السلام عليكم ,,

أنا بعد بحث علي النت و بقالي أكتر من شهرين متابع موقعكم الجبار ده ,لاقيت إنكم أفضل ناس ممكن يتاخد رأيها في حالة شراء لاب توب زي ما اخذت رأيكو عند شراء الجهاز المكتبي بتاعي .

بعد بحث طويل انا وقفت عند الموديل ده من HP
HP Pavilion dv5-1135ee
إمكانياته حلوه جدا جدا و كمان ناوي اول ما اجيبه ازودله رامه 1 جيجا علشان يبقي مش ناقصه حاجه.
كارت الفيجا الموجود معاه هو (Gforce 9600m gt 512 ) و انا شايف انكو عمالين بتقولو ان كروت ال ATI أفضل من ال NVIDIA .......... ولكن انا ملاقتش جهاز فيه كارت ATI قوي زي ال Gforce 9600m gt 512 اللي موجود في الجهاز ده... و لا انتوا كلامكو بيبقي علي أجهزة الكمبيوتر العاديه و بس ؟؟

فا بعد إذنكوا و انا عارف إنكو مش هتسيبوني أضرب و أقلب مع نفسي .

أنا محتاج رد تفصيلي عن مكوناته و هل هي حلوه و قويه و لا هي ضعيفه .. و يااااااا ريت أخر سعر ليه في مصر؟؟
و يا حبذا لو ليه صور ,, علشان انا شفت ليه صور و لكن مره الاقيه لونين ( فضي ميتالك X اسود ) أو ( فضي ميتالك كلو علي بعضو ) فا هو انهي صوره من اللي انا شوفتها...

بس ياااااريت يا أحباب الله ترودوا عليا في خلال يوم علشان انا في ظروف صعبه و محتاج اللاب توب النهارده قبل بكره .
و انا أسف إن كنت تقلت عليكو يا شباب,,,