حمد وثناء ...... شكر وتقدير

[GHOSTEID0]

الف مبروك اخى فى الله وربنا يوفقك ديما

ممكن بس تقولنا انتا ذاكرت من ايه بالضبط يعنى شوفت انى شروحات وبترتيب ايه واخت كورس بره ولا لاء

ومدى معرفة بقسم الشبكات يعنى ليك خبرة سابقة

يعنى من الاخر قصة نجاحك فى CCNA

وربنا يوفقك وتوصل لكتر من كده باذن الله

طول ما فى بجد ناس كويسه زى الى معانا فى المنتدى باذن الله هنتقدم وهيبقى للعرب شأن فى الستقبل القريب

باذن الله

[GHOSTEID0]

يا ريت تقول كل حاجه
و تقول هل ذاكرت من الباس فور شير مع اعتذارى للادارة المنتدى

[mshforall]

السلام عليكم ورحمة الله

الله يبارك في الجميع وشكرا بجد على المشاعر النبيله في المنتدى الرائع دا وشكر خاص للمهندس محمد سمير علي المرور

أولا بالنسبة لموضوع الخبره السابقة قبل ccna فعلا كان في خبره سابقه انا هندسة اتصالات وكنت أخذنا كتاب اسمه

Computer Networking A Top Down Approach Featuring the Internet

لدكتور محترم جدا بذل معانا فيه شغل كويس

وبعد كده في أخر سنه كان مشروعي في الشبكات وكان مشروع الى حد ما جيد وكانت فكرته كويسه وهو عمل آداه بلغة java تعمل mangement & monitoring علي أي نقطه موجودة علي الشبكة بيشتغل عليها snmp protocol

وبعد كده خلصت الكليه ولله الحمد وأخذت الكورس في جامعة القاهرة مع مهندس هناك بس كان فعلا كورس محترم بس كان 640-801 المنهج القديم يعني

وبعدين حصلت المفاجئة الكبرى دخلت الجيش 3 سنوات ولا حول ولا قوة الا بالله ......................... طبعا نسيت الأخضر واليابس ...... لالا طبعا انا بهزر بس بعدت كثير عن الشبكات فترة الجيش

وخلصت 1-10-2008 المهم وانا في الجيش كنت شفت أول محاضرة للمبدع لومارك في ال dynamips وانا معرفش اصلا عرب هردوير دورت عليه وكانت الحلقه دي بصراحه عون كبير بعد الله عز وجل بس ياعم وبدأت رحلتي مع عرب هرد وير والأستاذ محمد سمير ربنا يبارك فيه

جزء من الأول حتى نهاية switching باللابات أظنه كفايه جدا من محاضرات المهندس محمد سمير

جزء Routing أنا اعتمدت فيه علي المحاضرات للمهندس محمد عزت مع مراجعة كتاب ICND 2في الأجزاء التاليه vlsm rip eigrp ospf

جزء wan اعتمدت فيه علي محاضرات المهندس محمد عزت أيضا وأظنها كفاية جدا بس مع ضرورة مراجعة Frame relay from ICND2

بالنسبة لجزء ACL & NAT أيضا محاضرات المهندس عزت ممتازة وكافية جدا

اما جزء Ipv6 & WLAN فالمحاضرات قليله الى حد ما بس ممكن تستعين ب محاضرة المبدع ياسر رمزي في Ipv6 وهي موجوده أيضا علي المنتدى

أما جزء ال dynamips فانا اكتفيت ب الحلقات 1 و 2 و 3 و 4 و 11 لعمل أي لاب في ccna

وكده ياسيدي نبقا خلصنا المنهج والحمد الله بس أهم حاجه فعلا هتفهمك المنهج الشغل العملي علي dynamips or packettracerوحاول تعمل أي حاجه انته شاكك فيه وشوفها بعينك عمرك ما تنساها

بس ياعم هي دي قصة الكورس بتاعنا
وربنا يوفق الجميع ويفرحونا هنا في المنتدى

[mohammedsn]

يا ريت تقول كل حاجه
و تقول هل ذاكرت من الباس فور شير مع اعتذارى للادارة المنتدى

الادارة تحاول بذل أقصي جهد لكي توفر لك كل المواد المتاحة
فأخي هذا لا يكون رد الجميل ان تتعلم من موقع و إدارته و تخالفهم و لا إيه ؟؟؟؟

[GHOSTEID0]

استاذى محمد سمير

انا لا اقصد و الله العظيم كلامى عن الباس فور شور

انا قصدى هل كان اعتماده على الباس فور شور و لا ذاكر الاول من الشروحات و بعدين حل امتحانات الباس فور شور

الا منتدى عرب هاردوير يا استاذ محمد

انا بدين لديهم بالفضل فى تعليمى الشبكات بعد ربنا طبعا
اوعى تزعل منى يا استاذ محمد

[mohammedsn]

أخي mshforallربنا يوفقك
كفارة يا سيدي عي الجيش ههههههههههههه
قولي بقي انت درست المنهج مع دكتور جمال عبد الفضيل و لا إيه أصله كان الدكتور بتاعي

و عموما شد حيلك يا بطل المشوار طويل احنا لسة بنذاكر لحد دلوقتي و يمكن أكتر منك كمان
عايزينك مشترك معانا في كورس ال CCIE إن شاء الله تعالي مهما ده كان حلم بعيد لكن إن شاء الله يجي اليوم و يتحقق
حاول بس تركز انت ناوي بعد كده علي ال CCNP و لا ال CCIP و لا CCSP و لا CCVP فالمجالات كتير يا بطل
و لا أقولك شد حيلك و خدهم كلهم و خلاص بقي :cool:

ربنا يوفقك يا رب و أتمني لك دوام التوفيق و النجاح
و بخصوص الاجزاء التي ليست مشروحة بال CCNA عما قريب جدا تكون مشروحة بإذن الله تعالي

[mshforall]

انا سعيد جدا والله بمشاركة حضرتك استاذنا محمد سمير في الموضوع

الحمد الله ....... أما انا يابش مهندس من جامعة المنصورة هندسة اتصالات والدكتور هو الدكتور أحمد عبد الله هو حاليا في جامعة طيبة بالمدينة المنورة لكن لم اتشرف والله بالدكتور جمال واكيد هو دكتور ممتاز أصل خرج من تحت أيده ناس محترمه جدا

وربنا يعينك علي إكمال الشرح بإذن الله ويكون شرح فريد زي ما تمنيت وأحسن إن شاء الله وربنا يوفقك ويجعله كله في ميزان حسناتك

ومحتاج نصحتك والله في الفترة الجايه زي ما حضرتك عارف ان موضوع CCSP , CCVP معتش ينفع لازم CCNA security or CCNA voip كده معتش الا NP or IP فالواحد محتار ومحتار أبدا بإيه فديوهات مث CBT ولا أخش علي الكتاب واتوكل علي الله
يعني لو عندك حضرتك وقت تبقى تدلنا

وعموما ألف شكر علي المرور والف شكر علي المحضرات بصراحة جمايلك بعد فضل الله عز وجل مغرقانا

[peeeep]

هل نمط السؤال الذى يندرج تحته عدة اسئلة مثل سؤال vtp
هل هذا السؤال يعتبر سؤال واحد ضمن 50 سؤال(باعتبار الامتحان 50 سؤال)
أم اذا كان يندرج تحته مثلا 9 اسئله فيعتر 9 أسئلة ضمن 50 سؤال..
ارجو الافادة لانى عندى امتحان قريبا
وجزاكم الله كل خير

[mshforall]

ربنا يكرمك ان شاء الله ويوفقك وتفرحنا هنا في المنتدى قريا ان شاء الله

عموما انا امتحاني كان 44 سؤال

وبالنسبة لنوعية الأسئلة اللي حضرتك بتستفسر عنها كل هذه الأسئلة تعتبر سؤال واحد من 44 سؤال

يعني هنفترض اني وصلت للسؤال 20 فداخل السؤال 20 ممكن يكون فيه أكثر من سؤال داخل السؤال 20

وربنا معاك وانا تحت أمرك في أي استفسار لا تتردد في السؤال

[peeeep]

انا متشكر جدا على الرد
وربنا يوفقك

[mshforall]

العفو أخي الكريم وربنا يوفقك ان شاء الله وانا تحت أمرك في أس استفسار اسئل ولا تتردد

[one-zero]

الف الف مبروك اخي العزيز و ان شاء الله عقبال الnp

[mshforall]

الله يبارك فيك أساتذي الكريم Wobooo انا سعيد جدا والله بمرورك واستاذنا كمان محمد سمير
يعني دا كثير والله ..................... وعلي العموم جزاكم الله خيرا

[peeeep]

أخى الفاضل mshforall علمت منك ان عدد اسئلة الامتحان كانت 44 سؤال
هل ممكن توضح لى كيفية تقسيم الاسئلة
بمعنى كام سؤال اختيارى وكام سؤال سيموليشن وكام سؤال هوت سبوت
وجزاك الله كل خير

[peeeep]

متشكر جدا يأخى ربنا يكرمك ويسدد خطاك ويجعل مثواك الجنة