السلام عليكم
الموضوع ده فكرته عجبتنى لقيتها بمنتدى اخر حبيت انقلها علشان نستفيد سوا ان شاء الله
الفكرة انك بتروح تعمل مقابلات ايه الاسئلة اللى اتسألت لك وازاى كانت اجاباتك عليها
.................................................. ...................
انا عندى ثلاث مقابلات عملتهم هحيهم لكم
احب ابتدى بالأظرف
رحت لشركة الممتحن بيسألنى طبعا انت معاك ايه فى الشبكات ودارس فين وكل ده المهم
فى الأخر بيقول لى احنا عندنا عدة مواقع وبكل موقع فيه سيرفر ( ياريت الكل يخلى باله معايا علشان كمان اعرف انا غلطت ولا صح ) والسيرفرات دى كلها مربوطه بموقع على الانترنت وعلى المواقع دى كلها يوجد برنامج المحاسبة بيدخل كل شوية بيعمل تحديث للبيانات من على الموقع على الانترنت
يعنى بالعربى
كل موقع بيبعت بياناته على الموقع ويستقبل هو كمان الجديد اللى المواقع الاخرى بترسلها على الموقع
والموقع اللى على الانترنت ده هو موقع الشركة منتجة البرنامج
معايا ياشباب محدش يتوه منى
المهم هو بقى بيسألنى انا عاوز موقع خاص بى علشان سرية البيانات ( علشان الشركة منتجة البرنامج ممكن تخش تشوف البيانات ) وسالنى مش كده قلت له صح طبعا همه اللى عاملين البرنامج ويقدروا يشوفوا كل حاجة
قلت له ماشى انت ممكن تعمل تحجز اسم ومساحة على موقع او تحجز سيرفر كامل لو يتطلب الامر
وبعد كده تعمل على السيرفر الجديد دومين وتربط سيرفرات المواقع كلها به وبكل موقع عليه دومين فرعى من الدومين الرئيسى
فقال لى طب الموقع اللى بحجز عليه مش ممكن يشوفوا البيانات قلت له اه بس انت عليك تشوف موقع موثوق فيه
وبعد كده قلت له فيه حل تانى ان انت تعمل لك سيرفر مخصوص وتنقل عليه اسم الدومين وتعمل عليه الموقع بتاعك وبكده كل بياناتك تبقى عندك ومحدش يطلع عليها
ده كانت أول مقابلة وعلى فكرة كان من كلامه بيان انه عنده مشكلة بيشوف لها حل ومش محتاج بتاع شبكات ولا حاجة
فعلا الحركات دى بتحصل كتير
المقابلة التانية
الاسئلة
- كلمنى عن نفسك انت بتعرف تعمل ايه
- بتعرف تعمل اصلاح للويندوز
( الموضوع بالنسبة لى هنا نسبى )
- بتعرف exchange
(وصاحبكم طبعا مش بيعرف اكستشنج لسه )
-اختبار فى تأريج كابل
( للأسف الألوان متظبطتش معايا كلها لمبة واحدة منورتش)
ده اللى انا فاكره لغاية دلوقتى
المقابلة الثالثة
- ماهو
tcp
- ورينى فين الدومين المربوط عليه الجهاز ده
- فين الايبى ( وطبعا كان فيستا فمعرفتش فقال لى طب ورينى على الدوس رحت داخل
ipconfig/all
- بتعرف اكستنشنج
- بتعرف اوفيس
-بتعرف تعمل معادلات فى الاكسل
-بتعرف تعمل اصلاح للمشاكل
troubleshooting
-ماهو
dns
ضوابط المشاركة
المفضلات