تجربتى الاولى مع تحديث ال BIOS
السلام عليكم ورحمة الله وبركاتة
اخوكم فى الله القاتل المجرم يبعث لكم كل الحب والتقدير من مصر ام الدنيا
المهم
لما قريت موضوع تحديث البيوس قلت اجرب
نزلت برنامج @Bios علشان اجرب والحمد لله النت ماقطعشى ولا الكهرباء قطعت
وكان حجم التحديث 2 ميجا ماخدوش اكتر من 10 ثوانى بس
وبعد كدة قالى اعمل ريستارت ومش تنسى تعمل Load Defalt Optemaized او حاجة زى كدة يعنى
طيب
عملت ريستارت وانا مرعوب جدااااااااا لا الشاشة مش تشتغل يعنى تطلع سودة وبكدة يكون البايوس ضرب وعوضنا على الله
بس المفاجئة ان الشاشة اشتغلت تمام
دخلت على الصفحة الثانية بالضغط على Delet وعملت Load defalt optemized ثم موافق
المفاجئة
.......................................
الجهاز اتصلب ولا اى حاجة اشتغلت عملت 100 ريستارت وبردة الجهاز مش اشتغل خالص
اترعبت مووووووووووووووووووووووووت
وقولت ياريتنى مش عملت كدة
ابعد عن الشر وغنيلو بس انا مش سمعت الكلام خالص
......................................
المفاجئة الثانية
ندهت على اخويا الصغير
شيل الفيشة بتاعت الكمبيوتر ياض
شال الفيشة قالة مالك كدة انت عيان قلت لية لا
وصل الفيشة تانى ياض اخر محاولة يمكن يشتغل
بصلى وكاد ان يضربنى بحتت بطيخة كانت فى ايدة
هو اية اللى ممكن يشتغل؟؟؟؟؟؟؟؟؟؟؟
المهم حط الفيشة ثم ضغط على مفتاح التشغيل
سمعت صوت الصفارة بتاعت الاستارت
ماصدقتش ودنى قولت اكيد تموية ولا دى احلام اليقظة
واذا بالشاشة تنير ويعمل الجهاز
و UPdate succes
كنت فرحان مووووووووووووووووووت مش علشان التحديث نجح لالالالالالالالا علشان الجهاز اشتغل وهاتفرج على ال60 فيلم اللى لسة منزلهم من على النت وكان اخير هم TEARS OF THE SUN وكمان سلسلة STAR WARS
انا حاسس بشوية تقل كدة فى الجهاز
>>>>>>>>>>>>>>>>>>>>>>>>
النصيحة
محدش يحدث البيوس الا اذا كان قلبة جامد
انا عن نفسة حرمت اعملها تانى يامعلم
.............................................
السؤال
لية الجهاز اتصلب ؟ ولية لما عملت ريستارت مش اشتغل؟ ولية لما شلت الكهرباء ووصلتها تانى اشتغل؟
------------------------------------------
القاتل المجرم
مصر
استودعكم الله
كل سنة وانتم طيبين
استودعكم الله
ضوابط المشاركة
المفضلات