السلام عليكم ورحمة الله



عايز بس مساعدة بسيطة فى تحديث جهازى بس مش طلب تجميع جهاز شوية أسئلة بس ( مش شوية على فكرة ) :D


كنت فى البداية ناوى على ال Q9550 بس الأعضاء هنا نصحونى بأن لو معايا فلوس أجيب ال I7 لو مش هينفع ما تجبش ال Q9550 بالسعر ده ( كان 1550 بقى 1400 ) جنيه و ان الفرق بينهم كبير فى الأداء

بس المشكلة الأكبر هو البوردة ال G31 بتاعتى ASUS P5KPL-AM/PS Rev 2.0 و ان البروسيسور ممكن ما يشتغلش عليها

فبمساعدة بعض الأعضاء قررت بدل ما أجيب ال Q9550 أجيب بروسيسور متوسط و كارت شاشة وباور

بحيث اجيب ال E5200 مع ال HD 4850 و باور OCZ StealthXsream 500 Watt يبقى المجموع 1680 جنيه و دلوقتى أنا مستقر على التجميعة 70% الباقى ان شاء الله بعد نصايحكم و مساعدتكم

و أبقى أغير البروسيسور والبوردة فى خلال سنة كده مثلا و ممكن أجيب حاجة من اللى هتنزل ساعتها على حسب I5 - I3 أو AMD

***********************************
بس دلوقتى ليا شوية أسئلة

1- ال Q9550 لو جبته ممكن يشتغل على البوردة بتاعتى مع ملاحظة انها Rev 2.0 ولا لأ و لو اشتغل هل ممكن يشتغل عليها كامل سرعته ? و رقم البيوس هو 0309 و فى الموقع ال Q9550 يشتغل من أول 0307 و كده كده هبقى أحدث البيوس برضو

و هل حرارته عليها هتبقى عليها ؟


2- لو جبت ال Q9550 هجيب معاه الباور ال 500 وات يعنى المجموع هيبقى 1800 جنيه و مش هجيب كرت دلوقتى لكن مع ال E5200 هجيب الكرت ,,,, فأنهى أفضل


3- ال Q9550 ممكن يكمل معايا سنتين و نص ثلاتة ولا لأ مع العلم انى لو جبته هبقى مضطر لتغيير البوردة خلال كام شهر كده لأى حاجة P45 عشان كسر سرعته و كده


4- ال E5200 أداؤه كويس نسبيا ولا لأ ومش هيدينى الأداء اللى محتاجه مع العلم ان استخدامى تحويل أفلام و ضغط و مش عايز الفلم يعد ساعة ولا اتنين كما هو الحال مع ال Celeron و سرعته فى ال Startup للويندوز طبعا أنا شفت فيديوهات كتير لأداؤه فى الألعاب على ال Youtube بس مش هحس فى الفيديو بتقطيع أو كده :confused: و هل ممكن يكمل معايا سنة و نص ولا لأ ؟


5- ال HD 4850 ب 900 جنيه و ناوى أشتريه ان شاء الله بس عشان 1 جيجا و ممكن أغير الشاشة قريب وسؤال ال 4770 مع كسر سرعته بيتفوق على ال 4850 طيب ال 4850 لو مكسور هيتفوق على ال 4770 المكسور ولا لأ


يعنى HD 4850 OC VS HD 4770 OC ؟؟؟؟


و كنت سمعت من عضو ان ال 4770 بتاعه على ريسوليشن 1280x1024 على لعبة Crysis بيقطع تقطيع بسيط على أعلى اعدادات ب X4 ال AA فهو قلل الاعدادات ولعب كويس مش عارف كده أداؤه حلو و كويس ولا لأ ؟؟



6- سؤال أخير أنا محتار بين ال Q8200 و ال E5200 ممكن الفرق يوصل كام فى المية بالظبط و هل لو جبت ال Q8200 هيفرق معايا جامد ولا لأ عن ال E5200 ? و أنا كنت فكرت فى AMD قلت X3 720 مع ماذر 770 هيبقى 1325 جنيه + الباور و الكرت يبقوا 2600 جنيه و هبيع البوردة والبروسيسور ب 285 مثلا يبقى 2400 بس ده كتير جدا مع الأخد بالاعتبار ان ال Q8200 فى قوة ال X3 720 لكن هيبقى مع البوردة بتاعتى والكرت و الباور ب 2250 حنيه مش كتير برضو


و أسف لكتر الأسئلة بس أنا مش عارف أجيب ال Q9550 ولا ايه ولا ايه :confused: