عمل يوم تجمع لعرب هاردوير

[ameer_s]

شكرا على توضيحك وسأعمل به إن شاء الله. هو فين مركز الشباب ده؟

في الجزيرة ....

[VancouverEG]

في الجزيرة ....

هههههه ، جيبت التايهة ، طيب وفين الجزيرة ؟؟؟:D

مركز شباب الجزيرة في منطقة الزمالك ، أسفل كوبري أكتوبر

بالنسبة ليا أي ميعاد بعد 15/6 أنا موافق عليه إن شاء الله.

خلاص احنا نلحق نتقابل بسرعة بقى قبل 6/15


ههههه

[محمود010]

السلام عليكم

ياريت ياجماعة لو سمحتم يكون الميعاد بع يوم 21 / 6
ارجوووووووووووووووكم
انا عندى امتحان فى اليوم ده
وهايبقى اخر امتحان وياريت يكون يوم جمعة فعلا علشان انا باخد دورة

لأنى بجد شرف ليا انى اقابل افضل اصحاب ليا .

وياريت اللى من المنصورة وشربين وكده نبقى نطلع مع بعض ونسافر مع بعض افضل

[b7lmbeek]

بسم الله الرحمن الرحيم

فكرة جبارة وجامدة جدا والله

اسمحلى يا مصطفى اشارك معاكم

بالنسبة للقاء ممكن يكون فعلا المؤتمؤ التقنى الأول لعرب هاردوير او يكون لقاء الأحبه فى مكان عام بشكل لطيف وجميل

ولكن انا عن نفسى افضل يكون فى مكان عام مثلا حديقة ونعمل ترتيبات خاصة بينا فى المكان وكأنه احتفال خاص على جمب بعيد عن القلق والزحمة

بالنسبة للميعاد طبعا ان شاء الله هيكون بعد الامتحان ويوم أجازة بحيث يكون الكل متفرغ

ممكن كون يوم الجمعة او السبت بحيث يكون الجميع متواجد وفى وقت للسفر وللعودة من الاماكن البعيدة زى شربين والمنصورة او طنطا او جنزور او المحلة والأخوة القادمين من الأسكنرية طبعا

طبعا الميعاد هيكون فى اخر شهر ستة ويكون يوم اجازة عشان الأخوة اللى شغالين او موجودين فى كورسات او اى ظروف ايا تكن

وبالنسبة للمكان انا اقترح انه يكون مكان مفتوح لا يشترط لدخوله الأعضاء فيه فقط لانى معرفش مركز شباب الجزيرة لو حد يعرف المكان يقدر يدخله اى حد ولا لاء بمقابل تذكرة عادى ؟؟؟

ولهذا انا كنت بفكر فى حديقة الأزهر مع الباشمهدس مصطفى مع انى مش روحتها قبل كدا لا هى ولا مركز شباب الجزيرة لكن مفيش مشاكل هنزل التحرير واخد تاكسى ( والأمر لله :D

ان شاء الله اعتبرونى معاكم موجود فى هذا اللقاء

وتحياتى ليك يا باشمهندس ولكل الأخوة فى الموقع وان شاء الله يكون لقاء نجتمع فيه على حب الله


أخوكم فى الله
كريم عبد القادر

[Mohammad Saad]

طيب خير الحمد لله ........ اتفقنا على المكان ( ليكن مركز شباب الجزيرة إن شاء الله - مع شديد الاحترام للناس اللى عاوزة مكان تانى )........ المهم دلوقتى اقترح ان يكون التوقيت صباحاً ... يعنى يوم جمعة الصبح ليكن فى العاشرة مثلاً .... علشان يكون معانا الوقت حتى بعد العصر مثلاً ... واكيد اكيد هايكون فى مسجد فى المركز حتى نصلى الجمعة سوياً إن شاء الله ....

نقول كده مبدئياً يوم الجمعة 10/7 الساعة العاشرة صباحاً بمركز شباب الجزيرة إن شاء الله .... والناس تعمل حسابها اننا ممكن نلعب كورة او ننزل حمام سباحة مثلاً ........

ياريت نشوف اساتذتنا فى الموضوع ... يردو معانا ويقترحوا معانا ... علشان اساساً الموضوع معمول علشان نتعرف على الناس اللى ليهم فضل علينا بعد ربنا ........ عاوزين نشوف اراء ياسر رمزى ومحمد سمير وتامر نبيل (على سبيل المثال لا الحصر) وياريت الأخ احمد سرحان ياريت حد يبلغه او سأتكفل انا بهذا ان شاء الله

فى انتظار ارائكم على الإقتراح ..........

شكراً
محمد سعد

[Nightspy]

يا اخ محمد سعد ما يصلح هالكلام

طيب المكان وانت ثبته وهذا لا مشكلة فية

لاكن المعاد لا يكون قبل 15/7 للان اغلب الطلبة هيكونوا انهوا امتحاناتهم

[Mohammad Saad]

يا اخ محمد سعد ما يصلح هالكلام

طيب المكان وانت ثبته وهذا لا مشكلة فية

لاكن المعاد لا يكون قبل 15/7 للان اغلب الطلبة هيكونوا انهوا امتحاناتهم

يا حبيبى .... رحمك الله وغفر لك ........ انا لم أثبت مكان ولا حتى ميعاد والله ..... انا فقط اقترح ... ولو هناك احد اقترح ميعاد او مكان تانى هل سأعترض ؟ اكيد لا ... ليس لى حق الإعتراض او التأكيد ... انا خدامكم كلكم .... انا واحد زى زيكم ...... الناس تقول اللى يعجبها مفيش اى مشاكل ....... خلاص ..... اقترح ان يكون الميعاد واحد من هؤلاء .. الجمعة (اعتقد انه انسب يوم) احد ايام 17 او 24 او 31 يوليو .........

على فكرة اعتقد ان الوحيد صاحب تحديد الميعاد والمكان هو الأخ adam balck ice صاحب فكرة الموضوع الأصلى

اتمنى نه يكون كده الوقت مناسب الجميع .......... نحن جميعاً اخوة فى الله .... بيننا كل حب وود واحترام ....

شكراً اخى على توجيهك .... تقبل مرورى وتحياتى :ah10:

شكراً
محمد سعد

[ameer_s]

انا رايي انة نجمع الاماكن المقترحة ونعمل عليها تصويت وناخد براي الاغلبية

وبالنسبة للمواعيد ايضا نعمل عليها تصويت وناخد براي الاغلبية ....



بالنسبة لاماكن المقترحة دلوقتي

الازهر بارك
مركز شباب الجزيرة

لو حد عندة اقتراح تاني على الاماكن بضيفة ونعمل تصويت عليهم .....

[NaAZoOR]

أعتقد أن أفضل الحلول حالياً هو تفويض شخص واحد بالقيام بالتنظيم و هو الذي يتولى التنسيق للحصول على أفضل المواعيد و الأماكن ... نرجو ترشيح أحد الأخوة النشيطين خاصة ممن عرضوا خدماتهم فعلياً في هذا الصدد.

[adam black ice]

على فكرة اعتقد ان الوحيد صاحب تحديد الميعاد والمكان هو الأخ adam balck ice صاحب فكرة الموضوع الأصلى

انا لا استطيع باى حال من الاحوال فرض مكان او زمان على حد بمعنى انى اعرض الموضوع على اساس نتناقش فيه جميعا على العموم الاخ محمد سعد سيكون هو الشخص المسئول عن تنظيم هذا اليوم ده بعد اذنه طبعا ... وربنا يجمعنا على خير باذن الله .

[Mohammad Saad]

انا لا استطيع باى حال من الاحوال فرض مكان او زمان على حد بمعنى انى اعرض الموضوع على اساس نتناقش فيه جميعا على العموم الاخ محمد سعد سيكون هو الشخص المسئول عن تنظيم هذا اليوم ده بعد اذنه طبعا ... وربنا يجمعنا على خير باذن الله .

جزاكم الله خيراً على الثقة الغالية واسأل الله ان اكون عند حسن الظن ......... اللهم آمين ..........

شوفوا الناس عاوزة إيه وعاوزة اليوم يكون فيه إيه .......... وانا خدامكم جميعاً


شكراً
محمد سعد

[aborody]

شوفوا الناس عاوزة إيه وعاوزة اليوم يكون فيه إيه .......... وانا خدامكم جميعاً

ياباشا شعور طيب جدا منك و كرم اخلاق عالي جدا طبعا . - خادم القوم سيدهم -
المهم حدد بقي و يكون في شهر 7 و يكون بدري و شوف اخر ميعاد لامتحانات الناس امته و بعد كده خد قرار ديكتاتوري - ههههههههه -
مش بالمعني الحرفي طبعا انا اقصد قرار حازم علشان من الواضح ان كلنا عاوزين نتقابل و كلنا عمالين نعزم علي بعض و خلاص اتحسم الموضوع و انت المسئول ياباشا . كمل مسئوليتك بقي .

جميل و الله اني اشوفكم بس انا مش عارف انا هاتعرف عليكم ازاي ؟؟؟؟
انا هقف في وسط المكان اللي هنتفق عليه و هقول اللي من عرب هارد وير يييجي ياجماعه علشان واحشني !!!!!
ههههههههههه
ممكن اعملها و الله . هههههههههه

[__eRa__]

السلام عليكم ...

من الأفضل تجميع الاقتراحات ثم التصويت عليها ثم اختيار المكان والزمان صاحبا أكبر تصويت. لأنهما بذلك سيكونا ملائمان للكثير من الأعضاء. وباقي الأعضاء عليهم توفيق أوضاعهم مع المكان والموعد الذين تم التصويت عليهما.

أضف للأماكن حديقة الأورمان وحديقة الحيوان.

[sami_casper]

فكرة جميلة و انا محبز ليها بس حاولوا تاخدوا فى الاعتبار ميعاد مناسب علشان تتناسب مع مواعيد الشغل.

[osamah alali]

السلام عليكم ورحمة الله وبركاته
ممكن المساعده
في عندي مشكله في الجهاز لما ابدا في تشغيل الجهاز

وهي تظهر جمله وهي DML event log space full