اضحك على الاعلان ده (مطلوب مهندس شبكات)

**pirat** · 15-04-2009, 14:09

انا مختلف مع ناس ومتضامن مع ناس وانا هقول اللى الناس يقصدوة تقريبا هما يقصدوا انه يكون حاصل على الشهادات دى لكن خبرتة العملية قليلة ودى برضه معناها انه حديث التخرجح لانك اول ما بتخلص ال " MCSE " بتكون خبراتك ضعيفة برده لان بيقابلك مشاكل وانت لسه جديد واحيانا بتقف عليك عموما كلها ارزاق ولا تفقدوا الأمل .... تحياتى ...,,,

**ahmed_saeed_201** · 22-05-2009, 15:26

طبعا الاعلان بالنسبه لناس الاعلان دا غريب شويه بس فى ناس حديثه التخرج ومعاها الشهادات دى زى مالباشمهندس مصطفى قال بس دا بيفرق شويه مع صاحب العمل للتفاوض فى المرتب يعنى هو عايز واحد شبكات ولو مش معاه لينوكس هياخدوا لو ربنا رايد ليه بس علشان يعطيه مرتب على مزاجه ويعتبر انه مواصفاته مش كامله
ياكل حقه يعنى
ربنا يهدى الناس ويوسع فى رزق المسلمين المجتهدين للبحث عن العمل

**Grivin** · 22-05-2009, 16:55

المشاركة الأصلية كتبت بواسطة Marshel007

هههه نعم أمر مضحك حقيقة,,,,, بعض إعلانات التوظيف يكون بها أخطاء مضحكة
مثلا:

وأساسا الــC# خرجت على الدنيا في سنة 2001 :D

:D:D:D:D:D:ah21:

**moataz1983** · 04-06-2009, 20:17

انا روحت مرة مقابلة قالى احنا محتاجين خريجين جدد معاهم ccna , mcse , ,وخبرة خمس سنين
قلت له انا بعرف اكتب على الورد بس بصراحة
قالى اكيد هنحتاج مجهودك وهنكلمك
وطبعا مكلمنيش راجل كداب صحيح

**b7lmbeek** · 06-06-2009, 02:59

بسم الله الرحمن الرحيم

السلام عليكم ورحمة الله وبركاته

الموضوع فعلا مقلق ومضحك وغريب جدا

لكن فعلا فى ناس على درجة عالية جدا من الخبرة ولسه اساسا مش خلصوا الكلية ولا حتى معاهم شهادة

انا اعرف واحد فى مجال السيرفرات واللينوكس هوا حاليا system administrator

ومش لسه اخد الشهادة ولكن ما شاء الله لسه مش خلص الكلية ولا حتى خد خطوة ايجابيه فى حيات وشغال عالنت

واعرف برده واحد تانى نفس القصة ومعاه دبلوم وخبرة فى اللينوكس والسيرفرات سنة وشغل فحت وردم زى ما بيقولوا

وواحد تانى مشهور جدا وبينزل شروحات ومش معاه غير الدبلوم

بيتكلم من واقع التجربة

المهم التطبيق

يعنى مثلا انا واضع لنفسى جدول زمنى محدد انى لما اخلص كلية بعون الله هيكون معايه الشهادات التالية

CCNA - RHCE- ccnp - mcse -ocp- CEH

جدول زمنى وتفكير وترتيب منطقى

وبالنسبة للفلوس انا مش معايه حاليا اللى يكمل ميت جنيه

ولكن ...

انا هعمل اللى عليه وهذاكر وهكمل فى شغلى عالنت او فى اى مجال وان شاء الله ربنا هيكرمنى

من جد وجد ومن زرع حصد

ولذلك ان شاء الله لما اتخرج من الكلية هيكون الاعلان دا منشور لواحد زيى بعون الله وهتقدم وهنجح ان شاء الله

باركولى مقدما بقى :D

المشكلة هوا الايمان بالله وبتوفيق ربنا وبأن ربنا هيوفق الانسان اللى مؤمن بيه بجد و بيعمل اللى عليه

يعنى رزقك هييجى لك حتى لو كنت فين

المهم تعمل اللى عليك

يعنى زى ما قال احد الاخوة الافاضل لقى اعلان بيطلب حد خبرة بالاوراكل 15 سنة ومرتب 100000 جنيه

على فكرة رزقك هنا هوا رزقك برا

المهم تعمل اللى عليك واكتر شوية وتتفوق لان النجاح ملوش مكان فى هذا الزمان لان الناجحين كثيرون ولكن المميزون قلة قليلة

تحياتى لكاتب الموضوع ولجميع الردود مع احترامى لوجهات نظر الجميع وأتأسف ان خرجت عن الموضوع قليلا

لكم منى كل التحية والتقدير

والسلام عليكم ورحمة الله وبركاته

كريم عبد القادر

**snmp** · 06-06-2009, 18:15

أغلب اللي بيحطو الإعلانات اللي بيطلبوا في شهادات ويكون حيث التخرج هم ناس انتهازيين.عارفين إنك عندك المعلومات المهمة بس ناقصك الخبرة و صقل للموهبة.
يبيعوك كلام ومثاليات وانك هنا حتاخد خبرة مش حتلاقي زيها في مكان تاني ويقولك عندنا فريق عمل فيه مهندسين كبار لما تشتغل معاهم حتستفيد منهم كتير ولكن بعدين تتورط وتلاقي نفسك الوحيد اللي فاهم وكل الشغل مرمي عليك ولا في خبرة ولا أي حاجة ولا تدريب.
والمشكلة لما تكون تغربت ودفعت كتير للفيزا عشان الشغلانة دي ساعتها مش حتقدر تعمل حاجة وحتسكت أولا علشان ماتخسرش الفيزا وثانيا لأنك حتخجل من أهلك ومعارفك أنك رجعت بسرعة ومكملتش وممكن يتهموك انت بالفشل بعد كل المصاريف اللي اتصرفت عليك.

**b7lmbeek** · 06-06-2009, 21:15

المشاركة الأصلية كتبت بواسطة snmp

أغلب اللي بيحطو الإعلانات اللي بيطلبوا في شهادات ويكون حيث التخرج هم ناس انتهازيين.عارفين إنك عندك المعلومات المهمة بس ناقصك الخبرة و صقل للموهبة.
يبيعوك كلام ومثاليات وانك هنا حتاخد خبرة مش حتلاقي زيها في مكان تاني ويقولك عندنا فريق عمل فيه مهندسين كبار لما تشتغل معاهم حتستفيد منهم كتير ولكن بعدين تتورط وتلاقي نفسك الوحيد اللي فاهم وكل الشغل مرمي عليك ولا في خبرة ولا أي حاجة ولا تدريب.
والمشكلة لما تكون تغربت ودفعت كتير للفيزا عشان الشغلانة دي ساعتها مش حتقدر تعمل حاجة وحتسكت أولا علشان ماتخسرش الفيزا وثانيا لأنك حتخجل من أهلك ومعارفك أنك رجعت بسرعة ومكملتش وممكن يتهموك انت بالفشل بعد كل المصاريف اللي اتصرفت عليك.

احدى الحاجات اللى بتحرق اعصابى ان الواحد بيعتمد على كلام الناس اكتر من اهتمامه نفسه وبيهمه كلام الناس يعنى بيخاف الناس تقول عليه فاشل وبيتورط وبيتعذب فى مكان مش كويس ويعامل ناس مش كويسة بسبب كلاما لناس

طبعا طبيعه غريبة فى المصريين والنفس البشرية فى مصر ودا اكبر دليل ان الشعب المصرى بيعشق القيل والقال وانه مش مهم عنده غير الظواهر وليس بواطن الامور

عن نفسى انا اضرب بكلام الناس عرض الحائط طالما انا مرتاح فلن يهمنى كلام الناس او حتى كلام الاقارب المهم وجهة نظرى ومدى اقتناعى بافكارى

بجد ربنا يكون فى عون اى حد بيهتم بكلام الناس
لانى عن نفسى مش بهتم
وفعلا فى شركات كتير بتقول الكلام اللى ملوش لزمة دا وتقولك فى خبرا عندنا ويطلعوا كلهم ناس ميعرفوش اى حاجة وتلاقى نفسك زى اللى وقع عليه جبل ولازم يحتمل ويشيل الشغل بل ويعلم غيره فى مكانا لعمل ويقوم بوظايفهم ويرضى بانه يكون الجديد اللى فيهم.... ربنا يهدى الجميع
لك منى خالص التحية والتقدير وعذرا للخروج عن الموضوع ولكن حبيت اعلق على نقطة واحدة فى كلامك

كريم عبد القادر

**yehia2amer** · 07-06-2009, 00:28

انا في سنة 2 وده فعلا نبهني اني ابداء من دلوقتي كورسات عشان الشركات الغريبة دي :eek:
مشكور علي الموضوع ده بس هو بيتقال عليه المضحك المبكي

**hancock** · 07-06-2009, 17:31

الى يضحك اكتر هو مطلوب مهندسين ذو خبرة لا تقل عن خمس سنين
دة على اساس ان خمس سنين الكلية هما دول الخبرة

**mstarzero** · 13-06-2009, 18:19

بجد موضوع زى العسل

بس بصراحه ياجماعه الواحد لو فكر صح من البدايه هيوصل

يعنى انا شوفت واحد خريج دبلوم متوسط

ومعاه ccna & mcse ودبلومه فى الشبكات اللاسلكى ودبلومه فى لينكس ومصمم ديظاين محترف بس ممعهش شهدات وكمان دعم فنى للمواقع والمنتديات بدون شهادات

والغريبه ان سنه

20 سنه:eek:
هههههههههههههههههههههههههههههههههههههههههههههههههه

بصراحه ببصله بحس انى ببص لعبقرى

بس الى هموت واعرفه هوه ايه الى خلاه دبلوم متوسط

بجد انا متاكد الى هيركز هيوصل وحكاية الخبره دى متفكرش فيها اكيد كل الناس بتفكر تشتغل وبعدين بعد متاخد خبره تدور على الاعالين الى بيحتاجوا خبره ومرتب عالى

يعنى اعلان الخبره ده موش لينا للناس الى ليهم خبره وكانوا فى يوم زينا :ah38: