مره اخرى مشكله الحراره في i7 4790 ...

[TheLeader]

السلام عليكم اعضاء المنتدى الكرام ,

كنت عملت من فتره موضوع عن إرتفاع درجه حراره البروسيسور بتوصل لـ 45 ~50 في وضع الخمول

والناس مشكوره ساعدتني بالحلول وتوصلنا لإن الباور كان متركب غلط , اعدت تركيبه بطريقه صحيحه ( وشغلت التكييف ) وتقريباً كنت فاتح الباب بتاع الـ case فـ درجه الحراره رجعت 35 المهم بعد فتره من الوقت وصلت 50 تاني !!!

بعد كده فكيت المروحه لقيت بواقي المعجون مسحتها بالقطن وشغلت الجهاز لقيت درجه الحراره وصلت 70 في وضع الخمول دخلت على الـ motherboard رجعت كل حاجه للـ default ونفس المشكله برضو

الغريبه إني دلوقتي فاتح اللاب ودرجه حراره البروسيسور 52 وفاتح chrome بس

فـ في كذا نقطه ارجو الإجابه عليهم

1-هل درجه حراره الغرفه هي السبب الرئيسي ؟ احنا في مصر دلوقتي درجه الحراره 31

2-لو حبيت اجيب مشتت إحترافي اجيب انهي نوع وهل يبقى مائي ولا عادي ؟ وياريت لو يكون متوفر في مصر تحديداً على ******** علشان اعرف اروح اجيبه منين بالظبط

3-هل المعجون فيه فئات كتيره ؟ يعني هل في غالي ورخيص ؟ وانهي احسن انواع ليه

4-هل البروسيسور يحتاج إلى معجون بنسبه 100% ؟ يعني ماينفعش اركب البروسيسور من غير المعجون نهائي وإلا درجه حرارته هترتفع ؟

5-انا في 4 اماكن زياده في الـ case ممكن اشتري ليهم مراوح , فـ لو اشتريت المراوح دي اجيب انهي نوع وتوزيع الحراره يبقى إزاي

واخيراً اسف إني بتعب الناس معايا

[محمد السنهوري]

وعليكم السلام

1_طبعا من اهم الاسباب لارتفع درجه الحراره الكيس. ويتم التغلب عليها بتركيب مراوح كثيره للكيس .

2_هناك عده أنوع منهاcorsair & Cooler Master & CRYORIG ومتوفر بعض منهم في المتجر هناl وهم من النوع الهوائي وانا شخصيا عن أستخدام شخصي ارشحلك أيفو 212 وتمنه حوالي 350 جنيه لو المزانيه متسمحش اذكر المزانيه وارشحلك واحد أخر .

3_طبعا هنا الاحترافي وهناك الرخيص والافضل الحترافي بالطبع وتمنه من 70 ال 100 ودائما شكله مثل الحقنه ولكن صغيره الحجم ولايهم النوع فهم داءهم واحد

4_ينفع يشتغل من غير معجون بس اخره معاك 5 ايام ويحترق ولاتفعل هذا أطلاقا المعجون لا يقل اهميه عن المشتت.

5_يجب ذكرا باقي مكونات الجهاز لنتبين هذا الامر قد تحتاج الي 2 او اربع مراوح لاكن امكانيات جهازك ستحدد ولو الميزانيه تسمح يفضل شرا الاربع وارشح لك CoolerMaster SickleFlow X وتمنها من 70 الي 85 جنيه . ومتوفره ايضا في المتجر.

[TheLeader]

جزاك الله خير ,

طيب انا لو جبت المشتت ومروحتين و المعجون الإحترافي تتوقع درجة الحرارة هيحصل فيها تغيير ولا هتفضل عند الـ 45 ؟ في حين إن باقي قطع الجهاز من 30 لـ 35 في الخمول

[محمد السنهوري]

أنشاء الله بنسبه 100 %

[الفواخيري]

انا متفق مع كلام الاخ محمد السنهوري انا عندي نفس المعالج والكيس كولر ماستر 690 الاصدار 3 والكولر برده كولر ماستر ايفو 212 جبته من عند هاي اند ب 300 ج وزي الفل درجة الحرارة في وضع الخمول من 34 ل 38 ولما بلعب مثلا لعبة ثقيلة بتوصل ل 58 ودرجة حرارة الغرفة عندي عادي فانا انصحك بيه.

[ayoub_bob]

التهوية ونظام التبريد للكيس
هو رقم 1
وبعدين المبرد
يعنى تكيف في الغرفة بدون نظام تهوية احترافى في الكيس لن تستفيد من التكيف بالنسبة للتبريد للكمبيوتر
يعنى انظر مثال
طبعا مع اختلاف الهاردواير
انا مش مشغل تكيف شوف الحرارة
==


وهنا انظر الاستفادة الى اقصى درجة من تشغيل التكيف في الغرفة
انظر للحرارة



طبعا كان نفسى اصل لدرجة حرارة
14c
ولكن الحمدلله
كل قطع الهاردواير
في التوقيع
مع تحياتى لكم ولجميع الاخوة الكرام

[TheLeader]

جميل بما إنك من مصر تنصحني إني اعمل ايه ؟ اشتري مراوح تهويه ومشتت احترافي للبروسيسور ؟

وهل بدون المعجون او عند إستهلاكه تصل درجه الحراره إلى 70 في وضع الخمول !! ؟

[Yasser]

عندك عند الضغط على المعالج فى لعبه حديثه مثلا الحراره بتوصل كام.......لغايه75 ده طبيعى...... لكن لو اخرها 80 وعند الخمول خمسين ايه المشكله بالنسبه لك؟....المعجون الحرارى مهم ولو معجون عادى غيره كل 3 اشهر وزود مروحه فى الكيسه حطها على الباب واقلبها عشان تدخل تيار والمروحه الاصليه الخلفيه تطرد.....الفيصل معاك حراره قصوى كام

[TheLeader]

تخيل لما يبقى في وضع الخمول 70 عند الضغط عليه هيبقى كام ؟ مش بعيد يتحرق بعد ساعتين لعب اكيد مش هيبقى 70 في الخمول و 80 في الضغط

درجه الحراره 50 في وضع الخمول دي حاجه وحشه طبعاً او غير محببه على الإطلاق مقارنه بباقي قطع الجهاز من وجهه نظري

[Yasser]

حط معجون جديد وشوف عند الضغط ...طالما الهارد وير ماتعملوش كسر سرعه واتلعب فى الفولت المصنعى على حد علمى المروحه اللى جايه معاه كفايه وحلول زى تغيير المعجون دوريا+ضبط تهويه الكيسه تغنيك عن مشتت .....معاك تجيب 212 المشتت مثلا كويس بس انته اللى تحدد لازمك ولا لا

[TheLeader]

انا مشكلتي مش مع الضغط حالياً , انا مشكلتي إن الجهاز من أول ما بيشتغل درجه الحراره بتفضل تعلى كل ثانيه لحد ما تثبت على 70 .

[ayoub_bob]

أخى العزيز
ماهى نوع الكيس لديك
وهل هي كيس احترافية ام لا
بس اللى واضح من كلامك ان الكيس لديك بتسبب في احتباس الحرارة
يعنى ليس بها مراوح كفاية لسرعة اخراج الهواء الساخن من الكيس
على العموم عشان نجيب من الاخر
نوع الكيس وكم مروحة هواء بها وطريقة تركبها
مع تحياتى لك

[Chrono Cross]

عندي نفس المعالج مع معجون احترافي و مشتت cryorig h5 ultimate +case nzxt phantom 820 و درجات حراره اثناء خمول بدون تكييف 28

[TheLeader]

أخى العزيز
ماهى نوع الكيس لديك
وهل هي كيس احترافية ام لا
بس اللى واضح من كلامك ان الكيس لديك بتسبب في احتباس الحرارة
يعنى ليس بها مراوح كفاية لسرعة اخراج الهواء الساخن من الكيس
على العموم عشان نجيب من الاخر
نوع الكيس وكم مروحة هواء بها وطريقة تركبها
مع تحياتى لك

Case Crossair spec -01
وفيها مروحه واحده زي الصوره

[ayoub_bob]

هي واحدة من دوول صح
التبريد غير كافى اخى العزيز
وخصوصا انك أيضا تستخدم المبرد القادم مع المعالج
ومش عارف انتا اين سوف تضع مرواح التبريد
وأيضا باب الجانب بلاستيك
وليس بة مكان لمرواحة
دة في حال انها واحدة من هذه الكيس
===
https://cdn5.thinkcomputers.org/wp-c...air-spec-1.jpg

===
بس ممكن تفتح بالجانب
في اللوح البلاستيك
بس دى محتاجة محترف حتى لا يتم تشوة المنظر
وتضع مروحة في الأعلى لسحب الهواء من الداخل للخارج
ومروحة الجانب لدخول الهواء من الخارج للداخل
دة عن رائى
وانتظر أيضا رد الاخوة الكرام مع تحياتى لك