ألحقوني يا جدعان ونبي الجهاز لسه جديد مكملش يومين ومش عارف حصله ايه :(

**youlost** · 31-01-2013, 02:54

سلام عليكم
انا كنت جايب جهاز ديل 7520 اللي بهارد اس اس دي و البلوراي وكده .. المهم الجهاز وصلي امبارح كنت جايبه من شركه جوميه ووصلي امبارح وكله تمام فتحت الجهاز وبصراحه اشتغل عشره علي عشره وكله تمام بس صحبي قالي هات بتاع 5 اسطوانات ديفيدي عشان تعمل ريكفري للنسخه انا جبت الخمس اسطوانات فعلا وجيت انهارده بقي من شوية اعمل ريكفري للنسخه شغلت اللاب بالبطاريه مش بالشاحن وهو بيعمل ريكفري للجهاز وخلص اول اسطوانه ودخلت تاني اسطوانه راحت البطاريه فصلت وبس جيت افتح الجهاز مش راضي يخش علي النسخه خااالص تااااااني وهيا كانت نسخه 8 64 bit ومش عارف اعمل ايه ده انا مقعدتش علي الجهاز لحد دلوقتي ساعه كامله علي بعض وكنت عارف ان هيحصل حاجه في الجهاز

ولسه الهارد بارتشن واحد ولا عملت ايه حاجه في اي حاجه بصراحه انا مقفول ومخنوق اوووي ومش عارف اعمل ايه

هل كده النسخه الـ 8 راحت ؟ وهل ينفع انزل نسخه 7 طيب ؟ واقسم الهارد وكده ولا ايه

**Ahmed-Momtaz** · 31-01-2013, 03:11

النسخه كلها في السريال نمبر
نزل اي نسخه 8 نضيفه تكون هوم بريميم ودخلها السريال اللي ملزوق علي اللاب من تحت وكده تبقي معاك نسخه اصليه 100%

**youlost** · 31-01-2013, 03:15

يعني دي حاجه عاديه ؟ الجهاز لحد دلوقتي مش قعدت عليه والله ساعه كامله علي بعض :D

ويوم ما جيت اقعد عليه خربتها ضيعت النسخه ههههههههههههههههههههههه :D

طيب تمام انا كده ولا كده كنت عايز اعملها ريكفري عشان اسطب 7 لأني مش عايز 8 دلوقتي بس السيريل موجود علي ضهر أسطوانه التعريفات اللي جايه مع الجهاز والاسطوانه دي واحد قريبي بيقولي ممكن يكون فيها ريكفري اصلا مش عارف كلامه صح ولا لاء ^^

بس واد صحبي قالي الجهاز ده لازما تكسرله الاول شفره السفن عشان تعرف تنزلها عليه من حق الكلام ده ؟ وانا اصلا لسه مش قسمت اي حاجه في الجهاز

**Ahmed-Momtaz** · 31-01-2013, 03:21

لو معرفتش تسحب الريكفري ، كل اللي هتخسره التعريفات ، والتعريفات ممكن تجيبها من موقع اللاب
وفيه ناس كتير اصلا مبتحبش الريكفري عشان بيرجع الهارد اكنه جديد وكده ، فالاغلب اصلا بيفكسوله وبينزلوا نسخه زي اللي كانت جايه مع اللاب ويحطولها السريال اللي في ضهر اللاب
بالنسبه لكلام كسر الشفره ده ، انا اول مره اسمعه ومسمعتش عنه غير في موبايلات الايفون عشان تشغل الشرائح الاصليه واجهزة الاكس بوكس والبلاي ستيشن عشان الالعاب :D
علي حد علمي مفيش الكلام ده

**youlost** · 31-01-2013, 03:24

يعني الريكفري ده يوم اما اعمله هيرجع الهارد من اول وجديد واكنه جديد !!! لاء يا اخويا وعلي ايه احسن ان هو راح والنسخه راحت معاه :D:D

طيب تمام انا دلوقتي الجهاز اما بيجي يخش بيجي يقف عند كلمه Dell مش بيكمل .. عايز دلوقتي اقسم الهارد وانزل نسخه 7 ومش عارف اعمل ايه ؟ :D

**Ahmed-Momtaz** · 31-01-2013, 03:28

هنا بقي واقلك استني حد يعرف اكتر يكمل معاك ، انا اخر طريقه كنت بعرف اقسم بيها بتاعت ويندوز اكس بي ديليت اند كرييت نيو بارتيشن :D
بس تقريبا انت ممكن تسطب نسخه عادي علي البارتيشن الوحيد اللي عندك ، ولما تدخل علي ويندوز 7 نفسه تقدر تقسم من غير برامج ، بس برضه استني حد يفيدك اكتر

**youlost** · 31-01-2013, 03:31

تسلم يا غالي فعلا هسطب كده نسخه 7 اي حاجه وانزل برنامج التقسيم واقسم الهارد وارجع انزل بقي النسخه الـ 7 النضيفه واسطب عليها بقي التعريفات وكله ^^

**youlost** · 31-01-2013, 12:40

الحمد لله والشكر لله ,, سئلت واحد صحبي انهارده اما صحيت من النوم قالي الجهاز اعتقد بنسبه كبيره بيكون فيه ريكفري علي النسخه انتا اول ما تفتح الجهاز دوس f8 وهو هيرجعلك النسخه تاني لأخر حاجه انتا عملتها وفعلا اول ما اشتغل فضلت ادوس علي f8 وراح مرجع النسخه ورجعت لاخر مره اتقفلت عليها لووووولوووووووووووووي :D

وقالي الاسطوانه اللي جايه معاه كمان احتمال كبير اوي تكون فيها ريكفري كمان ^_^