ما شاء الله فكرة رائعة من شخص أقل ما يقال عنه أكثر من رائع
بالتوفيق وإن شاء الله أكون هناك.
بسم الله الرحمن الرحيم
السلام عليكم ورحمة الله وبركاته , رجالة منتدى عرب هاروير المميز , بعد أحلى تحية عطرة , المنتدى هنا بجد من أحسن الأماكن في كل شئ تقنى وفعلا مكان للمحترفين خاصة أى حد بيبحث عن علم , أنا شخصيا معرفتى بالمكان محض الصدفة وكانت فعلا هدية من ربنا عز وجل إني أكون فرد من المنتدى الكريم ده , ويمكن من الشخضيات الجميلة معانا فى الموضوع أستاذنا ومشرفنا Fusion اللى أتحفنا بموضوع أقل ما يقال عنه إنه شغف لفعل الخير لوجه الله "أسعار الهاردوير فى السوق المصرية" . الموضوع عمل نسبة مشاهدة جميلة جدا وناس كتير جدا إستفادت معانا و أنا اولهم فى كل مجالات الييع والشراء واختيار والتقييم لكل القطع التنوعة مبنية على أساس علمي يرفع ن شكل وروح المنتجات والسوق والعملاء والبائعين
من هذا المنطلق , الموضوع بقى مليان ناس كتير عارفة معلومات أقل ما يقال عنها قيمة , ولكل شئ أكثر من وجه , الوجه الانسانى للموضوع , أنا شخصيا تعرفت بمعرفة شباب من خيرة شباب المجتمع علما وأدبا , في منهم اللى ربنا وفقنى وشفته وجه لوجه وكان لى معاهم جلسات أقل ما يقال عنها رائعة وفى ناس أتمنى إنى ربنا يجمعنى بيهم على خير بإذن الله
وعشان كده, فكرت انا وكام أخ لينا فى الموضوع إننا نعمل الأتى :-
يوم كبير للقاء أعضاء عرب هاردوير من موضوع "الأسعار فى السوق المصرية" , أبناء مدينة الاسكندرية, ولو أى حد من خارجها يحب يجي معانا أكيد أهلا وسهلا معانا , يكون مقدمة لموضوع أكبر وهو لقاء أعضاء الموضوع كله , عشان كده كل من هو إسكندرانى يجهز نفسه للقاء فريد من نوعه , حنكسر حاجة الفضاء السبرانى ونتقابل كلنا فى يوم أكيد مميز للجميع بعون الله
اللقاء بعون الله حيكون يوم 3/7/2009م , يوم الجمعة , عشان بس نقدر نجمع أكتر عدد أعضاء ممكن يوم أجازة , اللى وراه عمل بنسبة كبيرة حيكون يوم عطلة , كلنا نحاول قدر المستطاع نتجمع اليوم ده, ولو حد يعرف حد معانا فى المنتدى ميعرفش الموضوع يبلغه , عايزين عدد مميز يا شباب , التجمع بعد صلاة الظهر على الساعة 4 مساءا فى محطة رشدى على البحر "شارع سوريا , المعسكر الرومانى" قدام محل rainescence , منتظرين تجمع يكون جامد , الميعاد وكل حاجة قابلة للتعديل بس انا قلت أخد أول حركة ومستنى ردود حضراتكم...
ما شاء الله فكرة رائعة من شخص أقل ما يقال عنه أكثر من رائع
بالتوفيق وإن شاء الله أكون هناك.
خالد بك!!!!!!!!!!!!!!!!!!! اهلا!!!!!!!!!!!!!!!!!!!!!!!!!!!! يا مسهل الحال يا رببالتوفيق وإن شاء الله أكون هناك.
كده انت موافق على الميعاد؟؟؟؟؟؟؟؟؟؟؟؟؟؟؟ 100%
كده أصبحنا 5 أشخاص! يا ريت لو تعرف حد كمان معانا تبلغه فى المنتدى , وألف شكر على حضورك يا كبير
إن شاء الله التفاعل مع الموضوع أعتقد حيبقى كويس، منتظرين الباقي، بس محتاجين حد يقول لمستر فادي Coolman4now لأنه متغيب عن المنتدى اليومين دول، أعتقد حضرتك ممكن تقوله؟ وياريت حضرتك تطمنا عليه
طيب حالياً مين إلي أكيد حيحضر؟ عشان يبقى عندي فكرة مش أكتر
وربنا يخليك شكراً لحضرتك على الفكرة الجميلة
دي خيانة منك يا هالكي...طب الغلابة اللي في القاهرة دول و مايقدروش ييجوا يعملوا ايه؟؟
A Bomb!!!!!!!!! والله ما خيانة! اللى يحب يجي يشرفنا وضيفنا فى أليكس يعنى حاجة تانية خالص!!!!!!!!!!!!! تعالى انت بس , متنساش انا قلت فوق دى بروفة للمرةالكبيرة بقى! حتبقى الكبيرة فى القاهرة مع Fusion وكل الناس الجامدة! إحنا بس بنشوف إيه الكلام هنا الأول ولو تيجي أكيد أليكس حتنور جامد أولدي خيانة منك يا هالكي...طب الغلابة اللي في القاهرة دول و مايقدروش ييجوا يعملوا ايه؟؟
الحاضرين حتى الأن هم
Blueman
Coolman4now
mohamednon
Razor
Hulky
وفى غنتظار ناس كتير لسه!
مثال مش على سبيل الحصر
إنفيرنال , هيما المطجون , كيمو , سمسم , ناس كتير أوى!
يا جماعة اللى يعرف حد يبلغه بالله عليكم
يا باشا, ان شاء الله قريب جدا, النتيجة بس تطلع و ان شاء الله اجيلكوا اليكس
هى النتيجة مش حتلحق تطلع قبل الميعاد طيب؟يا باشا, ان شاء الله قريب جدا, النتيجة بس تطلع و ان شاء الله اجيلكوا اليكس
ربنا يسهل لو قدرت اجي مش حتأخر
و شكرا يا HULKY
والله كده انت ياهالكى هتخلينى اعيط ياراجل :ah8:
لان انا مش ساكن فى مصر اصلا ولا اسكندرية :ah19:
انا ساكن فى دمياااااااط العزيزة بس والله العظيم كاااااااااان ككككككككككان نفسى نتقابل كلنا فى وقت واحد مع بعض :ah39:
لكن نصيب
يــــــــــــــــــــــــارب
jOoLiAnOo
أأأه لو تخلوها على أول الشهر كده، أنا نازل الساحل وممكن أطب عليكم في اسكندرية شوية، أو تطبوا على في الساحل شوية، أو احنا الاتنين نطب على أي حتة في النص شويتين.
يلا خير، ربنا يجمعكم على خير بإذن الله وفي انتظار الاجتماع الأكبر لجميع الأعضاء إن شاء الله في القاهرة.
[CENTER][COLOR=Red][URL="https://www.arabhardware.net/forum/showthread.php?p=1863548#post1863548"][B][U]صلاة الفجر المليونية[/U][/B][/URL][/COLOR]
الناس في مصر الآن خمسة أنواع:
[/CENTER]
[CENTER]- نوع كان ضد مبارك قبل وبعد الثورة فهذا مناضل فثقوا فيه وولوه.
- نوع كان ضد مبارك قبل الثورة والآن مع مبارك فهذا عاطفي فعقلوه.
- نوع كان مع مبارك قبل وبعد الثورة فهذا ثابت على مبدأ خطأ فناقشوه.
- نوع كان مع مبارك قبل الثورة والآن ضدة فهذا منافق فعلقوه من رقبته واعدموه.
- نوع كان لا ينطق قبل الثورة وبعدها أصبح صوتة أعلى من أي صوت فهذا جبان فاحذروه.
- أما النوع السادس فلا يحسب على الرجال ولا يصنف أصلاً.
[/CENTER]
أنت ثانوى عام؟؟؟؟؟؟؟؟؟؟؟؟؟؟؟؟؟؟؟مستعبد جدا, اللي اعرفه ان من 15-7 هاتبدأ النتايج تظهر
خلينى انت أعيط انا من الفرحة وتعالى , مش عزومة مراكبية , الميعاد قدامك أهوه ولسه فى وقت , تعال انت بس + يوم القاهرة ده حيكون يوم مشهود!!!!!!!!!!!! تعالوا يلالالالالالالالالالالالالالالاوالله كده انت ياهالكى هتخلينى اعيط ياراجل
طب متشوف ! إحنا مش بعيد عن أول الشهر! يوم 3/7 مش بعيد ولا حاجة يا كريبت بك , ظبط انت بس وتعالى يلا , الساحل مش بعيد عن أليكس , مشوار كام ساعةبالسيارة :ah40:, تعالى انت بس المهم لو قدرتأأأه لو تخلوها على أول الشهر كده، أنا نازل الساحل وممكن أطب عليكم في اسكندرية شوية، أو تطبوا على في الساحل شوية، أو احنا الاتنين نطب على أي حتة في النص شويتين.
هو الميعاد بعيد شوبة بس مش مشكلة .. والواحد يظبط نفسوا ..وباذن الله جى .
عوزينوا يكون تجمع زحام على الاخر:D:D
شكرا يا أستاذ محمد على رسالتك, و أنا ان شاء الله هحاول آجي.
بس ما تخليها عند مول كمبيوتر زي سموحة عشان ناخد لنا لفة و احنا بنتمشى.
تعديل: صحيح احنا هنبقى على قمة شارع سوريا يعني معانا الديب مول و كمبيومول الناحية التانية.
المفضلات