السلام عليكم ..

بداية أحب أشكركم على جهودكم المبذولة في المنتدى .. واللي استفدت منها وصارت مرجعي الاول لأي اشكال أو سؤال بالهاردوير .. و يشرفني الانضمام لكم ..

ندخل بالموضوع ..

أول شي انا انقطعت صلتي بالهاردوير و تجميع الاجهزة من عام 2004 تقريبا .. ومعها نسيت كثير من الامور الي تخص هالمجال لانشغالي بأمور اخرى .. فجهازي الحالي معالجه بينتوم 4 بسرعة 3000 .. و برام 2 قيقا .. وكرت شاشه متواضع ..

طبعا اقول متواضع بسبب التطور الهائل بمجال الهاردوير و كروت الشاشه خلال فترة انقطاعي ..

فكرت بتطوير جهازي .. لكني من خلال متابعتي وقراءتي لمواضيع المنتدى تأكدت اني ما راح احصل الميزات المطلوبة في وجود هذا المعالج .. فلذلك قررت تغييره ومعناها راح اشتري جهاز جديد اوفر و أكثر عمليه ..

انا طولت الموضوع .. باختصار شديد ..
راح يكون الجهاز مخصص للألعاب و الافلام ..
و راح اوصله بشاشه الLCD عبر وصلة الـ HDMI ..
يعني من دون شاشة فقط كيس..

الميزانية المتاحة 4000 ريال ..
وافضل معالجات الانتل ..

جهازي الحالي بيكون من نصيب اخوي..
يعني ماراح احاول الاستفادة من اي قطعه فيه ..

انتظر تفاعلكم معي ..

وشاكر لكم جهودكم ..

تحياتي
Hero!