يا جماعه حد يرد عليا ضرورى رجااااء
سلام عليكم
انا عندى معمل فى 16 جهاز كومبيوتر
هل يمكن باستخدام برنامج dynmaps
تسطيب راتور على كل جهاز كومبيوتر
وعن طريق الشبكه الحقيقه ما بين اجهزه المعمل
الدخول من راوتر على راوتر كانها راوترات حقيقه
ام مجرد توصيل اكثر من راوتر وهمى على نفس الجهاز كاى برنامج semulation عادى
وشكرا
يا جماعه حد يرد عليا ضرورى رجااااء
وعليكم السلام ورحمة الله وبركاته يا بشمهندس
اولاً اسف على التأخير
بالنسبة لسؤالك معلش انا عندى سؤال
انت عايز تعمل كدة ليه ما حضرتك ممكن تشغل أكثر من راوتر على نفس الجهاز وتعمل telnet وكل حاجة اكنك قاعد على راوتر حقيقى بالظبط
احنا بنستخدم برنامج ال dynamips علشان اوفر الفلوس ومنشتريش راوتر حقيقى
وطبعاً كما لا يخفى عليك برنامج ال dynamips يختلف عن برامج ال simulation الأخرى لأنك بتشتغل على نسخ IOS حقيقية
بصراحة انا مش قادر افهم حضرتك عايز تعمل كدة ليه ؟
طيب معلش على سؤالى لو كان ضايقك !!
بس على حسب علمى انه ينفع تعمل الى حضرتك عايزه ده
وانا بحاول اطبقه على ال VMware دلوقتى وان شاء الله أرد عليك بالنتيجة
وربنا ييسر الأمور بإذن الله
إن العلاج لكثير من مشاكلنا الإيمانية كالفتور والانتكاس والتردد والتذبذب وتخطف الفتن، يتمثل في شكر نعمة الله عز وجل .. وللشكر مقام عظيم يغفل عنه الكثير، ولا يقوم به إلا القليل .. ووالله إنه لسبب كل خير، فالنعم تزيد بالشكر وتُحفظ من الزوال بالشكر، قال تعالى {وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ وَلَئِنْ كَفَرْتُمْ إِنَّ عَذَابِي لَشَدِيدٌ} [إبراهيم :7]
الحمد لله الذى هدانا الى هذا وما كنا لنهتدى لولا أن هدانا الله
لا إله إلا أنت سبحانك إنى كنت من الظالمين
متشكر كتييييييييييير اخى المسلم على ردك
بجد احرجتنى بزوقك ده اولا
ثانيا بخصوص ليه انا عايز اعمل كده؟
انا اسمى شريف
وان شاء الله هشرح لناس كورس الccna قريب
وانا عايز اديهم كل حاجه ممكن اديهالهم
وتحت ايدى 16 جهاز فالمعمل..
انا لما خت الكورس...خته على اجهزه حقيقه...وكان موضوع ممتع جدااا...انك تخش على جهاز اللى جمبك وتلعب فيه...ههههههه
فانا مش عايز حته من حاجه هايفه زى دى مقدرش اوصلها...فعايزهم يحسوا بمتعه انهم يعملوا شبكه حقيقه ويتحركوا من جهاز لجهاز...
وشكرا كتير كتير على محاولاتك واتمنى انك تجيبلى رد مفييييد
ولى سؤال اخر
ان كان الفرق الوحيد فالداينمابز انه بيشتغل على نسخه ios حقيقيه....برده هو كده ايه الافاده اللى اديهالى
منا ممكن اعمل نفس الكلام بالsemulators العاديه زى packet tracer مثلا
وبتبقى اخف كتير اوى من الdynmaps
يا ريت توضحلى مميزاته اللى تساعدنى فالشرح عليه
شكرا مره تانيه على كل حاجه...ومستنى رد حضرتك
سلام عليكم
اهلاً بيك يا بشمهندس شريف وربنا يوفقك بإذن الله فى الشرح وتبقى استاذ كبير ونشوف شروحات حضرتك هنا فى المنتدى دا ظنى فيك انك مش هتبخل علينا بحاجة وان شاء الله الى هيتخرجوا من تحت ايدك هيبقوا اساتذة
بالنسبة لبرنامج ال dynamips فيوجد شرح له لأستاذنا Lumark وهو شرح وافى جداً ومتطرق الى كل مميزات مميزات البرنامج
بس على السريع كدة احسن حاجة فى برنامج ال dynamips انه بيشتغل على نسخة IOS حقيقية يعنى اكن حضرتك قاعد امام راوتر بالظبط وتقدر تطبق كل الأوامر الى حضرتك عايزها وتشوف الخرج وكل حاجة اكنه راوتر حقيقى بالظبط
اما برامج ال simulation الأخرى فهى كما يتبين من اسمها انها محاكاة لشغل الراوتر يعنى هتلاقيها بتقبل بعض الأوامر والبعض الأخر لأ وممكن ما تشتغلش معاك كويس
اما بالنسبة لبرنامج ال packet tracer فهو برنامج رائع جداً وسهل فى الأستخدام وعلشان كدة لو هتشرح CCNA فقط اشتغل من عليه لشكله الجميل وسهولة التعامل معه لكن للأسف هو ما ينفعش الا لدراسة CCNA فقط اما CCNP فهو لا يدعم اى من الأوامر الخاصة بها وهنا يكمن نقطة ضعفه لأنه فى الأول والأخر اسمه برنامج simulation
بالنسبة للتطبيق فعلاً انا قعدت اجرب امبارح على الجهاز وان شاء الله الموضوع هينفع بس انا مقدرتش اكمل امبارح لأن امكانيات جهازى بسيطة جداً وانا علشان اشغل برنامج ال VMWARE and dynamips لازم تكون امكانيته حلوة الى حد ما
انا بجد قعدت ساعة امبارح اجرب فى الموضوع لغاية ما غلبنى النوم ومقدرتش اكمل فأعذرنى ان شاء الله هحاول النهاردة تانى وارد عليك بالجواب الشافى بإذن الله
وياريت يا جماعة الى امكانيات جهازه حلوة شوية يساعدنى انا كنت بطبق الأمر امبارح واستنى علشان يتنفذ لمدة ربع ساعة انا كنت هعيط امبارح :ah24:
إن العلاج لكثير من مشاكلنا الإيمانية كالفتور والانتكاس والتردد والتذبذب وتخطف الفتن، يتمثل في شكر نعمة الله عز وجل .. وللشكر مقام عظيم يغفل عنه الكثير، ولا يقوم به إلا القليل .. ووالله إنه لسبب كل خير، فالنعم تزيد بالشكر وتُحفظ من الزوال بالشكر، قال تعالى {وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ وَلَئِنْ كَفَرْتُمْ إِنَّ عَذَابِي لَشَدِيدٌ} [إبراهيم :7]
الحمد لله الذى هدانا الى هذا وما كنا لنهتدى لولا أن هدانا الله
لا إله إلا أنت سبحانك إنى كنت من الظالمين
الله يكرمك اخى المسلم
ومتشكر كتير على مساعدتك وحقيقى افدتنى كتير حتى الان وطمنتنى ان الباكيت تريسر هيكون وافى للسى سى ان ايه
ومنتظر رد حضرتك
وللاسف جهازى انا كمان عيان جدا كنت عايز اطبق اللى حضرتك بتقول عليه ده عليه...بس مش هيقدر طبعا انى اشغل اينمابز والفى ام مع بعض
متشكر جدا
وفى انتظار ردك
السلام عليكم
السلام عليكم ورحمة الله وبركاته
اهلاً بيك يا بشمهندس
بص انا بجد الجهاز عندى تعابنى على الأخر:ah1: مش عارف أطبق الموضوع ده
بس انا نظرياً شايف ان الموضوع ينفع ومافيش مشكلة
علشان تعرف الطريقة ادخل على الرابط ده
https://www.arabhardware.net/forum/s...ad.php?t=56375
ده شرح لأستاذنا Lumark بيشرح كل حاجة فى ال dynamips
اسمع الفلم الخامس والسادس ده الخاص بالسؤال بتاع حضرتك
يا رب تستفاد منه وتبشرنا بالنتيجة ان شاء الله
إن العلاج لكثير من مشاكلنا الإيمانية كالفتور والانتكاس والتردد والتذبذب وتخطف الفتن، يتمثل في شكر نعمة الله عز وجل .. وللشكر مقام عظيم يغفل عنه الكثير، ولا يقوم به إلا القليل .. ووالله إنه لسبب كل خير، فالنعم تزيد بالشكر وتُحفظ من الزوال بالشكر، قال تعالى {وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ وَلَئِنْ كَفَرْتُمْ إِنَّ عَذَابِي لَشَدِيدٌ} [إبراهيم :7]
الحمد لله الذى هدانا الى هذا وما كنا لنهتدى لولا أن هدانا الله
لا إله إلا أنت سبحانك إنى كنت من الظالمين
مشكور...وعلم وينفز
المفضلات