبصراحة مش عارف الموديل ده فيه DVI ولا لا
بالنسبة للشاشة اللي قمت بشرائها هي Philips 200WS 20 inch وهي حلوة جدا ماشاء الله بس هي اخر مرة ما كانتش متوفرة في شمال افريقيا فاشتريتها من شركة ( اوتو كمبيوتر ) و انت بتقول انهم ما عندهمش فيليبس دلوقتي يعني برضو خلصوا اللي عندهم .......
بس ليه انت عاوز تشتري شاشة بDVI ؟ انا جربت منفذالDVI اللي في شاشتي و ام اشعر بفرق يذكر .......
أنا بأفضل الDVI لأن علي حسب علمي المتواضع عملية التحويل لأي اشارة كهربية من ديجيتال لأنالوج لازم يكون فيها قلة جودة لأن الموجة شكلها بيتغير و (Root mean square) بتاعها بيكون اقل والباند كله بيكون اقل فكل ده بينتج عنه ضعف في الخرج ولو كان حتي بنسبة بسيطة لكنها موجودة . عموما هل ممكن أجد شاشة سامسونج كويسة فيها DVI وإلا خليني مع الفيليبس أحسن؟
لو انت بتفضل موضوع الDVI علشان حاسس انه افضل فهو الافضل بلا شك حسب اختبارات الالوان التي يقوم بها الخبراء بس صدقني لن تشعر بالفرق ده في شغلك العادي ابدا لاني زي ما قلتلك قبل كده انا جربت كابل DVI عندي و لم اجد فرق بينه وبين الكابل العادي ...... فلو انت عندك كارت شاشة به خرج VGA فالاوفر ليك انك تشتري شاشة بدون ذلك المنفذ و حيبقي عندك اختيارات كثيرة امامك ......... بس في الاول والاخر ده اختيارك وانت حر فيه
بالنسبة لشاشات السامسونج فللاسف اللي بييجي مصر منها مافيهوش منفذ DVI ..... منافذ الDVI موجودة في مصر فقط في شاشات الPhilips و الBenq و فيه عندك الشاشة ASUS MK221H الكثير قاموا بتجربتها و بيقولوا ممتازة و في نفس الوقت 22 بوصة حتبقي ممتازة لو بتحب تشغل افلام DVD
المفضلات