رد مع اقتباسبرجاء ذكر مواصفات الجهاز بالكامل من بروسيسور ولوحة أم ورامات وماركة الباور سبلاى والشاشة التى تلعب عليها وكذلك نظام التشغيل الذى تعمل عليه بالتفصيل أخى الكريم وممكن تجرب الكارت على جهاز اخر للتأكد اذا كانت المشكلة من الكارت أم لا وبالتوفيق
السلام عليكم و رحمة الله و بركاته
انا عندي كارت شاشة sapphire r9 270x 2 gb oc
امبارح كنت بلعب pes 18 يعني حاجة مش تقيلة يعني فجأة الشاشة بقت كلها اخضر
عملت ريستارت للجهاز مش راضي و الشاشة معلقة و مفيش صوت نهائي فاضطريت افصل فيشة الجهاز كله
فتحت الكيسة و نضفت الجهاز كله من اي تراب بعد كده بشغله الشاشة بتشتغل و كل حاجة بس الويندوز ميفتحش يفضل يقولي please wait او شاشة سودة تيجي بعد ما علامة الويندوز تتشال او الجهاز يفصل خالص قولت يمكن المشكلة من البايوس فاشلت الحجر و حطيت حجر تانى و بردو نفس المشكلة بيظهر حاجة زى بقع زرقا كده على الشاشة جنب الكلام كده سواء لما دخلت على البايوس او لما جيت انزل ويندوز يمكن المشكلة تكون منه
النهاردة فصلت الكارت و شيلته من الجهاز خالص و شغلت الكارت الداخلي اشتغل عادي الحمد لله من غير البقع ديت بس لسا الصراحة مجربتش اركب الكارت تاني خوفت لا يكون اتحرق او حاجة ده مثال للبقع الي بتظهر المفروض بعد ما سطبت الويندوز و انا مركب الكارت الخارجي بردو مشتغلش و كان بيديني كلمة please wait بتاعت ويندوز 10 او شاشة سودة لحد ما شيلته و ركبت الكارت الداخلي
فأيه المشكلة الي في الكارت دي و هل فعلا كده اتحرق و لا ايه ؟IMG-20180729-WA0021.jpgIMG-20180729-WA0021.jpg
برجاء ذكر مواصفات الجهاز بالكامل من بروسيسور ولوحة أم ورامات وماركة الباور سبلاى والشاشة التى تلعب عليها وكذلك نظام التشغيل الذى تعمل عليه بالتفصيل أخى الكريم وممكن تجرب الكارت على جهاز اخر للتأكد اذا كانت المشكلة من الكارت أم لا وبالتوفيق
ما هو للأسف انا معنديش جهاز تانى حاليا اقدر اجرب عليه لكن متأكد المشكلة منه لأن لما شيلته من الكيسة و شغلت الكارت الداخلي الجهاز اشتغل عاديالمشاركة الأصلية كتبت بواسطة wcw 321
بقية مواصفات الجهاز : core i5 4440
8 gb ram ddr3 ribjaws
2tb hdd western digital green
ga h81m-s2pt
دقة الشاشة 1600x900
الجهاز فتح الويندوز و انا مركب الكارت لكن بعلامات غريبة فى الشاشة و لما بسطب تعريف الكارت بيجي عند نقطة detecting للكارت و فجأة الشاشة تسود بردو و لازم اشيل فيشة الجهاز خالص
العلامات اهي 38059408_2115712808644976_5236839463505625088_n.jpg
فلشتله بايوس و بردو نفس العلامات و لما اجي اسطب تعريف الشاشة تسود و ميرداش يشتغل
مع الأسف أخى الكريم
من وصفك للمشكله فالكارت يتداعى
أذهب به ألى أحد مراكز الصيانه لفحصه
لعل وعسى
بالتوفيق
بس يابرنس لقد واجهتنى تلك المشكلة مسبقا ولم أجد لها حلا على الاطلاق على كارتى السابق r7 265 وذهبت به الى مراكز الصيانة بالبستان ولم يستطيعوا فعل شئ وقالولى ان شباية الكارت اتحرقت واعتقد والله اعلم انك تواجه نفس المصير بالنسبة لكارتك فاذا استطعت ايجاد مكان جيد لصيانة الكارت فاذهب به الى الضمان مثلا واذا لم تستطع اصلاحه فلا مفر من شراء كارت جديد اذا توفرت الميزانية لذلك ويمكنك الاطلاع على موضوعى بخصوص نفس مشكلة كارتك وللافادة من هنا https://arabhardware.net/forum/showthread.php?t=471881
التعديل الأخير تم بواسطة wcw 321 ; 30-07-2018 الساعة 23:39
انا فكرت فعلا اروح بيه ل qds بس قولت يمكن مشكلة software او حاجة
طب حضرتك قدرت تصلح الكارت فى النهاية و لا لا ؟
- جرب تسطيب تعريفات للكارت قبل تركيبه و تكون تعريفات قديمة.. كل التعريفات هتلاقيها فى موقع guru3d .. جرب تعريفات ما قبل Crimson مثلا من 2015
سطب التعريف من ال Safe mode .. و جرب أولا تدخل على ال Safe mode بوجود الكارت و شوف هتلاقى نفس الخطوط الخضراء دى ولا لأ.. هل بتكون برضو فى البيوس؟.
- جرب تنقل الكارت على PCI-E slot آخر و لو عندك قطعتين من الرامات شيل قطعة و اشتغل بواحدة فقط.
لم تذكر نوع الباور و قدرته لديك؟.. أخمن إنك على مدار سنين كنت بتضغط على الكارت بدون الإهتمام لمراقبة درجات حرارته حتى من حين إلى آخر؟.. هل الكارت كان مكسور السرعة؟
فى الأخير بعد تجربة كل الحلول و بعد ما توديه مركز صيانة إذا لم تجد أى حل و معندكش حاجة تخسرها ممكن تجرب طريقة تسخين الكارت.. فى أحيان كثيرة بتنفع و بترجع كروت مرة أخرى من الموت لو عملتها بالطريقة الصحيحة.
انا عندي اسطوانة التعريف نفسها الي هي من يجي 2014 تقريبا نفس الكلام
معنديش slot تانى هو واحد بس الي عندي و الرام قطعة واحدة بس
نوع الباور Cooler Master Extreme PSU 500W
انا عارف انه نوع رديئ بس انا كان استخدامي فى المجمل كان فى المعقول يعني مكنتش بستهلك الجهاز كتير فى اي حاجة و اساسا الكارت مع الباور معايا من 2015 يعني اكتر من 3 سنين عمر ما حصل مشاكل بسبب الباور
و لا خالص مش مكسور و لا اي حاجة هو جاي oc نسخة مكسورة مصنعيا
جرب طيب تسطيب التعريف اولا و الكارت خارج الجهاز و بعدها ركب الكارت و شوف.. ايضا تجربة الكارت على جهاز آخر هتخلينا نتأكد إذا كانت مشكلة هاردوير للكارت او لا
بأذن الله هجرب موضوع التعريف و الكارت مش فى الجهاز و لو مشتغلش بردو هتضطر اوديه للشركة اصل للأسف انا مش متوفر عندي حاليا جهاز تانى اقدر اجرب عليه الكارت
فيه مشكلة تانية ظهرت دلوقتى انا من امبارح شايل الكارت و شغال بالكارت الداخلي الي هو intel hd 4600 و سطبتله اخر تعريف بس فيه مشكلة دلوقتى الجهاز بتحصل فيه تهنيجة خفيفة كده و انا مثلا بفتح ال my computer
حاجة تانية غريبة الألعاب كلها الفريمات فيها قليلة جدا جدا جدا جدا جدا جدا حتي الألعاب الخفيفة الفريمات فيها مبتعديش ال 16 فريم مثلا ده غير اللاج البشع و ساعات بتقفل و دي العاب خفيفة اوي مرجبتش افتح العاب تقيلة الألعاب الي جربتها
امثال fantastic 4
batman vengence
ده حتي neighbours from hell نفس الكلام الألعاب دي انا كنت بشغلها على البنتيام 4 ايه المشكلة دلوقتى بقي ؟
التعديل الأخير تم بواسطة mohamedmostaf ; 01-08-2018 الساعة 18:47
لما التهنيجة تحصل إفتح Task manager و شوف ال CPU usage و نسبة الرام.. ممكن يكون فيه برامج خفية فى الخلفية واخدة من البروسيور و الرام ساعتها إعملها end process
بالنسبة للفريمات فى الألعاب فا متهيألى الكارت الداخلى مهما كان يعتبر ضعيف.. انا برضو جربت اشغل لعبة football manager بالمعالج الرسومى بتاع i5-3470 لقييت تقطيع و تهنيج فظيع على اقل اعدادات
بس انا معنديش فكرة عن الألعاب اللى ذكرتها دى.. ممكن تشوف فى مطلبات تشغيلها ممكن تكون متطلباتها كارت خارجى حتى لو ضعيف أفضل من الداخلى
neighbours from hell لعبة ازاى تخنق جارك
انا بقول لحضرتك كنت بشغلهم على pentium 4 داخلي زمان الألعاب دي من 2003 و 2004
مفيش حاجة بتبقي شغالة لا
كنت هقترح تتأكد إن جهازك مش عليه فيروسيات بعمل فحص ببرنامج Malewarebytes و Anti-virus بس بما إنها ويندوز لسه جديدة ميتهيأليش إنه لحق..
إدخل على الموقع الرسمى بتاع الباويس الخاص بك و شوف لو فيه تحديث لها..
إتأكد داخل الباويس إن كل حاجة على الإعدادات الإفتراضية, إعمل Disable لل power savings .. و إفتح ال control panel دوس على power options و اختار change plan settings .. عند ال intel graphics settings اعملها maximum performance
آخر حاجة اعمل فحص للهارد ببرنامج HDDscan و فحص للرامات ببرنامج memset.
حسناا أخى الكريم
أذكر موديل المعالج المركزى لديك بالظبط
بالتوفيق
ضوابط المشاركة
المفضلات