مستنى حد يرد
طب انا عايز اعرف الاب ده نظامه ايه وكرت الشاشه ده وحش ولا ايه وموجود فى مصر واى حاجه فيه وحشه مش بينه
Satellite A505-S6040
مواصقاته
https://laptops.toshiba.com/laptops/...500/A505-S6040
مستنى حد يرد
السلام عليكم و رحمة الله و بركاته
أخى الحبيب أولا تفضل هذا الموقع به مقارنة و ترتيب للمعالجات و كروت الشاشة من الافضل للاقل
و به تقارير عن اغلب اللاب توبات
www.notebookcheck.net
و لو عايز تعرف مواصفات كل موديل يبقى تدخل على موقع الشركة (توشيبا - ديل - إتش بي - ...)
و بالنسبة للموديل اللى انت قايل عليه فمواصفاته ممتازة جدا ما شاء الله و بالذات المعالج و كارت الشاشة
و هذا تقرير عن كارت الشاشة و آداؤه فى بعض الالعاب
https://www.notebookcheck.net/NVIDIA...M.22437.0.html
و عيبه الوحيد (و هو عيب بسيط جدا و لا اعتبره عيب شخصيا) هو عدم وجود بلوتوث داخلى و يمكن ان تستخدم قطعة بلوتوث usb خارجية سعرها 10-30 جنيه بالكتير
و دى صورتها
و عموما لو مالقيتهوش فى مصر ممكن تستناه لغاية ما ينزل مصر أو تخلى شركة من اللى بيستوردو اللاب توبات تجيبهولك (بس تكون موثوقة) و فى الحالة دى على فكرة هيبقى ضمان الشركة دى مش ضمان الوكيل (توشيبا العربى و هو افضل)
أو تشوف موديل تانى من نفس الفئة (بس ممكن تلاقى المواصفات اقل) او الفئات دى
Toshiba satellite A500
Toshiba satellite A505
HP Pavillion DV6
HP Pavillion DV7
ثانيا :
قبل أى شئ اعلم اخى الحبيب ان التكنولوجيا نعمة من الله سبحانه و تعالى
و يجب علينا أن نشكره سبحانه و تعالى على نعمته و فضله
و يجب علينا ألا نجحد فضله و نستخدم هذه التكنولوجيا فى معصيته
و لذلك أنصحك أخى ان تبتعد عن مشاهدة الأفلام (كما تقول فى مشاركتك الأخرى) و أن تستخدم الجهاز فيما يرضى الله تعالى
و يجب علينا ألا يغرنا صبر الله علينا
و أشهد الله أن أى استخدام يغضب الله تعالى فانا برئ منه
و و الله أخى الحبيب أنا لم اقل هذا الكلام إلا حبا فيك و خوفا عليك
و بارك الله فيك
انا بقول استخداماتى العاب مشاهده افلام اللى هيا مصريه زى اللى بتيجى فى التيلفزيون تصفح نت ده كل اذدى وشكرا على التوضيح وكونت عايز اعر معنى كلمه كسر السرعه ودى لايه بالضبط وحضرتك بتقول ان كرت الشاشه حلو مع انه موجود بعد كروت شاشه كتير فى الموقع
ما هو انا ياباشا قصدى و الله العظيم على الافلام بتاعة التليفزيون دى :D
و دى مليانة مخالفات شرعية
أما كسر السرعة فهو زيادة تردد المعالج أو كارت الشاشة عن اللى الشركة محدداه و طبعا ده بيدى اداء افضل بس مشكلته الرئيسية فى الحرارة و التبريد عشان كدة ماينفعش فى اللاب توب , لكن فى الديسك توب منتشر قوى , و طبعا لو عايز معلومات اكتر روح قسم كسر السرعة هنا فى المنتدى هتلاقى شغل جامد بإذن الله
و كارت الشاشة كويس ما شاء الله
و صحيح قبله كروت كتير بس هو ترتيبه يعتبر متقدم , خاصة لو قارنته بأغلب الكروت اللى موجودة فى الاجهزة دلوقتى , هتلاقيها اقل , وفى اجهزة كروت الشاشة بتاعها اعلى , بس سعرها اغلى شوية
و أفضل دليل على آداء الكارت هو النتائج اللى الموقع حاططها عن آداء الكارت فى الألعاب و هتلاقي الكارت مشغلها على ال medium و بعدد فريمات كويس ما شاء الله
انما لو عايز كارت أعلى فى عندك ال ATI 4650 1 GIGA ده كارت ممتاز ما شاء الله
طيب ممكن اعرف انى افضل لاب توب فى دول من حيث استخدماتى وسعرهم ياجى كام فى مصر
https://h10010.www1.hp.com/wwpc/me/a...5-4099871.html
https://h10010.www1.hp.com/wwpc/me/a...4-4043739.html
https://h10010.www1.hp.com/wwpc/me/a...4-4043718.html
أفضلهم من وجهة نظرى هو
https://h10010.www1.hp.com/wwpc/me/a...4-4043739.html
لأن المعالج core i7 و ده أحدث و اقوى ما انتجته انتل
و لكن كارت الشاشة اقل قليلا من الاتنين التانيين
https://www.notebookcheck.net/NVIDIA...M.17646.0.html
أما الاتنين التانيين فكارت الشاشة بتاعهم ممتاز بس المعالج أضعف من ال CORE I7 , كمان أنا شخصيا لا أحبذ AMD للاب توب
خلاص انا استقريت على ده اللى حضرتك اولته وهجيبه ان شاء الله بس ممكن اعرف سعرف فى مصر كام علشان انا من العاشر من رمضان ولما هنزل مصر علشان اجيبه ابقى عامل حسابى
أعتقد سعره حاليا فى حدود 7000-8000 جنيه
أو أقل
مش متأكد حقيقة
طب ممكن اعرف الاماكن اللى اشترى منها
سوق العصر
مول السخاوى
و الإخوة اللى من القاهرة يفيدوك أكتر إن شاء الله زى الاخ VancouverEG و الأخ Mezoxin
المفضلات