يا ريت تذكر الميزانيه في حدود كام ..
السلام عليكم ورحمه الله وبركاته
بصراحه انا محتار جدا أجيب لاب توب نوعه ايه انا من سنتين اشتريت Lenovo y570 i7
بصراحه الجهاز حصلى معاه مشاكل كتير اولها كسر زر الانتر من الكيبورد وكده خرج من الضمان فى أول أسبوع ليه وكسر مفصله وشاسيه الى عطل فى كارت الشاشه الخارجي وده اللى خلانى بعته بأقل من ربع تمنه
معلش طولت عليكم لكن انا استخدامى ألعاب بالتحديد فيفا 2014 وبيس 2014 وطبعا بكلم الأهل عن طريق الاسكاي بي يعني وجود مايك وكاميرا كويسين وياريت كيبورد يكون فيه اضاءه يعني اهم حاجه خامة اللاب ويكون مش بيسخن ويكون متوفر قطع غياره وعندي سؤال هل يوجد اى لاب بكارت شاشه خارجي يعني لو الكارت حصله حاجه اقدر اغير الكارت بس وآسف على الاطاله
يا ريت تذكر الميزانيه في حدود كام ..
الكارت لو حصله حاجه بتعمله صيانه او ترجعه للضمان .. لكن الكارت مش بيتباع لوحده زي اجهزة الـdesktop ..عندي سؤال هل يوجد اى لاب بكارت شاشه خارجي يعني لو الكارت حصله حاجه اقدر اغير الكارت بس وآسف على الاطاله
اول مرة اسمع انه لما تكسر زرار يخرج من الضمان
انا اللى اعرف انه لو المشكلة سببها انته الضمان بيصلح المشكلة بس بيكون تكاليف التصليح على حسابك و لو حصل مشكلة تانية بس مش سببها انته فالضمان بيبقى مسئول عنها كليا
انما انك انته كسرت حاجة فى الجهاز فيخرج من الضمان اول مرة اسمع عنها
والله اعلم
الميزانيه فى حدود 4500 الى 5100 فى حاله وجود لاب يفرق كتير فى الامكانيات بصراحه انا جبت لاب وللأسف حصلى مشاكل كتيره فيه و حتى لما حبيت أصلحه فى الضمان قالى حضرتك الضمان خلص وكمان الشركه وقفت النوع ده ومش قدرت الاقي ليه حل خالص وسألت بره الضمان الكل قالى لازم تشتري مازر بورد جديده والكارت مش ليه صيانه ولو اتصلح هيرجع تانى بعد اسبوعين او شهر
بس ليا طلب قبل الشراء سمعت كلام كتير وكله متناقض عن أحسن لاب ناس قالو ديل واتش بي وناس قالو لينوفو وتوشيبا وانا مش عارف ايه الأفضل كمان ياريت توضيع ايه الفرق بين بروسيسور اى سفن دول كور او كواد كور او الترا وهل يوجد لاب امكانيه تركيب شريحه جواه ليعمل انترنت ثرى جي وأى نوع كارت فيجا أفضل نيفديا او ايه تى آى او ايه ام دى وامكانيه تركيب هارد ssd معلش طولت اوى بس حابب استفيد من خبراتكم وجزاكم الله كل خير
مقدرش اقول ان ماركه ما افضل من التانيه .. المقارنة بتم بجهاز معين افضل من جهاز تاني بإاصدارات مختلفه ..بس ليا طلب قبل الشراء سمعت كلام كتير وكله متناقض عن أحسن لاب ناس قالو ديل واتش بي وناس قالو لينوفو وتوشيبا وانا مش عارف ايه الأفضل
يعني اقارن مثلاً Dell 5521 مع Lenovo Z580 مع Toshiba C850 ..
والكلام ده بينطبق على كروت الشاشه ومقدرش اقول نفيديا احسن من AMD وخلاص ..
الكور i7 في اللابات موجود منه نوعين .. الالترا وبيبقى ثنائي الانوية وبنردد اقل للاستفادة بوقت اطول مع البطارية وتوفير الطاقة .. والنوع الآخر رباعي الانوية بتردد اعلى ..كمان ياريت توضيع ايه الفرق بين بروسيسور اى سفن دول كور او كواد كور او الترا
لا، بيبقى زي الـUSB Flash انترنت كده .. مش بتركب قطع جواه ولا حاجه ..وهل يوجد لاب امكانيه تركيب شريحه جواه ليعمل انترنت ثرى جي
ممكن اه ..وامكانيه تركيب هارد ssd
قدامك اجهزة core i7 بسعر من 5,100 جنيه وانت طالع ..
Dell 5520 .. بسعر 5,100 جنيه ..
Intel® Core™ i7-3632QM Processor (6M Cache, up to 3.20)
6GB DDR3 RAM
1TB SATA 5400 rpm
DVD+/-RW Double Layer drive
15.6" High Definition (720p) LED Display with Truelife (1366 x 768 Pixels)
AMD Radeon™ HD 7670M DDR3 1GB
Lenovo Ideapad Z580 .. بسعر 5,400 جنيه ..
Intel Core i7-3612QM Processor ((6M Cache, up to 3.10 GHz) BGA
8GB DDR3 RAM 1333MHz
1TB SATA HDD 5400 rpm
DVD±R/RW drive
15.6" backlit LED HD Display
NVIDIA GeForce GT 630M with 2 GB DDR3 dedicated
Windows 8
Dell 5521 .. بسعر 5,100 جنيه ..
Intel® Core™ i7-3517U Processor (4M Cache, up to 3.00 GHz)
4GB DDR3 RAM 1600MHz
750GB SATA 5400 rpm
Tray-loading DVD+/-RW
15.6" HD LED Display with Truelife (1366 x 768 Pixels)
AMD Radeon HD8750M DDR3 with 2GB
FreeDOS
مشكورين جدا شباب على المتابعه والمساعده جزاكم الله كل خير ولكن مازلت فى حيرة ومش لاقى لاب يجمع بين امكانيات محترمه وخامه جيده و أداء رائع وتصميم جميل أظن لابد عن
الاستغناء عن أحد المميزات لكن عندى سؤال محيرنى هل استخدامى للاب يستدعي شراء لاب i7 او ممكن اشترى لاب i5 أو i3 فقط انا ألعب ألعاب فيفا 2014 وبيس 2014 وللشات فقط
وياريت لاب يكون يشغل اللعبه على الكارتين الانتل والكارت الخارجى و حكايه كيبورد مضىء مش لقيها خالص حاليا فى اى من الموديلات المذكورة
فعلا يا أستاذhimaalex انا وجدت بعض الموديلات فى امكانيه تركيب شريحه داخل اللاب نفسه وشفتها فى لاب لكن للأمانه هو ميني لاب توب مش الكبير وشكرا على المتابعه وياريت رد على استفسارى علشان أحسم أمرى و أتوكل على الله واشترى لاب يناسبني
فعلا أنا اقتنعت بالتلت أنواع دول وجارى المفاضله مابينهم وبين لاب سامسونج Samsung NP350V5C-S0QAE 5500 ياريت حد من خبراء اللاب توب يقولى هل فيهم معالج رباعي او كلهم ثنائي النواه وأنهى لاب فيهم
هيستحمل أكتر انا يهمني الخامه جدا وهل لو جبت نفس الموديل i5 مش هيفرق فى الألعاب انا مش بلعب غير ألعاب كره قدم بس وشكرا مقدما
التعديل الأخير تم بواسطة nameadel ; 29-10-2013 الساعة 05:08
طيب ممكن اعرف أجهزه ايه i5 تكون كويسه وخامه تستحمل انا كان عندي جهاز Lenovo y 570 i7 لكن لفيت كتير اوى على قطع الغيار ومش قعد معايا غير سنه ونص وبعته ياريت ترشحلى أجهزه اختار مابينهم وياريت يكون جهاز مش بيسخن يكون تبريد جيد أهم حاجه لانى بشغل اللاب وقت طويل
المفضلات