هل سردت كل هذه المقدمة لتسأل عن سعر هاردات ال SSD ؟!
ساشرح القصة من البداية لفهم الوضع كاملا
قبل وجود المشكلة كنت ابحث عن كيفية تشغيل رامات 4 جيجا على وندوز 32 بت . وجدت مجموعة من الباتشات . جربتهم وفية بعضهم كان يطلب اوامر متقدمة من الدوس .. استخدمت الاوامر وعملت ريستارت لكن كان فى غلط فى شئ انا مش عارفة . اصبح الجهاز يدخل باستمرار على وندوز ريبير لمعالجة المشكلة . لم اهتم .. وقررت اعادة تثبيت الوندوز . اسطوانة وندوز 7 كانت قديمة وطلعت رسائل خطأ كتير شلتها وجبت اسطوانة اكس بى 64 بت وتركت الجهاز يثبتها ذهبت الى صديق عدت بعد حوالى 4 ساعات تقريبا . وجدت ان الجهاز ما زال يكمل التثبيت . بمعنى ان الجهاز بييثبت الوندوز فى اكتر من 4 ساعات ولم ينتهى . بعد اختبار كل القطع بالجهاز اكتشفت ان الهارد ديسك فى بارتشين معين فية مشكلة ويطلب الفورمات . ووقتها كان نظام الملفات فى البرتشن كان
raw
لم اعرف السبب .. المهم اعدت تقسيم الهارد بالكامل وكان عندى اعتقاد ان الاسطوانات هى اللى سببت المشاكل .. قررت منزلش وندوز وانتظر لما اجيب اسطوانة سليمة من اى صديق .. استخدمت مؤقتا اسطوانة لايف من توزيعة لينكس اوبنتو .. وجدت بعض الملفات على النت واردت ان احملها عندى . فى الاول كنت بنزل على الفلاشة مكنش فية مشكلة وبعد ما الفلاشة امتلاءت بدأت احمل على الهارد وحصل تعليق غريب ادى لتوقف تام للجهاز .. بعد الفحص . طلع الهارد هو السبب. اعدت تقسيم الهارد مرة اخرى ولكن اصبح الفورمات ابطئ من الطبيعى ايضا التعامل مع الهارد بشكل عام اصبح بطئ .. ودخلت على توزيعة اللينكس مرة تانية حصل نفس المشكلة على الهارد لكن اى وحدة تخزين تانى شغال عادى
فى النهاية حتى الان احاول تقسيم الهارد او استخدامة باى شكل حتى لو استخدمة فى التخزين فقط لكنة لا يستجيب لى .. عند محاولة تنفيذ التقسيم اضع اذنى على الهارد اسمع حركة الابرة لمرة واحدة فقط (تك تك) ثم لاشئ غير صوت حركة الميديا فقط . هل فقدت الهارد للابد ؟ ام هل هناك حل ؟
وبشكل عام قررت اشترى هارد اخر اخصصة لنظام التشغيل وبعض الملفات الشخصية والبرامج الخاصة بى ..والنوعية المطلوبة من حيث كفائتها فى السرعة والاداء هى هاردات
SSD
كم يبلغ سعرها حاليا فى مصر .. وكم هى المساحات المتوفرة حاليا ؟ وما هى افضلية الانواع ؟
اسف للاطالة
هل سردت كل هذه المقدمة لتسأل عن سعر هاردات ال SSD ؟!
اولا شكرا للمتابعة
ثانيا : لا طبعا ..انا اضفت السؤال الخاص ب ssd لانى عايز اشترية لاستبدألة بقسم نظام التشغيل فى الجهاز بسبب اداءة العالى . ولانة الحل الاقرب لتشغيل جهازى حاليا
لكن انا شرحت كل دة علشان القارئ يكون على دراية كاملة باللى حصل فى الهارد ال 500 علشان ميخمنش اسباب بسيطة للمشكلة .. هدفى من المقال هو الهارد ال 500 وليس ال ssd وبشكل عام انا جبت هارد ssd خلاص ويبقى الموضوع فى المنتدى عن محاولة حل مشكلة الهارد ال 500
أفضل برنامج لأصلاح القطاعات التالفة بدون التأثير على البيانات الموجودة بالهارد هو برنامج HDD Regenerator والبرنامج أستخدامه سهل ولا يحتاج إلى شرح ويمكنك تحميله على الهارد ال SSD وتشغيله فى بيئة الويندوز
وبعد فتح البرنامج أختار الهارد المعطوب ولكن يجب أن يكون الهارد ثانوى وليس أساسى ثم قم بأختيار أول أختيار وهو Scan and Repair ثم أنتظر حتى ينتهى من الفحص والأصلاح
ثم بعد الأنتهاء أفحص الهارد كل فترة للتأكد من عدم معاودة القطاعات التالفة فى الظهور مرة أخرى
وإذا عاودت الظهور مرة أخرى فأنصحك بالأستغناء عنه أو عزل الجزء الذى يظهر به القطاعات التالفة كما هو مشروح فى هذا الموضوع >>> https://arabhardware.net/forum/showthread.php?t=280072
أو يمكنك تجربة عمل Zero Fill للهارد كما هو مشروح بهذا الموضوع >>> https://arabhardware.net/forum/showthread.php?t=248726
التعديل الأخير تم بواسطة Ahmed.Elsayed ; 08-09-2012 الساعة 22:59
جارى التنفيذ ومن بعض النتائج الالولية
4 ميجا بايت فى 9 دقائق ؟؟؟؟؟؟؟؟؟؟؟ اعتقد معنى كلمة delays التأخير او فاصل زمنى . ما معناها فى هذا البرنامج .. وهل يتم معالجتها بهذا الشكل ؟؟ .. واخيرا اذا كانت الاجابة بنعم يعالج المشكلة . كم الوقت المتوقع لانهاء البرنامج عملة على الهارد ؟؟؟
شكرا استاذ Ahmed.Elsayed
البرنامج عالج المشكلة بعد الانتهاء وعاد الهارد للعمل كما كان اولا .. وقسمتة جزء واحد NTFS لاستعمالة كمخزن فقط وال SSD لنظام التشغيل والملفات والالعاب والبرامج المستخدمة يوميا
ولكن مازال لدى رغبة فى معرفة ما هى ال delays التى تسببت فى المشكلة من البداية ؟؟
بالنسبة لل Delays فهى تدل على وجود مشكلة ميكانيكية بالهارد ولا يوجد حل لها ويتبعها غالباً ظهور قطاعات تالفة
لكن ما هى النتيجة النهائية بعد الأنتهاء من فحص الهارد بالكامل ؟
النتيجة النهائية : بعد تكرار الفحص مرة تانية على الجزء اللى كان فية ال Delays النتيجة صفر .. والهارد اشتغل عادى واصبح بيتقسم بسرعة عادى ومفيش اى مشكلة . مع العلم الهارد لم يتعرض للاصطدام او الاهتزاز من بداية المشكلة ..
جربت اكتب علية اقرا من علية كانت النتيجة :
نقلت ملفات من ال SSD ل HDD ملفات متنوعة كانت السرعة تقريبا 55~70 م / ث
نقلت نفس الملفات من ال HDD ل SSD كانت السرعة تقريبا 150~210 م /ث
اعتقد ان كدة اتصلح تمام مفيش اثر للمشكلة ... ولو فية اى حاجة تانية ممكن اعملها للحفاظ على ال HDD ياريت تقولى عليها ^^ .. شكرا لحضرتك مرة تانية على المساعدة :ah4:
التعديل الأخير تم بواسطة kahled15486 ; 11-09-2012 الساعة 05:56
لو عايز تحافظ على الهارد أشترى باورسبلاى أحترافى لأن الباورسبلاى التجارى بيأثر على العمر الأفتراضى للهارد وجهازك ككل
فلو الباورسبلاى الموجود عندك من النوع التجارى اللى بيتباع ب 45 جنيه فى المحلات أرميه وأشترى باورسبلاى أحترافى ولو ناوى تشترى قولى على مواصفات جهازك بالتفصيل وأقولك تشترى أيه بالظبط.
الباور اللى عندى فعلا تجارى . ودى مواصفات جهازى بالتفصيل
Outside :
AVR: 1 KVA
UPS : 650VA
Monitor : Samsung SuncMaster SA100 / LCD-LED 17
Inside :
MB : MSI G31/ICH7 - MS-7528
CPU : Intel E5700
Ram : X2 KingStone 2GB / 800 MHZ
Graphic Card : Nvidia GeForce 9400 GT / core 550MHZ / 1GB / Trubo Cach
DVD Asus- DRW-24b3st
SSD- 64GB / SX900 / Sata III
HDD / 500GB /Blue Cover / 16 MB- Cach / WD5000AAkX
1X Mid Fan + 2X Small Fan for Chipset
باورسبلاى 300 وات سيكون كافى بأذن الله لكن يفضل شراء باورسبلاى أعلى للأمان وأفضل باورسبلاى 350 وات متوفر فى مصر هو HEC-350TN-2WX
روح على مول سوق العصر هتلاقى محلات كتير ممتازة زى Maximum Hardware و Magic4Computer و High End
وفيه محل متأكد أنك هتلاقى عنده الباورسبلاى لأنى لقيت عنده أنواع كتيرة من الباورسبلاى وأشتريت منه الباورسبلاى ال Antec 450W الموجود عندى والمحل جنب محل ماجيك على طول وهتلاقى محل ماجيك أول ما تطلع من على السلم فى الدور الثانى.
المفضلات