اية رأيك تستني للأصدار الجديد زي مانا حعمل :D
اولا اهلا بكل الاعضاء والمشرفين
انا محتار بين جهازين
الجهاز الاول iPod classic 120GB
طبعا من انتاج شركة ابل
مواصفاته
https://www.apple.com/ipodclassic/specs.html
سعره في التوكيل 1900 جنيه
https://www.tradelinestores.com/html...oductUniID=138
الجهاز التاني Zune 120GB
من انتاج شركة مايكروسوفت
مواصفاته
https://www.zune.net/en-us/mp3players/zune120/specs.htm
سعره في كمبيومي 1.555 جنيه
https://compume.com/index.php?target...oduct_id=30979
_______________________________________
طبعا انا محتار بين المودلين دول بالذات لانهم نفس السعة التخزينية 120 جيجا
واكيد في اجهزة زي الايبود تاتش وغيره حاجة خيالية بس عيب الاجهزة دي السعة التخزينية اللي مش هتبقى مناسبة معايا
المهم طبعا انا كنت بقارن بين الجهازين ووصلت لــ الاتي
مميزات zune :- الزون افضل من ناحية مساحة الشاشة 3.2 بوصة وبيمتاز على الايبود ان فيه بلت ان راديو fm وفيه وايرلس لمشاركة الملفات ( يعني مش تصفح انترنت زي الايبود تاتش ) وطبعا سعره هنا كويس جدا مقارنة بالايبود كلاسيك ( فرق 400 جنيه تقريبا )
عيوبه :- اولا ملهوش وكيل هنا ودي حاجة تقلق لان الجهاز موجود رسمي بس في كندا وامريكا و مدة عرض الفديوهات والميوزك اقل من الايبود كلاسيك ( احتمال علشان موضوع الشاشة الاكبر ) شكله اقل مقارنة بالايبود كلاسيك وبالرغم من ان شاشته كبيرة لكن الريزليوشن بتاعها متوسط بالاضافة ان في اخبار ان مايكروسفت مش مهتمة بيه من ناحية التطوير والسوفت وير لانه عامل خساير معاهم
مميزات الايبود كلاسيك :- طبعا الجودة العالية في التصنيع والشعبية الاعلى في العالم وجود وكيل محلي في مصر ( شركة tradeline ) الشكل والحجم ممتازين
العيوب :- الشاشة صغيرة ومش مناسبة قوي لعرض الفيديو من وجهة نظري ( وطبعا دي نقطة في صالح الزون ) وسعر الجهاز مبالغ فيه شوية ومفيهوش بلت ان راديو
_____________________________________________
انا اهم حاجة بالنسبالي جودة الصوت والفيديو واكيد كمان جودة التصنيع
انا شفت مقارنات كتير ناس بتقول الزون اعلى في الجودة وناس تانية بتقول الايبود (طبعا بالنسبة للصوت والاداء الافضل)
والحقيقة الواحد محتار ... فايه رايكم يا جماعة ... وهل في حد جرب الزون ؟؟
ياريت اللي عنده معلومة يفدنا بيها
اية رأيك تستني للأصدار الجديد زي مانا حعمل :D
هل الـ iPOD ممكن تشغيل كل الـ audio extenuations ؟
لا اكيد بيشغل اي مقطع mp3 بس طبعا اي مقطع لازم بتنزله من خلال برنامج itune يعني هو الوسيط ما بين الكمبيوتر والـ ipod ومش معنى كده ان الواحد لازم يشتري كل حاجة بيسمعها لا ممكن تنزل اي شئ من جهازك عادي جدا
بس موضوع جودة الصوت ده في كلام كتير يعني ناس كتير بتقول الزون اعلى في الجودة وطبعا ميزة الشاشة والراديو البلت ان هي اللي محيرة الواحد بصراحة
موضوع جوده الصوت ده ملاقيتش اى حد بيقول ان الايبود افضل الا علشان هو مجربش الزون
كل اللى جرب الاتنين قال ان الزون افضل + السماعه اللى معاه افضل من الايبود + انها خفيفه على الودن ومش هتتعبك زى الايبود
بالنسبه للسعر .... من المرات النادره تشترى حاجه من مصر بالظبط زى تمنها فى امريكا + 10% ضرائب
مع العلم ان الاتنين سعرهم واحد
والجمارك والضرائب على الايبود تقريبا فى حدود 30 - 40%
يعنى لو اشتريت الاتنين من بره هتدفع اكتر فى الزون .. من لما تجيبه هنا من مصر ....
بالنسبه للدعم معاك ان الزون اقل من الايبود اللى ابل ماكلاه للناس ومشرباه
التميز ... اكيد الزون
الجوده فى الصوت الزون
[CENTER]
[/CENTER]
على فكره بالنسبه لوقت العرض
الاتنين 30 ساعه ميوزيك
مش فاكر بالظبط كام فى الفيديو ...
ولازم يكون وقت الفيديو اقل فى الزون علشان الشاشه
بس مش السبب اللى يخليك تدفع 400 جنيه زياده فى شاشه اصغر + دعم الفيديو اكبر فى الزون لانه بيدعم لحد ال 1.5 ميجا wmv
[CENTER]
[/CENTER]
شكرا يا باشا لرايك
بس موضوع الوكيل ده مشكلة وكمان موضوع ريزليوشن الشاشة في الزون ايه رايك فيه ؟؟ وكمان موضوع جودة تصنيع الجهاز
يعني بصراحة الايبود شكله تحس انه جامد وخصوصا الجزء المعدني اللي ورا ( طبعا هو اكتر حاجة بتتخدش :mad: ) والخامات اللي مصنوع منها
يعني لما تشوف الجهازين تحس ان الزون معمول من خامات مش قوي :eek:
بالنسبة لزمن التشغيل
الزون
Music, up to 30 hours (wireless off); video, up to 4 hours
الايبود
Music playback time: Up to 36 hours when fully charged
Video playback time: Up to 6 hours when fully charged
بص الزون خاماته مش وحشه خالص
بالعكس ده مضاد للخدش
مش عارف اشبهولك بايه بالظبط زيه ...
بس لا جوده التصنيع فيه مش وحشه خالص.... جيده جدا
+ فى مزايا فى السوفتوير بتاع الزون عن الايبود منها مثلا (انا مش خبير فى الايبود على فكره)
انك ممكن تاخد الاغانى اللى على الزون وتنزله على جهاز جديد (حسب ماقريت الكلام ده مش فى الايبود)
كمان ممكن تزود اغانى معينه او مغنى معين حتى لو مش على جهازك
لان تقريبا الايبود لو هتزود اغانى ومش من نفس الجهاز اللى بدأت منه هيشيل القديم ويحط الجديد ( برضو اللى معاه ايبود يقدر يفيد اكتر)
بالنسبه لجوده الفيديو ... الاتنين على مأتذكر نفس ريزوليشن بتاعه الشاشه فطبيعى ان الاصغر صورته احلى + ان شاشه الايبود بيضاء فهتحس ان الاضاءه اقوى
الزون تحس انه اغمق شويه ... بس مش اسود يعنى فى الخلفيات
انما فى الفيديو والصور ... شايف انه كويس ويكفى اوى
[CENTER]
[/CENTER]
تقييم zune على amazon
تقييم iPOD
تقييم ipod اعلى
شكرا على التقييم الخاص بالمستخدمين بس التقييم الصح ان يكون حد بيقارن بين الجهازين وبيقول ايه الافضل فيهم ويكون فعلا معاه الجهازين
في تقييم حلو جدا انا شفته
https://reviews.cnet.com/4370-6490_7...er;pf_left_nav
والزون كسب بفرق 0.1
شوفوا الفيديو ده كمان
https://www.youtube.com/watch?v=ifjyQF5Erto
بالنسبه لتقييم الناس على امازون مش مقياس اوى لسبب بسيط جدا
الايبود منتشر اد ايه والزون اد ايه ؟؟؟
كانك جايب واحد ماشى فى الشارع كده تقوله اركبك مايباخ ولا مرسيدس ؟؟
تفتكر هيقولك ايه ؟
[CENTER]
[/CENTER]
المفضلات