اخى فى الله..
نصيحة وانتا بتزاكر لازم تزاكر بورقة وقلم وتكتب كل الى انتا بتسمعة دة بيثبت المعلومة عندك بشكل كبير جدا جدا وتحتفظ بالكشكول الى فية المزاكرة دى وفى نهاية او ظهر الكشكول اكتب الاسئلة الى انتا بتسمعها فى الفيديو لان فية اسئلة كتير جدا المهندس احمد سرحان بيقولك ممكن يسألك فى الانترفيو فى الحته دى ويقولك كذا كذا كذا فاكتب الاسئلة دى فى نهاية الكشكول بحيث بعد متخلص ان شاء الله نهاية القرص تلاقى نفسك عندك كشكول بالشرح وكل الاسئلة الى المهندس احمد قالها فى الفيديوهات وابقة اكتب جنب كل سؤال دة فى انهى فيديو وفى الدقيقة الكام علشان لو بعد كدة حبيت تسمع الاجابة تانى مسافة لما تجيب السؤال وتجيب مكانة فى انهى فيديو وانهى دقيقة تقدر وقتها تراجع الاجابة ..
معلشى الطريقة الى بقولك عليها دى هتاخد منك وقت شوية وانتا بتزاكر الفيديو يعنى الفيديو مدته ساعة انتا هتذاكرة فى ساعتين لان كل شوية توقف وتكتب الخلاصة الى فهمتها والاسئلة الى سمعتها ..
ولكن اوعدك بعد متعمل كدة هتبقة أسد وقاعد فى الانترفيو لانك لما تجاوبة هتجاوبة بطريقة علمية منظمة زى مسمعتها فى الشرح مش تقعد تجيب كلمة من الشرق وكلمة من الغرب ..
وانصحك بالاسلوب دة وانتا بتذاكر اى فيديو فى اى قرص لان الفيديوهات دى المفروض بعد متخلص الفيديو تبقة قادر تحدد النقاط الرئيسية الى اتشرحت فى الفيديو وفهمك هيبقة بشكل منظم مش تبقة اكنك بتسمع فيلم ولما تيجى بعد متخلص تلاقى نفسك بعدها مش عارف تقول جملتين منظمين على بعض..
ثانيا الكشكول دة هيبقة مرجع ليك بعد كدة يعنى لو عايز تراجع القرص والنقاط الرئيسية فى الشرح هتقرأ الكشكول فى عجالة سريعة فتسترجع الشرح بدل متقعد تشغل فيديوهات بالساعات ودة ميمنعشى انك ممكن تنسى حاجة وترجع للفيديو فيها دة شى طبيعى ..
وعليك بالعملى ثم العملى ثم العملى لا تكتفى بسماع وكتابة الشرح وخلاص لا اعمل كل حاجة بايدك هتقابلك مشاكل مقابلتش المهندس فى الفيديو تقعد تدور وتبحث على النت عن سبب المشكلة وحل ليها ولو توصلت للحل اتحداك لو نسيته تانى ...
اعتذر للإطالة فى اجابتى واتمنى اكون قدرت اساعدك
قد تتفق معى فى هذة الطريقة او تختلف ولكنها عن تجربة فعالة جداا
المفضلات