اللى فهمتوه انك عندك وصلة نت وعاوز تطلع منها وصلة للكمبيوتر ووصلة للرسيفر ... يبقى كدة انته مش محتاج اسبليتر خالص دة بتاع حاجة تانية ... انته محتاج سوتش اقل حاجة اربعة بورت تى بى لينك تقريبا ب 45 او 50 جنية
استفسار عن كيفيه توصيل اكتر من جاهز على وصله نت يإستخدام سبليتر
السلام عليكم ورحمه الله وبركاته
انا مشترك فى وصله نت مع جيرانى وجبت ريسيفر محتاج وصلة نت,, احد الاصدقاء قالى اشترى سبليتر وفعلا اشتريته ب 5 جنيه مش عارف ده نوع ردئ ولا ده السعر الطبيعى,, المهم لما بوصل بالسلبيتر بلاقى فى الكومبيوتر مثلث اصفر والريسفير مبيفتحش القنوات يعنى لا ده شغال ولا ده شغال,, مع العلم انى لما بشيل وصله التانيه بتشتغل وغيرت الاماكن وبرضه المشكله مستمره,, يا ترى فيه حل للموضوع ده :ah4:
اللى فهمتوه انك عندك وصلة نت وعاوز تطلع منها وصلة للكمبيوتر ووصلة للرسيفر ... يبقى كدة انته مش محتاج اسبليتر خالص دة بتاع حاجة تانية ... انته محتاج سوتش اقل حاجة اربعة بورت تى بى لينك تقريبا ب 45 او 50 جنية
اه لازم تجيب سوتش لو عاوز تشغل الكومبيوتر والريسيفر في نفس الوقت اما لو هتغل واحد منهم بس في نفس الوقت ففي وصله كده بجنيه تنفع معاك
بس انصحك بالسوتش افضل
انا بصراحه خايف اجيب سويتش وميشتغلش,,, فيه واحد صحبي قالى ان الكونلفيكت اللى بيحصل ده اختلاف التأريج بتاع السلك عشان الوصلتين جاهزين متأرجين لكن فيه واحده انا مأرجها بكلبسين عادى.... وسؤال تانى لو انا عايز اعمل واى فاى من وصله النت دى ينفع ولا لا؟؟ ولو ينفع هحتاج اشتري ايه وتكلفته اد ايه؟؟؟؟
لو هشغل واحده ازاى تقصد ان الاتنين مينفعوش مع بعض الا بسويتش,, وايه الوصله اللى بجنبه دى اسمها ايه ؟ :o
تمام يا اخى,, شكرا لردك واهتمامكالمشاركة الأصلية كتبت بواسطة thexman_2050
سوتش بتوصل والتاريج بتاعه زى سلك النت العادى ... ولو عاوز واى فاى من الوصلة لازم تجيب حاجة اسمها اكسس بوينت ودة انواعه كتيرة فى استقبال وفيه استقبال وارسال واعتقد بيتدى من 165 جنية
انا عايزه استخدمه ان الموبيل يفتح يلقط منه يبقى كده يبقى ارسال ولا ايه؟؟؟ ا
تمام يبقى ارسال
طيب ده هجيبه بدل السويتش ولا لازم معاه سويتش عشان اشغل الكمبيوتر مع الريسيفر؟؟؟ وعذرا للاطاله
_ اخى الكريم بالنسبة انك عاوز تاخد وصله للرسيفر و وصلة للكمبيوتر فى نفس الوقت و الوصلتين يشتغلوا
انك تجيب سويتش 4 بورت تركب فيه السلك الرئيسى اللى انت موصل منه من جارك مثلا تاخد واحدة للجهاز و واحدة للرسيرفر و بكدة الاتنين هيشتغلو فى نفس الوقت
_بالنسبة انك عاوز تشغل ويرلس للموبايل انك تشترى اكسيس بوينت و تاخد وصلة من السويتش تركبها فى الاكسيس و بكدة تقدر تدخل على الموبايل عن طريق الاكسيس
اسف بعتذر هطول عليك انا عايز افهم ايه الحاجه التانيه دى,, السبليتر ده بيتعمل بيه ايه؟
طيب الوصله اللى جيالى منه مش من الراوتر من سويتش ينفع اركب سويتش على وصله جايه من سويتش؟؟ هيشتغل يعني ولا لازم اكون واخد من الراوتر؟؟؟
ها يا جماعه هينفع اوصل سويتش على وصله جايه من سويتش مش من راوتر؟:ah4:
المفضلات