ما هى أفضل طريقة لتعلم الإنجليزى الخاص بمناهج سيسكو

[mohamedzohdy]

السلام عليكم ورحمة الله وبركاته
اخوانى الكرام
أريد من كل شخص يستطيع أن يفيدنا فى هذا الموضوع أن يساعد ولو بأى معلومة أصل انا بضيع يا شباب

:ah46:

دلوقتى كل مجال ال IT باللغة الإنجليزية فدلوقتى

ما هيه أفضل طريقة لتعلم الإنجليزى الخاص بالمنهج

سواء بالنسبة لقراءة الكتب الخاصة بالمناهج التعليمية مثل مناهج سيسكو ودلوقتى يا أخوة يعنى هل الأفضل الواحد يقرأ الأول ولا يسمع الفيدوهات الأول ولو هيسمع فيديوهات يسمع اللى باللغة العربية زى شرح الأستاذ محمد سمير أو الأستاذ محمد عزت ولا أية بالزبط ياريت يا جماعة كل واحد يقولنا تجربته فى تعلم الأنجليزى يعنى مثلا أنا مستوايا فى الإنجليزى زفت بالكتير بعبر عن نفسى فقط و منظر الكتاب بالانجليزى قصدى كتب المناهج التعليمية يرعب اصلى ما بعرف انجلزى كما ذكرت
أخوانى ياريت كل واحد فيكم يشارك برأية اللى مستواه كويس فى الإنجليزى يقولنا بيعمل
وهل فى قموس انجلزى خاص بسيسكو
طيب انا احفظ كلمات و اتعلام منين انا عارف انى بتقل عليكم فى الموضويع بس يجعل هذه فى ميزان حساناتكم :D
جزاكم الله خيرا

[mohamedzohdy]

:ah46::eek:!!!!!!!!!!!!!!!!!!!!!!:ah46:

[ahab]

السلام عليكم ورحمة الله وبركاته

أي كتاب هتدرسه هتلاقي اول شابتر منه صعب وبعد كده هتلاقي الكتاب معاك سهل
لأنك هتلاقي الكلمات بتتكرر أمامك وبالتالي هيكون الموضوع سهل بإذن الله

طبعا كل واحد ليه أسلوبه في المذاكرة

يعني أنا أعرف واحد ربنا يصلح حاله ويوفقه دايما كان بيذاكر ازاي ( مع إن لغته كويسه جدا )
- يبدأ بقراءة الموضوع من الكتاب - ولا يقف عند الأشياء الغير مفهومة
- يستمع إلى الفيديوهات باللغة الإنجليزية
- يرجع ويقرأ الموضوع من الكتاب مرة ثانية ولكنه يقف عند كل نقطة حتى يستوعبها تماما
- ثم يقرأ ال quick reference لتثبيت المعلومات

طريقة طويلة ولكنك ستكون مميز


طيب بما إنك جديد في مجال الشبكات وأنا لو مكانك هعمل كده

- هستمع أولا إلى الفيديوهات باللغة العربية ( كده أنا أخذت فكرة عن الموضوع وعرفت هو بيتكلم في ايه )
- هقرأ الكتاب ( كده أنا استفدت مجموعة من المصطلحات باللغة الإنجليزية )
- هستمع الفيديو باللغة الإنجليزية ( كده أنا بدرب نفسي على الاستماع )


بالنسبة للترجمة في قاموس مجاني رائع اسمه lingoes
عبارة عن برنامج بتحمله من الإنترنت من الموقع ده https://www.lingoes.net

على نفس الموقع تحمل القاموس اللي انت محتاجه ( عربي انجليزي ) ( انجليزي - عربي )

كمان تقدر تحمل المحتوى الصوتي الخاص بقاموس longman dictionary وهي أصوات حقيقية حتى تتعلم نطق الكلمة
بحيث إذا وقفت بالماوس على الكلمة ( حسب إعداداتك للبرنامج ) تسمع نطق الكلمة وتشوف الترجمة

نيجي للمهم
المشكلة ليست في إنك تتعلم الكلمات الخاصة بالشبكات لأن هذا سهل ولكن إنك تتعلم إنجليزي بشكل عام بحيث تقدر تستمع - تتكلم - تكتب

لو سافرت أي دولة حتى لو عربية فالتحدث بالإنجليزية في هذا المجال مهم جدا لأنك بتتعامل مع جنسيات كثيرة اللغة المشتركة ما بينكم هي الإنجليزية

لذلك لو تقدر تاخذ كورس انجليزي خذ ، ولو الماديات ما تسمح ، ابحث في المنتديات على كورسات تعليمية
يوجد كورس رائع اسمه English for You موجود على الإنترنت بكثرة يبدأ معاك من الصفر - وهو ثلاث مستويات
لو عندي وقت كنت درسته ولكن للأسف كل لما أبدأ فيه ، أنشغل وأتركه

الموضوع محتاج عزيمة لو كل يوم استمعت لدرس واحد فقط وطبقته ممكن تخلصه في ثلاث شهور

بالتوفيق

[mohamedzohdy]

ahab

مشرف الشهادات العلمية
كلام اكثر من رائع و سوف اعمل على ذلك ان شاء الله

[mohamed9191]

بجد الف الف شكر وجزاك الله كل خير الكلام جميل جدا خاصوصا القاموس انا كنت يأست من جوجل ترانسليت ده. واحب اشكرك تانى شخصيا والمنتدى كله كمان

[eyder33]

اولا اغلب الكتب التي تشرح مثلا مواضيع تخص التكنولوجيا تكتب بطريقة مبسطة ولا تكتب مثلا كالكتب الأدبية العالية اللغة وتستخدم نفس المصطلحات العالمية التي يجب على كل دارس ان يلم بها فهي بالتالي مبسطة
ثانيا حاول كل يوم تقرا حتى من اجل المتعة ولا تحاول ان تدقق في كل كلمة ولا ركز على المعنى العام او الفكرة التي يحاول الكاتب شرحها بعد ايام وأسابيع لا تضطر لاستخدام القاموس لأنك سوف تخمن معنى الكلمة التي لا تعرفها
حاول ان تشتري مجلة PC magazine وباللغة الانكليزية وحاول ان تقرا كل مواضيعها اقرأ من اجل المتعة لا تجبر نفسك انك تقرا من اجل الامتحان اقرأ من اجل ان تحصل على اخر المعلومات اولا