جزاك الله خيراً يا بشمهندس على الدعاء الطيب ربنا يتقبل منا ويحفظنا جميعاً
بص يا بشمهندس لو انت كنت لسة ما وصلتش فى مذاكرتك لموضوع ال WAN الى هو اخر semester ومتعرفش يعنى ايه NAT
يبقى تسيبك من موضوع ال NAT الى انا شغلتك بيه ده وسيبه لوقته
وطبعاً لو ما استخدمت ال NAT ده يبقى هتروح تقول لمزود الخدمة انا عايز Range ip لشبكة فيها 300 جهاز او أكثر وهو ساعتها هيديلك Class B Range علشان يقضى عدد الأجهزة الى عندك وده مش بمزاجه ده غاصب عنه لأن انا دافع فلوس تمن ال IP range ده خلاص كدة تمام
نيجى بقة لموضوع ال VLSM الى محيرك ده
اسأل نفسك الأول انا بعمل VLSM ليه ؟؟
والأجابة ببساطة كنوع من الحماية ونوع من التنظيم يعنى بدل ما اجهزة الشركة كلها تكون مشتركة فى range ip واحد لأ انا هخلى لقسم المهندسين شبكة لواحدهم ولقسم المحاسبين شبكة لواحدهم ولقسم المديرين شبكة لواحدهم
يعنى براحتك عايز تخلى الناس كلها فى شبكة واحدة وما تستخدمش VLSM انت حر براحتك بس ده لا يفضل وخصوصاً لو هتوصل كل شبكة على انترفيس مختلف فى الراوتر فيبقى لازم تستخدم VLSM تمام كدة
بالنسبة لشرح ال VLSM انا وضحت لحضرتك قبل كدة ان انا مبعرفش اشرحه كتابة انا اعرف احله بس والبشمهندسين هنا ما قصروا وشرحوا لك طريقة استخدام ال VLSM فاعذورنى مش بأيدى
بس نصيحة منى حاول تركز جداً فى موضوع ال VLSM وال ip ده لأنه مهم ومترتب عليه اشياء كتير عايزك تنزل شرح ليه وتفهمه وتحل عليه مسائل كتير وممكن تروح لحد انت تعرفه قريب منك يشرحهولك هيكون افضل كتير
ولو الموضوع وقف معاك تانى فأستعن بالله ولا تعجز وبالتوفيق ان شاء الله واسألك دعوة صادقة وجزاكم الله خيراً
المفضلات