أنا عضوة جديدة في المنتدي واشتركت فية علشان كنت عاملة حساب اليوم دة .. يوم ما جهازي يحصلة حاجة ألاقي حد يحل المشكلة ...
دلوقتي أنا جهازي والحمد لله فرقع وطلع شياط كمان .. سألت قالولي يبقي الباور سبلاي :cool: .. أشتريت واحد جديد .. أشتغل عادي بس يدوبك يفتح يعد 10 دقايق ويفصل ويفضل يعمل ريستارت لنفسة كذا مرة وميرضاش يفتح مع انة واصلة باور ؟؟ وديتة يتصلح قالولي محتاج ويندوز غيرت الويندوز واشتغل بس برضو حصلت نفس المشكلة بس المرة دي دقيقة ويقفل .. وديتة لمهندس تاني خالص .. قالي دة محتاج أي سي يتغير .. غيرة واشتغل بس جية ينزلة ويندوز جديد مش بيرضي يكمل تسطيب ابدا وفي الاخر قالي انة الهارد علية باد سيكتور ولازم يتفرمت كلة ويايشتغل ويا ميشتغلش مبقتش عارفة اعمل ايه ؟؟ قولتلة فرمتة .. فرمت الجهاز كلة برغم انة كان علية شوية لعب وافلام وحاجات مهمة حصيلة داونلود 5 سنين :ah46:بعد مافرمت ونزل ويندوز جديد فضل الجهاز شغال عادي شوية بس مكنتش اعدة علية .. مجرد مارحت اعرف كرت الصوت واعرف الانترنت وكدة فصل تاني وبرضو مقامش غير بعد فترة كبير ة جدااا بعد مااعدت اشيل في كابل الباور واحطة ويعمل ريستارت كتير وحاجات غريبة عجيبة :ah42:دلوقتي انا يأست وتعبت ومحدش عارف يحليلي المشكلة دي فأرجوكم تساعدوني بلييييييييييييييز :ah8: علشان انا خلاص هتجنن من غير كمبيوتر :ah38: