المشاركة الأصلية كتبت بواسطة internetworld
اخى الكريم بارك الله فيك وفى سائر اعضاء المنتدى الكريم واسال الله العظيم رب العرش الكريم ان يرفع عنك البلاء وان يزيل همك ويفرج كربك وان يسدد خطاك انت وسائر اعضاء المنتدى وجميع المسلمين اللهم امين
لحل المشكله من الممكن ان تقوم بشراء كتاب ms press وتبدا على بركه الله بالمزاكره منه ويكون البديل لشروحات الاسطوانات التالى
اولا :هناك مواقع مجانيه متاح التحميل منها للكتب كل ماعليك هو معرفه محتوى المنهج وتحميل الكتب التى تقوم بشرح الموضوعات الموجوده بالمنهج بشكل متخصص مثلا نفترض انك تدرس كورس 291-70 محتويات المنهج من ضمنها على سبيل المثال dns فى كتب متاح التحميل مجانا خاصه بهذه الخاصيه ولكن شرحها يكون بتفصيل اكبر هتتعامل مع الشرح ازاى
بص ياسيدي
انت اساس منهجك موجود فى ms press او training kit اللى حضرتك هتشتريهم من النت ويفضل انك تشترى نسخه الخاصه للتحميل من المواقع المتاحه مثل امازون وغيرها بيكون السعر ارخص وبيكون التعامل عباره عن ارسال لينك التحميل على ايميلك وبالطبع النسخه بتكون ارخص بكتير من النسخه اللى بتشتريها hard copy
طيب كويس لغايه كدا
هتقوم بتحميل الكتب المجانيه اللى بتتكلم عن السيرفز دى وهتتعامل معاها على اساس انها بحث مطلوب منك تلخيص المعلومات
الموجوده فيها وتفريغها في اجندتك
طبق اللى اتعلمته على vmware وتابع الصور الموجوده فالكتب وشوف انت ماشي صح ولا لاء
نفذ كل مثال يتشرح فالكتاب على الاجهزه الوهميه
فى اخر كل chapter اسئله ودا موجود فى training kit &MS Press حل اسئلتهم وطبقها عملى كويس جدا
بعد ما تخلص الكتاب
فرغ كل اللى انت فاهمه عن كل سيرفز باسلوبك الخاص وكانك بتشرح للناس فالمعمل مثلا بس بالكتابه وبعد ما تخلص شرح كل سيرفز على حدى راجع الكتاب وشوف اذا كان عندك حاجه غلط او لاء
كله كدا تمام
تدور على شرح عربي اذا كان متوافر اسمعه وشوف اسلوبه فالشرح هل انت ناقصك حاجه ولا لاء
كله تمام بعد كدا
تدخل على موقع youtube وتكتب فال search اسم الكورس او رقمه هتلاقى فى فيديوهات كتيره جدا بتشرح السيرفز على سبيل الدعايا لمنتجاتها حملهم على جهازك واتفرج عليهم فيهم شرح حلو ومفيد هتلاقى اكتر من شركه عامله كدا وبتتكلم فموضوع مختلف عن الشركه اللى بتنافسها -ودا عشان اللى بيتدرب مش يقارن بينهم - فهيكون عندك مقدمه عن كل جزء فالمنهج بشكل عام وفالغالب بيكون كيفيه تنزيل السيرفز وكمان عمل الاعدادات الخاصه بها
لغايه كدا جميل جدا
انت دلؤتى معاك فيديوهات اجنبي فيها معلومات رئيسيه ومعاك التفصيل ليها بالصور ومعاك شرحها فالكتاب ومعاك تفصيل عربي
باقى انك تعرف شويه حاجات صغيره
*مشكله هتقابلها وانت بتدور على الكتب ان فى كتب جديده مش هتقدر تشتريها ومش هتحملها اوك
بص ياسيدي الحل دا جوجل عملت موقع متميز جدا جدا جدا
بيتعرض فيه الكتاب الجديد مجانا من غير تحميل يعنى تتصفح فيه على النت
https://books.google.com/books?id=vY...ooks&lr=&hl=ar
وادى عينه لو مش مصدق كلامى
كدا بقي معاك كل حاجه مش تخليك طالب لا دانت لو مشيت على الخطوات دى تبقي محترف وتشرح لنا فالمنتدى كمان
بعد ما تزاكر كويس وتحل الاسئله الموجوده فى كتب مايكروسوفت ولو كان فى فيدو عربي تزاكره ولقيت حاجه مش واضحه او مش فاهمها كويس كل اللى عليك انك تعمل موضوع وتكتب فيه استفسارك والاعضاء هنا ربنا يبارك فيهم محدش بيبخل بمعلومه يعرفها
بكدا انت متميز بمجالك وواثق فالله انك تعبت وكافحت وحصلت على المعلومه بعد جهد وعمرك ما هتنساها ابدا
خلى عندك ثقه بالله وتوكل على الله وادخل امتحن وباذن الله تنجح وتحصل على اعلى الدرجات
(من يتق الله يجعل له مخرجا ويرزقه من حيث لا يحتسب )
دمت بخير تقبل مرورى اخى الحبيب ولا تجزع ولا تياس ولا تنقنط من رحمه الله
ان ربك عليم خبير هو الذى يمن علينا بنعمه العلم ولا احد سواه
وتذكر دائما (عليك بذر الحب لاقطف الجنى )
ابدا وخذ باسباب العلم وعلى الله قصد السبيل وهو المستعان
المفضلات