بدي اعرف سعر كرت 8800 gt ddr3 512 في الأردن

[Fu'ad]

اخوي سعره 55 دينار
وانت وشطارتك يعني ممكن يحكيلك اكثر
وانا سائل عن الكرت هذا في محافظة الزرقاء
لكن انصحك جيب 8800 الترا يفرق في السعر 10 دنانير تقريبا
لكن اداء الالتر اقوى من الجي تي

( نمر الاردن ) :ah17:

ههههههههههههه اخوي انا بكره بدي اشتري كرت 9800gx2
انت برايك من وين بدي اشتريه من الهند ولا من الصين
وبالنسبه لكرت 9800gx2 انا مساعره في احدى المحلات سعره : 85 دينار فما بالك ب 8800 جي تي

واذا مش مصدق المعلومه بلاقيك بالزرقا وبسمعك باذنك كم سعره

يا شباب اسعار كروت الجي فورس نازله لأنه الشركه سارت اتضارب على شركة الاتي ريدون

بس اصحاب المحلات استغلاليه يا شباب
مع كل احترامي وشكري لكم

( نمر الاردن )

يا اخوي انا شفت محل ثاني بالنسبه لكرت 9800 جي اكس 2 وحكالي في منه نوعين :
1- النوع العادي او الصيني على ما اضن وسعرة 47 دينار .
2- النوع الثاني وهو الامريكي مثل اكس اف اكس واسوس وسعره 76 دينار .

وانا اليوم شفت المحل لأني بصراحه حاب اشتري كرت.

وبالنسبه لأسم المحل والله ما انتبهت . لكن اذا بدك الكرت بنتفق انا وياك نتلاقى بمكان معين وبدلك على المحل وانشاء الله ما بتروح الا وانت راضي .

اخوي الكرت سعره مغري للغايه وهو قوي جدا ومن شركه امريكيه محترمه .

مع تحياتي .... النمر الاردني .. :ah17:

السلام عليكم....
كلام غير معقول ابدا.......................
السعر حوالي 350-450 دينار أردني لل 8800 Ultra من أكثر من عام.
مع فائق الاحترام...

:eek: شكلك سائل عن كرت ثاني لانه سعره اعلى من هالسعر, اصلا هالكرت غير متوافر حاليا بالاسواق وعمره مافات الزرقاء.



ايظا غير موجود واخر مره كان سعره 700 دينار اردني عند pc-zone عمان قبل اكثر من سنه - سنه ونصف ومافات الزرقا ولا بالاحلام يفوتها والكرت ادائه ليس بالجيد بالنسبه للكروت الحاليه وعفا عليه الزمن وهو فرن حراره واستهلاكه للطاقه عالي.

أنا متفق معاك 100%

اسم المحل الي ساعرته عنده, والشركه المصنعه للكرت, وانا بتصل فيه؟

بالله عليك أنا كمان بدي الرقم بدي أشوف شو قصة هالكرت والمحل وصاحبه كمان..

الظاهر انه القطع مستعملة أو مسروقة.!! مافي غير هيك....

[Fu'ad]

أخ Prince_Saad انا حاليا في زيارة لاربد
انا من سكان طبربور
يعني لو تعطيلي اسم المحل او رقم تلفونك
اذا بتقدر :D

السلام عليكم أخي سالم..
أنا أيضا من سكان طبربور !! شو رأيك نجتمع أنا وياك
ونروح مع بعضنا عند الأخ Prince_Saad وبنفهم شو القصة؟
اذا حبيت ردلي خبر وبنتحاكى ونتلاقى...
مع فائق الاحترام...

[Prince_Saad]

اخوي sob_gang_solid انا حكيت اني سألت محلين فهل يعقل انه المحلين سراقيين .

وشغله ثانيه اخوي انا حكيت انه رقمي اول صفحه والي حاب يستفيد من كلامي ويشتري واحد يرن علي وبلاقيه بمكان معين وبسمعك بأذنك .

اخواني الاعضاء كلامي واضح للغايه لافي كذب بالموضوع ولا سرقه والكرت جديد ميه % .

انتوا عندكوا معلومه انه الكرت بضل سعره يزيد يومي يعني عدم المؤاخذه شو جابر الواحد يشتري كرت بالاسعار الخياليه الي انتو بتحكوا عنها .

[Prince_Saad]

انت هيك بتعجبني ياكبيررررررررررر

[Prince_Saad]

اسمع الكلام بأذنك من المحلات الي بعرفها ولا تسدق واحد كداب .

[Fu'ad]

اخوي sob_gang_solid انا حكيت اني سألت محلين فهل يعقل انه المحلين سراقيين .

وشغله ثانيه اخوي انا حكيت انه رقمي اول صفحه والي حاب يستفيد من كلامي ويشتري واحد يرن علي وبلاقيه بمكان معين وبسمعك بأذنك .

اخواني الاعضاء كلامي واضح للغايه لافي كذب بالموضوع ولا سرقه والكرت جديد ميه % .

انتوا عندكوا معلومه انه الكرت بضل سعره يزيد يومي يعني عدم المؤاخذه شو جابر الواحد يشتري كرت بالاسعار الخياليه الي انتو بتحكوا عنها .

السلام عليكم ...
عفوا أخي مين اللي حكى انك كذاب!؟!؟!؟!؟!؟
أنا كل اللي حكيته :

بالله عليك أنا كمان بدي الرقم بدي أشوف شو قصة هالكرت والمحل وصاحبه كمان..

الظاهر انه القطع مستعملة أو مسروقة.!! مافي غير هيك....

أنا ما قصدتك أبدا...انا قصدت المحلات اللي انت بتحكي عنها...
وركزت على صاحب المحل اذا لاحظت..
مع فائق الاحترام...

[Prince_Saad]

اخوي بدك الصراحه انا راسي وجعني من الموضوع حكيتلكوا الي بده المحل يتفق معاي بروح انا وياه عليه يا اخي من طبربور للزرقا بتكلفك مواصلات روحه ورجه دينار . شو بتخسر اذا بتيجي وانا جاهز بأي وقت ومن هسا جاهز .

[yazan soft]

اخوي الكرت بالمحل مش موجود حاليا عنده بس حكالي بوصيلك على واحد وخلال 8 ساعات او يوم بالكثير بكون عندي

وشكرا الك اخ يزن على تكذيب كلامي .

ولاعمره رح يكون عنده, او لما تشتريه لاتنسى تورينا صوره وتقرير عنه لانه بالتاكيد المحل لايعرف حتى الكرت الي طلبته منه

انا لا اكذب كلامك لكن انظر لمنطق كلامي, هل تتوقع الاسعار بالاردن ارخص من اسعار السوق الامريكي؟ :eek:

بالمناسبه انا من سكان الزرقاء واعرفها اكثر مما تتصور لاني عملت بهالمجال فيها ولحد الان متابع سوقها :rolleyes:

[Prince_Saad]

طيب بما انك من سكان الزرقاء الاقيك هسا بمكان معين ونروح على المحل وانت بتستفسر منه على راحتك .

شو رأيك

[Prince_Saad]

والرجاء اخوي انك ترد جواب سريع

[Prince_Saad]

شو قلت :rolleyes:

[Prince_Saad]

اخوي لو معلومتي غير صحيحه كان حاولت اتهرب من الموضوع بأي شكل من الاشكال .

لكن انا بحكيلك بنروح انا وياك :confused:

[Prince_Saad]

اخوي رد جواب بسرعه

[nayef108]

اخواني انا من فلسطين .... اذا هادا السعر مزبوط وتم تأكيده انا حاوصي على واحد وانزله عنا ان شاء الله

[!! NoMeRcY !!]

كلام الاخ يزن صحيح ١٠٠٪
لا توجد بطاقات بهذه الاسعار .. اسعارها العالمية اعلى من السعر الي تم وضعه من قبل الاخوة
بالاضافة الى ان البطاقات التي ذكرت لا تصلح ولا تخدم الالعاب الحالية لا من قريب ولا من بعيد .. وهي بالاصل غير متوفره ولو توفرت رح تكون اسعارها عالية .

من جهة اخرى البطاقة 9800GX2 تحتاج الى مزوط طاقة عالي .. 600W لتشغيلها لانها معروفة باستهلاكها للطاقة
ومزودات بهذا الحجم من شركة معروفة اسعارها مرتفعة من 90-115 دينار .

بخصوص بطاقة 8800 الالترا .. كلام يزن صحيح كان سعرها بحدود 700 دينار